المصروووووف ماعد يكفي ابكي ولا اصررخ!

يا عيني على الهياط ولا بالتفصيل بعد والعطر ما يقل عن 400 موالف احسن هههههه وتصر خي نو تبكين اقول خلي عنك الهياط ترى النعمه زواله. انا مثلك عندي بنتين وولد ونفس مصر وفك لكن موكل شهر احيانا تنقص والحمد لله احسن من غيري بصراحه ذكرتيني بوحده كل ماكلمتيني قالت انا رحت للمكان الفلاني وتقضيت بألف وخمس ميه فقط للميكاب والمره الثانية قالت تقضية 4000 ماركات وخرابيط. المشكله محد سألها. ههههههههه بس مثلك تهايط

طيب دامك ما تشترين الا ماركات  وأنك انتي الكشخه والواو كان رحتي للإقلاع لان عالم حوا مو من مستواك. انتي وحده مشاء الله كشخه ورعاية ماركه وعالم حواء فيه من كل المستويات وما عندهم هياط فاتوقع الاقلاع يناسبك اكثر 

أغار على ايش يحسره. الحمدالله انا فبيت ملك. وزوجي راتبه زين وحالتنا احسن من غيرنا مثلنا مثل باقي الناس ويوم تضيق ويوم تفرج. لكن ماحب الهياط وعلى فكره ترى حتى الطرارير صارو يلبسون ماركه 

جدا تافهه بجايم الهرم بلازا اجمل منه مافيه واللبس ستى ماكس مبذره جدا انتى صراحه الله يعينك مستحيل ابذر الا على مكياج وعطر وناسه لى من طلعه ولا مشوار صغير لنفسى شو ماركات ومدرى وش العيال من اسواق المجد والراجحى والهرم وستى ماكس وانتى ياكثر لبس الحريم بكل مكان

انتي تشوفين راتب زوجك 10 الالاف وتحسينه شي عظيم وكبير
ترا هالراتب بهالوقت ماعاد يكفي لاخر الشهر احسبي الاقساط الي عليه ومصروفكم والكهرب والفواتير والتمشيات وايجار لو ساكنين ايجار وبنزين وزيت للسياره وعلاج ومقاضي البيت والثلاجه الي تكلف شهريا فوق الفين وفواتير الجوالات !وفوق هذا تبين يعد مصروفكم كأنه اقساط ويزيده؟ انتي جالسه في البيت وماتحسين بالتعب وغلا المعيشه ولا تحسبين الي يدفعه زوجك شهريا
انااشوف انه كريم معك المصروف للملابس والجزم فقط , يعني لايشملها عطور ولامكياج ولا كماليات ولا جوالك ولا مصروف للطلعات
العبره مو بكثره الشراء والاسعار انها لازم تكون مرتفعه ومن اماكن معينه
عشان اكون كشخه ؟ انا مايضحكني الا الي تقول لازم اشتري ماركات واذا سالتيها وش الماركات قالت زارا ومانجو ونيولوك .. الخ هذي ماركات ؟ هذي محلات احتكرتها شركه معينه مثل الشايع والحكير وغيرهم لكن عيشو برا
او ادخلو بلوقات الاجانب بتشوفون انها محلات عاديه ماتتسمى ماركات ولايعدونها شي واو وكشخه
اعرف وحده ماتشتري لها ولعيالها من ارخص ارخص الامكان لكن ماشاءالله تبارك الله والله مابان نهائيا
ملابسهم مرتبه وانيقه جدا فيها فن وابداع تشتري من هنا وهناك وتطقم كل من شاف اناقتها يسألها
فيه بنات يشترون غالي وماركات لكن بدون ذوق نهائيا خلاقين بكل ماتعنيه الكلمه تلقينها تجمع فلوس كم شهر عشان تشتري شنطه ولالبسه بكم الف وهي لاتناسبها ولاتليق بها بس عشان يقال انها شرت شي غالي وماركه وتكشخ وتقلد فلانه وعلانه وتضغط على نفسها وتعيش بديون وحاله ليش طيب
تقدرين توفرين وتشترين كل الي نفسك فيه , انا عني مااحب مسأله المروف ولااهضمه احب متى ماابي اشتري وانزل السوق مااحب اتقيد بمبلغ معين لكن بماانك راغبه في المصروف قسميه حسب احتياجاتكم مو كل شهر سوق
قسمي كل مبلغ لشي معين البجايم تقدرين بـ 500 تشترين لهم الثلاث بجايم من الهرم وردتاغ تكفي ثلاث اربع شهور
وانتي مو شرط تشترين من ايتام ونعومي اشتري من سيتي ماكس والله فيها اشكال احلى واجمل وعلى 50 واقل
لازم تكون عندك قناعه وعينك تكون مليانه , الناس ماراح تفيدك بشي اذا ضغطتي على زوجك وحملتيه فوق طاقتك وانقلب عليك وجبتي لنفسك الهم والنكد , ولاتنسين فتره التخفيضات تحصلين اشياء بربع سعرها جمعي مبلغ للتخفضيات الجايه بعد شهرين وانزلي وتقضي لكم شهر قدام