ماهي اكثر مشكلة او قصة تاثرت فيها بالمنتدى؟ اخبرونا عنها

بصة الاخت غيوض

وقصة الاخت ام فيصل ومرضها

وقصة الاخت اللي زوجها جاب لها الايدز

وقصة اللي توفت اختها واهلها غصبوها من الزواج بارمل اختها وهيه بالمدرسة

قصة اللي أمها تركتها عند جدتها ولو ألاقي موضوعها سألتها

أبوووك وش دووووره؟؟ وينه عنك إذا الأم ماتعرف السنع والحرام الأب ويينه

ليش ماقال بنتي ماتطلع من بيتي ليش خلاها٢٠ سنة لأنها ماجابت أي سيرة لأبوها

في القصة !؟؟!!!!!

بكيييييت على هالقصة لين قلت بسسس لان صاحبة القصة فعلا توفت من السحر بسبب الخادمة حسبي الله ونعم الوكيل فيها كان السحر في كل مكان خصوصا الاكل لدرجة وصل انها تحط السحر في كريماتها وتحطه بين البلاط وتخيطه في الاثاث الله لايوفقها طبعا توفت وكانت ساجدة الله يرحمها والي قطع قلبي ان عندها ولد صغير يا عمري واكبرهم بنت 14 سنة شالت مسوؤلية البيت طبعا الي تكتب القصة صديقتها القصة على قد ما هي حزينة لكن مررررة استفدت منها وانصحكم لازم لازم تقرونها وتعرفون اساليب بعض الخدم في السحر وتاخذون حذركم ومنها تدعون لها الله يرحمها ويغفر لها



أستعانت بالشيطان سحرتهم ...واستعانت بالرحمن فأنتصرت عليها

http://forum.hawaaworld.com/showthread.php?t=1854933&page=52#post84219164

قديم 03-08-2009, 22:30 #1
الحمد لك يارب

عضوة نشيطة

الصورة الرمزية الحمد لك يارب

تاريخ التسجيل: 27-05-2007
الدولة: في مكـان لايـسوى جناح بعوضــه
المشاركات: 411




أستعانت بالشيطان سحرتهم ...واستعانت بالرحمن فأنتصرت عليها
السلام عليكم ورحمة الله وبركاته
أسعد الله أوقاتكن اخواتي في الله بالرضى والسرور
من فترة مرت احدى اخواتي الفاضلات بأزمة مازالت لليوم تعاني من ويلتها ولانها مؤمنه والمؤمن مبتلى صبرت وصابرت ونصرها ربي من فوق سبع سمواته بنصر عظيم والله انها كانت نعم المتوكله بالله فكان الجزاء النصر العاجل لها
تقول اختنا في الله انها كانت عندما تدعو الله سبحانه وتعالى في جوف الليل البهيم تصلها همسات (وبعزتي وجلالي لانصرنك ولو بعد حين ) مااعظمها من اجابة عاجله ومااروعمها من صابره ومن يتقي الله ويتكل عليه ويصبر ويحتسب ينصره ربي بالنصر العاجل فهل مستعدات تسمعن حكايتها وتشهدن معانتها وتستفيدن من خطواتها في حماية مملكتها ؟



بدأت حكاية اختنا بعد وصول خادمتها التي كانت رقم ثلاث خلال شهرين تقول وصلت خادمتي الاندونسية بعد مارجعت ثنتين خلال شهرين ووالله نفسيتي تعبانه بروحي تعبانه ونفاس والعملية متعبتني وخاصه انها ثاني عملية خلال سنتين غير اني ام لطلبة مدارس وطفلين في البيت صدق صدق تعبت ومن شفتها جات قلت جا الفرج الحمد لله واتاريها يااختي هي الطامه الكبرى وانا مدري اختنا صاحبة الحكاية برغم انها لاطفال منهم الكبير ومنهم الصغير الا انها تبارك الرحمن صغيرة بالسن وتتمتع بجمال الشكل والروح والاخلاق ولها زوج لا يقل عنها في الشكل والروح والاخلاق يحبها وتحبه برغم سنين الزواج الغابره الا انها بكرم اخلاقها ملكتة قلبة وتفكيره لدرجة انه مايحب يسمع فيها اي كلمة وماتهون عليها تقول انه حتى بغرف العمليات يتضارب مع الاطباء الا يدخل معي مع انه ممنوع دوليا ولكنه يدخل معي واخر عمليه رفضوا بكيت الين ماكنت بموت اخر شئ خافوا يوقف نفسي بالعملية وخاصه انها بنج موضعي ودخلوه سبحان الله حبهم عظيم الله يحفظهم .
تقول وصلت الخدامه وشفتها صغيره قلت زين هذي تنفع لبيتي لانه كبير ويبي وحده نشيطه وحركية ووحده تتحمل دقتي ونظافتي ولانه لازم كل ليلة البيت يمسح بداك البخور وابخره باللبان لاني اصلي قيام الليل واقرأ قرآن واستحي من ربي جل جلاله والملائكة تشهد تهجدي وقيامي وبيتي مو نظيف سبحان الله ( تعلمت هالحركة منها ومنها عرفت انه الملائكة تحضر فالبيت النظيف وصرت مثلها ) تقول اختنا عدى اول اسبوع على خير وشفت انها تبارك الرحمن نشيطه وكنت اعلمها امور الصلاة وصلحت لها اخطائها في الصلاة وطلبت من زوجي يجيب لها كتب وقرآن بلغتها عشان تستغل وقت فراغها بالقرآة وبوصول ثاني اسبوع اتصلت اختنا فيني . تشتكي انها تعاني من صداع ونوم غريب فقلت لها لاتنسين انك توك مخلصة الاربعين ومارتحتي فيها كنتي كرف وشغل بالبيت يمكن التعب بس ، قالت بس انا صرت اعدى صلاة الفجر والظهر من كثرة النوم قلت شو الجديد بحياتك قالت مادري يمكن التعب بس هذا الاتصال صار بيني وبينها بعد اسبوع من وصول الخدامه وبعدها الاخت لاأتصلت ولا صارت ترد على اتصالي ولا اتصال احد أبدا وانقطعت اخبارها لمدة شهر ونص فشو تتوقعون صار لاختنا صاحبة الحكاية .
هذا اللي راح انزله بأجزاء منها تكون درس وعبره ومنها راح نتعلم
كيف شفيت من الرعاش الي اصاب جسمها
كيف شفت من الربط الي ربط رجولها وكانت تمشي مثل المعوقين وان رجولها لما تشمي تسحبها جهه اليمين.
كيف شفيت من النزف اللي صابها شهر كامل بدون سبب طبي واضح .
كيف قدرت تسترد حياتها وتسترد زوجها المسكين اللي سحرته الخدامه وخلته مثل الخاتم .
وكيف فكت طلاسم المحبة اللي نشرتهم
وكيف الخدامه سجدت قدامها وقالت اكيد انتي اكبر ساحره يوم قدرتي تتخلصين من اقوى انواع السحر
وكيف فكت سحر العطف اللي سوته للعيال اللي كانوا يشوفون امهم شريره ؟
وكيف قدرة تحافظ على بيتها وخاصه انه زوجها جاب اخوانها اربع مرات للبيت خلال شهرين يبي يطلقها وكيف تصرفت بحكمه
القصه مشوقة واحداثها طويله ولكن الفائده بالعبره اللي استفدت منها انا واتمنى تستفيدون ان شاء الله بنزل لكم الاجزاء جزء جزء انتظروني وتعصبون اذا اتخرت



