تزوجت و اندفنت

انا تزوجت قبل 5 شهور وسكنت بمدينة بعيده عن اهلي وماعرف احد فيها ونفسيتي يابنات تعببببببت بشكل فضيع ! ماني قادره استوعب التغيير بحياتي
اول كنت اطلع مع اخواتي واروح واجي واجلس مع اهلي كنت احس بطعم الحياة ولما تزوجت بس اطبخ واغسل وانظف ..من الطفش والحياة الممله صرت بس اكل لحد انعدم جسمي
ساكنه بشقه صغيره فيها غرفة نوم ومطبخ وصاله صغيييره وفيها منور يعني حتى الهوا مايدخل البيت ..
احيانا يجي غبار ومطر اهلي يسالوني وانا مادري عن اي شي برا وناااادر ماطلع من البيت
زوجي يجي تعبان من الدوام وينام ويلعب رياضه وياكل وينام
واهل زوجي ماعرفهم للحين ولا اشوفهم ولا قد جوني بس احنا رحنا لهم كم مره .. و امه تجينا احيانا وانبسط اخيرا شفت انسان اتكلم معاه والله احيانا تضيق الدنيا فيني وادعي بالموت .. وصار هو كل حلمي بهالحياة !
اتمنى اموت قبل اهلي كل مره اودعهم اخاف تكون اخر مره اشوفهم
صغيره بعمري وكل همي بالحياة وش اطبخ لزوجي بكره
لا وفوق هذا زوجي ظروفه صعبه .. راتبه حلو الحمدلله بس كله راح بالقروض والديون مايبقى لنا الا 2000 ريال تقريبا.. انا اللي اسدد النت والكهربا و اقضي للبيت لاني توظفت توظيف وهمي ويعطوني 2000 لولا هالفلوس ولا كان حالتنا حاله
زوجي تعامله حلو معايه وطيب جدددددا ..لما يشوفني حزينه يقول حاس فيك بس وش بيدي ! ويضيق صدره

ماعرف وش اسوي ساعدوني بنات =(