تعبانه تعبانه ومالي احد الا انتم

قبل اسبوع زارتنا خالتي عند اهلي..وانا اللي عزمتها ..وماكنت عارفه انهم متزاعله مع امي..امي الله يشفيها ويهديها ..قاسيه ولسانها طويل..ومابينت انها متزاعلات
المهم .
مع القهوة والسواليف..والله كنت مبسوطه بزيارتها...
قالت امي لخالتي..انتم مصدقين انكم يا ال فلان بتاخذون الارض ..هذي الارض بديرتنا متنازع عليها ابوي وازواج خالاتي..
وبداء الهوشه بين امي وخالتي...وخالتي تلفظت ع ابوي ..وهددت برجالها وعيالها...وامي الله يهديها ماقصرت
انا وقفت ع باب الغرفه..خايفه ابوي يسمع تهديدها..
وبنفس الوقت مصدومه من خباثه خالتي...وكيف تجرئت تشتم ابوي وتتريق عليه.وتتلفظ بالفاظ كلها احتقار..مع انه ابوي مامثله بطيبه قلبه وكرمه..الله يجزاه الجنه

طلعت خالتي زعلانه وتنافخ..وقلت والله الرجاجيل مادرو عنكم يالحريم.قالت لي انطمي..مالك دخل

من البكره رحت لجدتي وخبرتها بكل اللي صار من بناتها امي وخالتي...وقلت والله ما ادخل بيوت خوالي الا باعتذار رسمي من خالتي وشتمها بابوي وتهديدها له وببيته بعد..ما ترضي عاقل
خااالتي انكرت كل كلامها وكل شتمها...واتهمتني بتهم باطله..اني عزمتها عشان تتصادم مع امي بهالموضوع

وتوني جايه من عند اهلي...واخواتي هاوشوني وهزئوني بسبب هالموضوع ليش تدخلين بين الخوات..وانهرت وصرخت فيهم..وقلت الا ابوي ..ابوي ينشتم من ناس ماتسوى ظفره..وتبوني اسكت..ليت ابوي شين واخلاقه وسخه مثل رجالهم..والله لا اصفق واطبل

دموعي ماجفت..احس بقهر ع ابوي تاج راسي. ..ليه الطيب بهالزمن ينداس ماحد يحترمه...

وانا اتقبل كل النقد...يمكن عاطفتي دفعتني اخرب علاقتي مع خالتي...اللي كرهتها من قلبي
بس اقول عشان ابوي..اخسر حتى عيالي...
اعذروني كلامي ملخبط..ومااشوف الحروف زين عيوني متورمه من خواتي...الخبلات..

12 تعليق 2,101 مشاهدة

شاركي في النقاش

سجلي الدخول لإضافة تعليق.

التعليقات

8
  1. @shrny_ghlak

    الله يصلح بينكم يااختي
    لو عرف كل شخص الهدف من وجووده في الحيااه
    ماكانت وماصارت الهوشات ذي
    خليك احسن من اللي حولك وابدئ بتسامح
    ماعليش ادري غلطو بس برضو لاتغلطي انتي زيهم خليك احسن منهم
    ذولي اقاربكم


    خليلك كويسه معهم
    لاتتوقعين اني ضدك
    لاوالله
    بس الدنيا قصيره وماتسوى
    تسامحو
    رح توجرين صديقيني
    وابوك ااعطووة حسناتهم واخذو سياته ماقصروو


    صدقيني ربي ارحم منك وياخذ حقه منهم
    اكثر منك
    الله يوفقك ويصلح مابينهم
  2. @lyal_alfgr_1

    طولي بالك ياختي, ماتنلامين على زعلك ولا احد فينا يرضى على ابوه الغالي الي تعب وربى, خاصة انك عازمتها وموجبتها في بيتك ولا احترمتك عالاقل!
    بكل الاحوال, انت مالك شغل بالكلام الي قالته, الي عليك انك اذا بغيت تشيلين بخاطرك منها انك ماتعزمينها على بيتك, لكن اذا شفتيها تبقى لها صلة الرحم وبتتحاسبين على القطيعة, فلا تكسبين اثم بسبب احد ثاني... "السلام عليكم وعساك طيبة" وبس
    ماحد فينا ترضى على ابوها طبيعي, لكن ماكان له داعي تدخلين جدتك بالموضوع, امك وخالتك لو يبون حل بينهم بيتصرفون بأنفسهن, وانت اذا ماتحملت بلحظها ورديت عليها بنفسك بنقول معذورة لحظه زعل والمرأة تجاوزت على ابوك في بيتك, لكن صعبة وانت صغيرة تشتكين على امك وخالتك عند جدتك... مدري حسيت اني استصعبت تصرفك وانا اقراه

    ايضا خوالك مالهم شغل بالموضوع لاجل تتحلفين تقاطعينهم! حتى لو بينهم وبين ابوك شيء, لا تدخلين نفسك بالنص, مشاكل الكبار يحلونها الكبار.... قطيعة الرحم امرها عظيم, ياختي لو تعرفين عظيم الكلام هذا ماقدرت تتلفظين فيه.... ولا تحسبين ان هالحكي فلسفة, صارت مشاكل واجد بين ابوي واعمامي, لكن بعمرنا ماغلطنا على اعمامي ولا قاطعناهم, يبقى لهم الاحترام وصلة الرحم مستحيل نقطعها والا نبين لهم اننا شلنا بخاطرنا اي شيء...

    { فَهَلْ عَسَيْتُمْ إِن تَوَلَّيْتُمْ أَن تُفْسِدُوا فِي الْأَرْضِ وَتُقَطِّعُوا أَرْحَامَكُمْ أُوْلَئِكَ الَّذِينَ لَعَنَهُمُ اللَّهُ فَأَصَمَّهُمْ وَأَعْمَى أَبْصَارَهُمْ }
    http://www.saaid.net/rasael/247.htm

    اقري بالرابط عقوبة قاطع الرحم واستعيذي بالله من الشيطان الرجيم, ولا تخلي العواطف توصلك لدرجة الاثم
  3. كلام حرمه انقال في وقت أعصاب تالفه

    و جدتك ليش تعبين قلبها و توصلي لها خبر ان بناتها متطاحنين عشان رجاجيل


    أمك و خالتك كيف يبيعون دمهم الي سايح بعروق كل وحده عشان أراضي و رجاجيل !!!!




    طنشي الموضوع ، الكبار يحلووها ،، اهلك سلمي على كل واحد فيهم و مالك شغل بمشاكلهم
    انت دخلتي الخوال و الجدة و كبر الموضوع مره الله يهديك ،، كبري مزاج
    و أبوك مو حرمه تضيع قدره بين الناس
    الله يصلح النفوس

تابعي تجارب أخرى من هذا القسم.