السلام عليكم ورحمة الله وبركاته
أسعد الله صباحكم اخواتي
وشكرا لانكم ماعصبتم والقصه ان شاء الله اكتبها كامله اليوم بس اصبرن شويه علي

وصلنـا أن صاحبة القصــة ماكانت ترد على اية اتصال مني اتصلت لوحده من الاخوات الي اعرف انها تعرف فقـالت للاسف انها ماترد عليها صار لها فترة وبيني وبينكم انشغل قلبي عليها كانت دائما تحضر معانا التحفيظ ولها حضور مميز ومرحه جدا اخر شئ ارسلت لها مسج فلانه انا اليوم بزورج ومابي اعذار ماردت وانا ماانتظرت رد منها بعد صلاة المغرب رحت بيتهم دقيت الجرس اخذت نص ساعه برا طلعت لي خدامتها .
استغربت من شفتها قلت الله واكبر هذي خدامه ولا رقاصه !!
قلت وين المدام قالت نايمة وماتبي وتقول ماتبي تشوف احد وجات الاخت تبي تسكر الباب مسكت الباب وانا معصبه تعوذت من أبليس قسم بالله كنت بصفعها بس هديت هي صرخت بوجهي وقالت شو تبغين يلا برا دفيتها بقوه ودخلت سحبت عبايتي مسكت يدها بقوه ولاول مره في حياتي اقول كلمة (خدامه) للشغالات قالت لها ياخدامه عيب فكي يدك مسكت عبايتي بقوه وكانت تبي تسحبني لبرا هنيه عاد جاها كف ودفيتها بقوه قلت ماراح اطلع فاهمه يلا انجلعي لمطبخك ورحت للصاله وانا خايفه احصل زوج صديقتي قدامي لاني داخله بدون اذن منهم والحمد لله كان مش موجود لقيت عيالها وبناتها قسم بالله حالتهم تقولون من سنه مش داخلين الحمام شعرهم كشه وحالتهم حاله !!
سلمت عليهم قلت لهم وين ماما قالوا امي فوق مريضه قلت ودوني لها رحت لها دقيت الباب وسمعت صوتها اللي كان مختفي من الحزن قلت فلانه انا وصلت قالت تعالي حياك دخلت عليها وقلت لااله الا الله .
سلمت عليها وانا اطالعها مستغربه وجهها صايره من الكلف الوان شعرها اللي الكل كان منهبل عليه صاير من كثر ماهو خشن كانه سلك وغير انها ترجف مادري ليش وماكانت تقدر تمشي اكثر الوقت منسدحه ومنسحده على جهه لانه بظهرها ورم .قلت الله يشفيك يااختي شو اللي صار قالت الله اعلم ولكن الظاهر انها عين لانه الفحوصات كلها زينه !! قلت لاوالله انه اللي فيك سحر مو طبيعي قالت ذكري الله من بيسحرني وعلى شو بذمتك !! قلت الناس تحسد على موتت الجمعه وهي موته الله المستعان .
قلت لها عن حركة شغالتها قالت بروحي متضايقه منها بس شو اسوي محتاجتها ماتشوفين حالتي قلت ياخوفي البلا منها سكتت وسكوتها كان مؤلم قلت ليش سكتي قالت مااعرف شو اقول بس تعبانه وايد من اللي اشوفه قلت شو تشوفين قالت المشكله الكل مكذبني ووالله مادري هل انا صادقه ولا كاذبه ولامينونه ولا شو بالضبط؟
قلت تعوذي من أبليس احسبك عند الله صادقه ووالله شاهد انك من اللي ماتقول كلمه الا بعد ماتوزنها بكت قالت بتكلم معك وانتي خبريني اللي اشوفه صح ولا خيال وبدأت تروي لي اللي صاير اللي شيب قلبي قبل شعري اللي حرق انفاسي من القهر ووالله انه اللي شفته بحياتي كله مايسوى جناح بعوضه عند اللي شافته خلال شهرين فقط من وصل هالآفه لبيتها .
قالت تذكرين لما قلت لك يافلانه انه نومي صاير مو طبيعي قلت اذكر قالت سلامتك صرت انام الين العصر ومااشوف احد بالبيت ووالله اني يوم اقوم اصلي احاول اتذكر دعاء الاستفتاح مااذكره الا بعد ماتهجأه مثل الطفل اللي توه يتعلم الكلام مخي امتسح ماصرت اعرف شرقاي من غرباي مااعرف انا وين بالضبط مااعرف شو الوقت ووالله ضيعت نفسي وبيتي وعيالي وزوجي بسبب هالنوم والغريب انه زوجي مو ملاحظ ولا حاس بنومي كانه ماشي صاير وهو لو تلخبط نظام واحد بالبيت بما انه انسان نظامي يسوي قضيه قلت طيب وبعدين قالت في البدايه نومي الغريب وبعدها نوم عيالي اللي تلخبط صرنا ننام 12 ونص بالليل ولا وحده ونصحى انا وعيالي كلنا العصر تخيلي بذمتك هالموضوع طبيعي؟؟ قلت لها ابدا مش طبيعي قالت لما قلت لزوجي قال تسهرون وايد وببرود الاجابه الصراحه جاني شك بقلبي ولكني تعوذت من الشيطان اخاف من الظن السئ واني اخذ ذنب تقول تخيلي يااختي الشغاله تدفني وهي تمشي ووالله ماادري شو صار فيني صرت اسكت واول مره تصير معي خدامه تدفني وتضرب عيالي واسكت عنها وماادري شو اللي رابط لساني ولكن قلبي يغلي ولما اقول لزوجي يقول شوفي انا مو فاضي لمشاكلكم ومو كل يوم بجيب لك شغاله صيري حرمه وشوفي بيتك وبكت قالت عمره ماقال لي هالكلام وبهالاسلوب الجارح حسيت انه يكذبني ولاول مره زوجي اشوفه بهذا الشكل مادري احس انه هالشغاله ناويه نيه مب هينه قلت طلعيها الحين من البيت قالت زوجي رافض قلت والحل قالت بيد الحلال بيد ربي الحل قلت ونعم بالله عيل توكلي عليه وصلي الليوم ركعتين لله سبحانه وادعي الين تنفرج قلت صار لي شهر انزف ماادري من شو قلت بس انتي مخلصه الاربعين من شهر قالت وهذا اللي انا والاطباء محتارين منه قلت يافلانه الموضوع واضح بدون كلام قالت اشوفه واضح بس محد مصدق قلت ربي يكفيك عن زوجك وغيره وهو العالم بالحال قلت ونعم به قالت ادعيـــــــــــــــــــه ( اللهم ارني الحق حقا وارزقني اتباعه وارني الباطل باطلا وارزقني اجتنابه ) وان شاء الله بتشوفين الحقائق واضحه قدامك عن الدم هذا امسكي سبع ورقات سدر وحطي لهن غرشة ماي مسافي وحطيهن في كوب خلاط واقرئي بقراءة الفاتحة 7مرات
قراءة آية الكرسي 7 مرات
قراءة خواتم سورة البقرة 7مرات
قراءة آية (ما جئتم به السحر إن الله سيبطله) سبع مرات
قراءة أول سورة الملك 3 مرات
صورة الإخلاص 7 مرات
المعوذتين 7مرات
الصلاة الإبراهيمية 3 مرات
وتوكلي على الحي اللي لايموت انتي مؤمنه بالله ونبيه التزمي العلاج الشرعي الموضوع مادامه مش طبي اشربي منه ثلاث شربات واغتسلي بمكان مايكون يروح لمجاري في الحوش ولا في غرفة نومك هنيه واستمري وجاهدي ووالله لو طلع منها ولا من غيرها بتشوفين كل شئ الايام جايه .قالت مااقدر امشي قلت لها ليش تقول جاني الم برجولي اليمني من الورك للركبه واليسرى من الركبه للكاحل لاحول ولا قوة الا بالله قلت لها انا بسوي لك كميه تكفيك لاسبوع وبحطها في ثلاجة غرفتك ورحت للحوش مالهم واخذت سدر وسبع غرشات ماي مسافي ودخلت المطبخ قسم بالله بيتها اللي كان عامر بها وبطيبها صار حشاكم تقولون بيت غنم والله العزوبي مايغيش فيه كل شئ مكسر كوبات الثلاجات خربانه غرفة الغسيل الثياب مكوده غسالتين محروقات الكوايات خربانه البيت صاير دمار معششه فيها هالساحره وشياطينها المهم سويت لها السدرالطازج والماي وحطيت سبع غرشات في الثلاجه وقلت الحين يالله بسبحك بواحد وساعدتها تقوم ووالله انها كانت تمشي مثل المعوق نزلت دموعي وانا ارجو الله انها متشوف عيوني اسال الله العظيم ان يشفيها ويعافيها اخذت بطانية وحطيتها في الارض بيتها سراميك شربت ثلاث شربات منه وقلت لها توضي منه توضت وغسلتها غسول الطهاره ولبست ثيابها وقلت لها بروح عنك وخلي موبايلك قريب منك مااقدر يوميا ازورك ولكن بحاول قالت جزاك الله خير قلت لها لاتتركين الدعاء والاستغفار والتسبيح وان شاء الله بتشوفين الخير عما قريب ورحت عنها .


هذا الرد كتبته الظهر ولكن النت فصل الحين حطيته لكم بشرب قهوة وبحلي تعرفون الصائم كيف يحتاج لسكريات وباذن الله الليله بكملها لكم كامله وسامحوني يااخواتي على التاخير

رجعت مع اني اكتب لكم وانا صايمة الله يتقبل مني ومنكم صالح الاعمال ووالله اني مو متعمده آآخر القصة عليكم لاني ابي اعلقكم ولا اشوقكم والقصد والنية ربي يعلمها هي انكم تستفيدون-معلومة - تدرون اليوم صيام الايام البيض وسبحان الله هالصيام له فوائد عجيبه اهمها انه يريح جسم الانسان ويخلي الانسان اللي يعاني من ضغوطات نفسيه مرتاح وللعلم انه اغلب المشاكل الزوجيه الي تصير وجرائم القتل والمصايب صايره لانه الناس ماتستفيد من فوائد صوم هالثلاث الايام من كل شر سوي بحث بقوقل واكتشفوا السر العجيب والفائده العظيمه لصيام هذه الايام

نرجع لقصة اختنا ..
اتصلت فيها ثاني يوم ردت على طول قلت لها كيف حالك اليوم جلست تبكي قلت شو فيك قالت زوجي نزل ينام بغرفة الحريم قلت شو صار وجلست تبكي بكا مرير قالت من تزوجته الين امس ماعمره ترك فراشه مهما صار بيننا ننام بغرفتنا لاننا مانبي نبين لعيالنا مشاكلنا ونخاف على مشاعرهم ولكن امس طلع الغرفه وهو يسب ويتكلم حتى ولدي الكبير جا يسال شو فيه ابوي قلت مافيه شئ يبي ينام واخوك الصغير ازعجه قال يعني اول مره اخوي يصيح وابوي يتضايق؟ ولا اول مره ابوي يبكي عنده طفل قلت لاتسال وايد روح حط له فراش وماي وشوفه شو محتاج ولكن نفسيتي تعبانه قلت عساه خير تعوذي من الشيطان وخلي حياتك تصير طبيعيه قدام عيالك وتذكري انك في بلاء وبشر الصابرين واحتسبي ووالله انه النصر قريب بس اصبري .
وبشريني شو صار معك تقول جلست طول ليلي ادعي الله سبحانه بـ اللهم ارني الحق حقا وارزقني اتباعه وارني الباطل باطلا وارزقني اجتنابه والحيت بالدعاء انه لو في شئ في بيتي ضرر واسحر اوعمل او شخص ضارني يارب أريني اياه وبستمر قلت هذا المطلوب جاهدي على نفسك والحين كل اللي تشوفينه اصبري عليه قالت تراني احاول والله يصبرني .تغسلت الاخت بالماي لمدة ثلاث ايام ووقف الدم سبحانه واتصلت فيني وهي فرحانه لان الدم وقف وقالت الحين بتطهر وبصلي وبكت قالت كنت اتمنى اني ماوقفت صلاتي ولكن الدم كان اسود وهذا اللي خلاني اوقف عنها والله يعفو عني ويجبر بتقصيري قلت لها لكل شئ حكمة والحمد لله انك بخير وان شاء الله ربي بيغفر لك وهو اعلم بك وبحالك ولكن استمري على الماء لاتتركينه قالت ان شاء الله قامت اختنا بصعوبه تطهرت وتوضت وتوجهت للقبله وقالت الله واكبر وسرحت في رحاب ملكوت خالقها وبدأت تشتكي لمن خلقها وتبث همها وحزنها ومااصابها وهو السميع البصير والي اعلم بها قالت دعيت بكيت شهت الين مااغمى علي في صلاتي اللي اذكره اني صليت ركعتين وقبل لآرفع نفسي من سجودي حسيت شئ طار من جسمي لدرجة انه وقف نفسي ودخت مادري كم ساعه واللي قومني صوت ولدي الصغير الي من البكا انهار قمت له اركض مسكته وحظنته واسمي عليه وتقول جلست على سرير ورفعت رجلي اليمين وخليت ولدي ورضعته وانا بعدني مش مستوعبه للي صار ولكن قلت لنفسي كيف تحركت بهذي السرعة !! انا ركضت كيف ركضت يالله رجولي تحركت مدت يدها تشوف الرعشه راحت احس بهز في جسمي ولكن مااشوف الرعاش القوي شئ مثل قبل حطيت عيني على مكان سجودي وتذكرت اني كنت اصلي وانه قبل لارفع نفسي من سجودي كيف حسيت انه في شئ ضاغط على نفسي حتى اني فكرته الموت تقول رفعت جسمي من السجده وماشفت الا سواد قدامي وماحسيت الا بصوت ولدي الي تقطع من البكا وكان يشهق مادري شو اللي حصل ولكني يااختي ربي ماقصر فيني ربي ماقصر فني وانا المقصره ماقصر فيني وانا المذنبه ماقصر فيني وانا كلي خطايا وذنوب وجلست تبكي ربي شفاني ياالحمد لك يارب قلت لانك دعيت وانتي موقنه انه هو الواحد القادر على تفر يج همك ومن دعا وهو موقن بالاجابة اجيبت دعوته استمري تقول رضعت ولدي وسميت عليه وحطيته فسريره وفتحت باب غرفتي ياللـــه شهر تقريبا ماكنت اقدر اوصل للباب وشهر ماطلعت من غرفتي نزلت تحت ريحت البيت ماتتشاهد قلت شصاير بالبيت المهم ناديت البنات والعيال قلت تعشيتوا قالوا لا مسوت لنا عشا قلت ناودها جاتني شفتها ابتسمت ابتسامه سخريه قلت لها شو هاللبس قالت بكل ثقه شو فيها مادام عادي قلت عادي ببيتك مو هنيه هنيه تلبسين اليونيفورم اعتقد شاريه لك ملابس خدم ولاناسيه انك خدامه فالبيت تغيير وجهها قسم بالله شفت حقدها الاسود في وجهها قالت لا مادام مانسيت قلت يلا روحي غيري ملابسك وجهزي عشا اليهال وراحت قمت للعيال قلت يلا للحمام تسبحوا غيرت ملابسهم ووالله البيت مو بيت البيت حشاكم زريبة والله يااختي انه اللي صار ببيتي غزو لو دولة غزتها دوله ماتسوي فيها اللي صار ببيتي تعب عمري حرمان نفسي عشان اوفر لبيتي افضل الاشياء وارقاها راحت هباءً منثورا والسبب من هالحاقده اللهم اني اعوذ بك من قدر اراده حاسد اللهم اني اعوذ بك من قدر اراده حاقد اللهم اني اعوذ بك من قدر اراد ساحر حسبي الله عليها حسبي الله عليها حسبي الله عليها .
تقول جاتني الخدامه وغيرت لبسها ولكن كانت تنظر لي بنظره فيها قوه وتوعيد طنشتها قلت في بالي عندك شيطان وانتي واياها مخاليق مثلي وعندي الرحمن بينصرني عليك بجبروته وقوته ، حطت العشا شفت البيض لونه خضر مع اسود؟!!! كنت سابقا اشوفه كذا بس كنت اكل ومااتكلم واصلن ودي اعلق بس مادري ليش كنت اسكت !! قلت لها ارفعي الاكل ووديه المطبخ قالت ليش بعد ارجعه كلوا وخلاص وهي معصبه سحبتها من طرف ملابسها بقوه لعندي قلت سوي اللي قلته يلا صرخت فيها من الخوف كانت بترجع ودت الصينيه للمطبخ ورحت وراها يوم شفت مطبخي حسبي الله عليها وين ماكانت مافي شئ حياه في المطيخ كل شئ دمران قلت مو مشكله العوض منه اخذت بيض وقليته بيدي طلع البيض كالمعتاد اصفر وابيض مو اخضر واسود قلت لها شو هذا الاسود قالت ماادري قلت كيف ماتدرين قالت مااعرف مسكتها بقوه وحطيت عيني بعينها وقلت شو هاللون قالت يمكن من الملح قلت اي ملح قالت الملح فيه شئ اسود مسكت غرشة الملح وشفتها بالفعل فيها شئ اسود قلت وكيف جا الاسود هذا قالت هو كذا من السوق قلت احلفي من السوق كذا هذا لو ماكنت اعرف بقول كلامك صح فتحت الكبت وطلعت جديد وكبيته فعلبه وطلع ابيض صافي مسكت غرشة الملح الاسود وكبيته وقلت خير ان شاء الله ان الصبح لناظره لاقريب وانا واياك بنشوف اخرتها شو لكن تأكدي انك ماراح تطلعين من بيتي الا وانتي عارفة ان الله حق ورحت اودي عشا عيالي وانا داخله للصالة شفت حبيب قلبي داخل الصاله لما شافني دخلت غرفة الحريم وسكرها بقوه وراه قلت حسبي الله ونعم الوكيل اللهم من سعى في قديم او حديث او خاصة ام عامة او سر او علانية في صرفي عن زوجي وصرفه عني اصرفه بكيده عني وعنه يارب بقدرتك يارحمن اللهم من سعى في التفريق بيننا فرق بينه وبين نفسه يارب وآيأسه من وصول مرامه كما آيسة أبليس من دخول الجنه عشيت عيالي ونومتهم رحت لغرفتي صليت ركعتين ودعيت الله سبحانه انه يردني لزوجي ردا جميلا ويرده لي ردا جميلا قمت سويت كوب نسكافية له وسويت له سندويشات خفاف ورحت له دقيت باب الغرفه محد رد فكيت الباب مالقيت زوجي وين تتوقعين احصله يااختي ؟
خفت وايد وحسيت برعشه في جسمي وجاتني الظنون والهواجس ووالله خفت أشوف احب الناس لقلبي في منظر ماله داعي ولكن قلت بروح رحت لغرفة الشغاله لقيتها تصلي ورافعه ايدها مثل حركة الفراعنه وعيونها على رسمه في جدار غرفتها لما شغتها جاتني رعشه بجسمي ولكن جاني همس ماصنعوا كيد ساحر ولا يفلح الساحر حيث اتى قلت لها من تخلصين هالفلم نامي بكره عندنا شغل كثير بنظف هالبيت من الشياطين اللي فيه وطلعت عنها رحت اشوف زوجي لقيته حبيبي عند الباب الخارجي جالس حزين قربت منه حطيت يدي على كتفه لما شافني اخذ نفس عميق قلت شو فيك يابو فلان جالس هنيه قال مافيني شئ ابا اجلس وخلاص قلت جبت لك عشا في ونسكافية قال شكرا قلت تامر على شئ بروح انام قال شكرا رحت عنه وانا راده شيكت عليها في غرفتها ولا الاخت مغيرها ملابسها لابسه قميص نوم جايبه لي زوجي من امريكا ورابطه شعرها مثل حركة البنات الصغار ومسويه مكياج !!! وتخيلوا فاتحه رجولها تدهن بكريماتي الخاصه ياسلام لما شافتني كانها شافت رعب قلت له وانا مبتسمه خير اليوم بيجيك زوجك في البيت قالت لا قلت عيل شو هذا ؟ قالت عادي انا كل يوم قبل لانام اتزين ماحسيت بنفسي الا وانا اسحبها وارميها عند الحمام قلت لها فصخي قيص نومي ياحقيره يلا وسمع زوجي صوتي جا يركض لما شافها قال اعوذ بالله وطلع قال شو هذي قلت سارقه ملابسي واغراضي وتلبسهم قال خلاص خلاص خلاص روحي نامي فكينا من المشاكل قلت أي مشاكل هذي ماخذه اشيائي انت ماتشوف شو تسوي سحبني من يدي وقال روحي لغرفتك يلا وصرخ بوجهه قسم بالله اني بكيت ساعتها بكا مو طبيعي رحت لغرفتي وقلبي يحترق رحت رميت نفسي على سجادتي وناديت يارب يارب يارب الهم ياكاشف الهم ياكاشف الغم يامجيب دعوة المضطرين رحمان الدنيا ورحيمهما انت ترحم المستضعفين ارحمني يارب وارني ماانت اعلم به مني يارب اني مسني الضر وانت ارحم الراحمين . قمت نزلت لزوجي لقيته ساكت وهو متضايق قلت له ماابي هالخدامه ببيتي قال مو على كيفك قلت كيف يعني قال طلعي برا ولا قسم بالله ماتشوفين خير قلت انت شو فيك هذي خدامه قال احترمي نفسك قلت ليش انا غلطت على امك ؟ مااحس الا بكف وسحبني بقوه له قال قلت لك احترمي نفسك ولا والله اليوم ماتشوفين خير قلت مابي اشوف خير شو بتسوي مسك موبايله واتصل باخوي وقال تعال شيل اختك من قدامي ولا والله لاطلقها اليوم وافتك منها هالكريهه كلها نص ساعه واخوي وصل قال لي اسكتي الرجال مو صاحي قلت يعني مجنون قال لاوالله مب مجنون اول مره اشوفه بهذا الشكل بس خلي الامور تهدا شويه بالبيت مادري شو صاير ببيتكم اول مره اشوفه بهذا الشكل ودخل زوجي قال كلمتها هالمجنونه قال اخوي كلمتها وقام اخوي يهاوشني قدامه عشان يهدا وقال قومي يلا اعذري لزوجك وقمت اعتذرت له وحبيت راسه ويده وقلت سامحني مااقصدت ازعلك وان زعلت مره ثانية سوي الي تبيه




اخواتي يحزنني ان اخبــركم أن اختنا في الله الراجية لرحمة ربها وعفوه صاحبة القصة وفاتها المنية الساعه الثالثه فجر اليوم وسبحانه ماتت وهي ساجده استيقظ زوجها على بكا طفله وعندما تلفت يبحث عن زوجته وجدها ساجده قام يمسك الولد ولكن سجود الام طال وبكا الطفل ازداد وعندما اقترب وجدها مرتخية في سجودها حركها فوجدها فارقت دنيا النكد والهم الي دار القرار والاستقرار ويقول زوجها كانت تضيع بقربها صحن فيه سبع تمرات وكاس ماء ونص كوب حليب سحورها لانها كانت تكمل صيام الايام البيض .
إنا لله وإنا الية راجعون اللهم صبر امها وأبيها واخوانها واخواتها وزوجها وأطفالها على فراقها ونحن معاشر صديقاتها اللتي نشهد بأنها كانت صاحبة دين وعفاف وخوف وخشية وتقوى من الله اللهم أرزقها رضـــاك والجنه وأبعدها برحمتك عن سخطك والنار ولا حول ولا قوة الا بالله العلي العظيم .

اخواتي اعتذر كتابة القصه بالتفصيل كما كنت لان صاحبتها بين يدي بارئها واخاف اني اخدش كرامة ميت وساكتفي بذكر الفوائد التي استفدتها منها وكيف يمكننا ان نحص البيت والمال والعيال والزوج والنفس .



اقتباس:
المشاركة الأصلية كتبت بواسطة السلامات مشاهدة المشاركة
اللهم اغفر لها وارحمها وعافها واعف عنها وأكرم نُزُلها ووسع مُدخلهاُ...

واغسلها بالماء والثلج والبرد ونقها من الذنوب والخطايا كما ينقى الثوب الأبيض من الدنس...

وأبدلها داراً خيراً من دارها وأهلاً خيراً من أهلها وزوجاً خيراً من زوجها...

وأدخلها الجنة وأعذها من عذاب القبر ومن عذاب النار...

اللهم امين

انا لله و انا اليه راجعون

الأعمار بيد الله

ونعم بالله والموت حق علينا جميعا ولايبقى الا وجه ذو الجلال والاكرام

يا اختي و انت تكتبين قصتها هل كانت ولازالت في البلاء ؟؟؟؟
نعم كانت في أشــده لانها انكست وصار لها أثر عكسي والظاهر الخادمة سوت لها سحر اللي يتجدد من نفسه وهذا اشد الانواع وادمها الله يبعد عني وعنكم وعن كل مسلمة

و ما هو مصير الخادمة حسبي الله عليها ؟؟؟

الخادمة سفرتها هي بدون علم زوجها لما سافر لانها كانت تبي تتخلص من شر مستطير في بيتها

هل استأذنت منها في نشر قصتها ؟

نعم يااختي انا اخاف الله في حرف اكتبه وانا كنت اكتب لكم القصه وقبل لاسوي نشر الموضوع اقرأ لها المكتوب وتقول توكلي على الله

افيدينا عن قصتها

كيف افيدكم اخت عزيزه ووالله اني متأكده أني فقدة كنز عظيم كانت كل كلمة تقولها لنا تعتبر حكمه سبحانه والله اني احس بألم على فراقها ولكني فرحانه لنهايتها اللتي أسال الله ان يرزقنا مثلها جميعا .

اعرف بأنك في كرب و صدمه و نحن كذلك
الله يصبرك و يصبر كل من يعرفها
لقد صدمت بالخبر و كأني اعرفها !!
لا حول و لا قوة إلا بالله


الشغاله سفرتها بعد ماكانت اختنا الله يرحمها تصلي استخاره فيها ووالله لو تدرون انها كانت تتصل فيني كل يوم وتقول لي يااختي اخاف اني ظالمتها اقولها ماتشوفين اللي حاصل قدامك قالت اشوف ولكني اخاف الظلم الظلم ظلمات يوم القيامه ..
المهم تقول اختنا انها كانت تصلي قيام الليل وفي هذيك الليله تقول كررتها دعاء الاستخاره اكثر من مره وسألت خالقي ان يلهمني الرشد والصواب يااختي بيتي بيت عزيز علي واخاف بفعل هذي الساحره يحصل شئ مايرضى الله بينها وبين زوجي ووالله انه زوجي شريف وعزيز وطاهر الحمد الله يحفظه ويعفو عنه ويطهر قلبه ويحصن فرجه اللهم امين الموضوع ماهو غيره نساء قد ماهو غيرة على العفة والاخلاق واخاف ربي يحاسبني واعتبر شيطان اخرس تقول وبينما انا اصلي سمعت شئ ارتطم بجدار غرفتي (( اكتب لكم الحادثه وشعر جسمي كش قسم بالله خفت )) المهم تقول سمعت هالاتطام قلت بسم الله الرحمن الرحيم حسيت بخوف زوجي مسافر فتحت باب غرفتي شيكت على بناتي لقيتهن نايمات وقفت وسطهن وقريت آية الكرسي والمعوذات ودعيت "اللهم يامن لاتضيع ودائعك أستودعك بناتي فلانه وفلانه وفلانه في حفظك و ودائعك اللتي لاتضيع اللهم من أراد بهن سوء اجعل كيده في نحره واجعل تدبيره في تدميره واشغله في نفسه عنهن وابعده عنهن وابعدهن عنه كما باعدت بقدرتك بين المشرق والمغرب اللهم من اراد بهن سوء آيأسه منهن كما أيآسة ابليس من رحمتك انك القادر والحافظ اللهم احفظهن من بين ايديهن ومن خلفهن وعن يمينهن وعن شمالهن ومن فوقهن واعوذ بعظمتك ان يغتالن من تحتهن اللهم انهن في أمانتك واقسمت عليك يارب بان تحميهن وتبارك لي فيهن وتجعلهن يارب من عبادك الصالحين ومن أوليائك المقربين ومن حفظت كتابك الكريم وممن يقال لهن قومن ادخلنها بسلام امنين اللهم امين .
ورحت لغرفتي اولادي ونفس الادعية دعيتها لهم وطلعت لغرفتي وتقول سمعت الارتطام مره ثانية تقول حسيت بخوف ولكن قلت بطلع اشوف وخاصه اني طالعت من الدريشه ماشفت شئ
تقول اخذت موبايلي وانا نازله واتصلت لزوجي رد وهو خايف من الاتصال قلت بو فلان في البيت شئ حاصل قال شو قلت ماادري في شئ يرتطم بغرفتنا وانا خايفه قال روحي لغرفتك لاتطلعين ماتشوفين الساعه كم قلت لاتخاف ربي معي قال رجعي قلت ماراح ارد بشوف شو السالفه وبتصل فيك طلعت وتقول ياأختي شفت شئ كنت اشوفه في افلام دراقن بوي في الرسوم وكنت اقول لعيالي هذي خرافات وكذب ورسوم ماتصير تقول شفت منظر وقلت الله اكبر والقوة لله والله اكبر اجل واعظم مما اخاف واحذر تقول والكلام لها رحمها الله انها شافت الخادمه تحاول تطير ولكنها كل ماطارت ارطمت بجدار الغرفه وتطيح تقول ماادري من وين جاتني الشجاعه كبرت عليها تكبير الين طاحت الارض الا تخاذلت الين انهارت وكنت ترفع وجهها وتطيح على الارض تقول قامت تحبي تقربي مني خفت منها ولكن قلت لايفلح الساحر حيث اتى ونطقت بلسان عربي مو اندنوسي مكسر وقالت مادامك قدرتي على اقوى انواع السحر اكيد انتي كبيرتنا وانا اعلن ولائي لك وسجدت قدامي تقول شتها على وجهها وقلت لها اتقي الله اتقي الله اتقي يوم لاينفع فيه مال ولا بنون حسبي الله عليك وعلى افعالك الله يكفيني شرك وشر كل ذي شر قومي من قدامي قامت قيامتك يارب وقلت لها شوفي تقدرين تطيرين طيري عساك ماهبطتي الا في جهنم المهم فارقي بيتي واذا ماتقدرين اذلفي لغرفتك وباجر على اول طياره تقول دخلت لبيتي ورحت لغرف عيالي اخذتهم انومهم معي وشغلت في الصاله سورة البقره وكلها ساعه واذن الفجر صحيت عيالي صلوا وصليت وتريت الشروق وصليت ونمت الين 11.30 صحيت لقيت زوجي حارق الموبايل نسيت اطمنه كلمته قلت مافي شئ ونسيت اكلمك قال قايل لك الاوهام لاعبه براسك قلت ادعي لي بالشفاء يابو فلان تراني بديت اخرف وسكر بوجهي الله يسامحه وتقول دورت حجز ولقيت الحجز فنفس اليوم اللي بيوصل فيه زوجها طيارة هالساحره بتطلع من هنيه و ساعه ونص بتوصل طيارة زوجها راحت للمطار مع اخوها خلصت الاجراءات عشان تسفرها ولان الخادمه على كفالتها صارت الامور على مايرام تقول قبل لاروح عنها قلت لها اسمعي لاتتوقعي اني اخاف منك ولا من خرابيط ولا شعوذتك ولا شياطينك انتي استعنتي بالشيطان وانا استعنت بالرحمن واكيد انا اللي بنتصر حتى لو خرابيطك قتلتني فانا متأكده انه لن يصيبنا الا ماكتب الله لنا ولا تتوقعي اني مسامحتك لا والله مااسامحك لا دنيا ولا اخره على قلم رصاص تعمدتي تخربية فما بالك بااكبر منه روحي ولنا لقاء قريب ان شاء الله عند ملك مقتدر وكلن بياخذ حقه وانا طلعتك من هنيه مو بفضلي ولا بأمري ولكن طلوعك من بيتي ومن داري هو بأمر الله وبعد صلاة الاستخاره و لو كان كاتب لك تموتين هنيه ماكان اكبر ساحر حمار في بلدك بينقذك ولكن هناك امر لا انا ولا انتي نعرفه وهناك جزاء ينتظرك وانا متاكده راح تاخذينه لاني مااخذت حقي منك وتركتك على الله ومن توكل على فقد نال خيرا كثيرا . سالئها الضابط عطوك رواتبك قال نعم قال لي تطالبينها بشئ ولا تشتكين بشئ قلت لا ولكن خروج مع حرمان هذي ضاره قال كيف قلت ساحره قال الافضل تشتكين عليها قلت طلوعها من بيتي كان بأستخاره وخليها على من خلقها يتكفل بها وراحت عسى ربي ينتقم منها راحت وارتاح قلبي منها رجعت بيتي لقيت بنتي الكبيرة تنتظرني قالت خلاص طارت قلت طارت ورحت للقبله وسجدت وقالت الحمد لله الله اللي طهر بيتنا منها الحمد لله الي استجاب لدعائي كنت اقول يارب لو كتبت لي ساعه احيا فيها اجعلها في اخراج هذه الافة من بيتي والحمد لله .

هذي هي الحادثة اللي صارت معها في يوم تسفير الخادمه يارب سامحني على الزياده والنقصان وانا كتبت الحدث مثل ماروت لي والله يعفو عني لو زودت شئ من الكلام ولا اضفت شئ بدون قصد والله العالم ماوراء القصد والحمد لله



اختي كونها طلعتها من بيتها هذا اقوى انتصار اللي ببيتها كانت ساحره مو وحد جايبه خرابيط وتوزعهم ولا طرشت شعر وسوت سحر .
كونها رجعت زوجها لحضنها بعد ماكانت كارهها ويشوفها انها كريهه وصاحبة مشاكل وانها سبب كل حدث سئ هذا يسمى انتصار
اختنا كانت تاكل وتشرب من طبخ الخادمه لانها كانت ماكملت شهر ونص على الولاده والولاده بعمليه فكانت محتاجه راحه وتخيلوا الساحره شو كانت تطبخ لهم؟
اختنا رحمها الله جاها سرطان في المعده والحمد لله انها الوحيده في البيت مو كل الاسره راحت غير انه الخدامه كانت مسويه لها سحر فتورمت الاعضاء التناسلية كامله وهذا حيير كثير من الاطباء هنيه والغريب انه ماكان هناك سبب واضح
بكمل لكم حكايتها ولكن ماراح اتعمق كثير لاني اخاف من الزياده والنقصان
بعلمكم زوجها لما رد من السفر شو صار معه
وبخبركم خطوات وفوائد خبرتني اياها وبنشرها عسا يكون لها اجر كعلم يستفاد منه
وجزاكم الله خير على الدعوه الطيبه

اليوم الجمعه يوم مبـــارك وفي شهر مبـــارك
كثرن فيه الاستغفار والدعاء لامواتكم واموات المسلمين
كثرن فيه من اصــــلاة على النبي صلى الله عليه وسلم
ولاتنسون سورة الكهف
ونصيحــــة نصحتني اياها اختنا رحمها الله وهي ان سورة البقره 24 صفحه نوزعها على الصلوات الخمس وبكذا تخلصينها يوميا
ان شاء الله اليوم بكتب لكم كل شئ بس استمتع بجمعتي وارجع لكم
سبحانك اللهم وبحمدك اشهد ان لا إله الا انت استغفرك واتوب اليكم


اخواتي الفاضـــلات

احبكن الله الذي احببتني فيــــه كم تسعدني دعواتكن لاختي رحمـــة الله عليها ...امس ذهبت لزيارة اطفالــها فوجدت أبنتها " ريحانة الجنه " هكذا كانت تناديها امها
ذات الاربعة عشر ربيعا تشرف على تعليم الخادمة الاثيوبية الجديده وتقول علمتها التنظيف باقي الطبيخ بشتري كتب ونتعلم انا وهي خلال شهر رمضان ان شاء الله لاننا في اجازة كنت ببكي قدامها ووالله بعصوبه كنت ابلع ريقي وسألتها عن الصغير جابته من شفتـــه ماسكتت يالله مسكين هالطفل قلت حسبي الله ونعم الوكيل فيها اللي حرمته من امه ثم استغفرت الاعمار بيده سبحانه ... اذكر انه اختنا رحمة الله عليها تقول لي تصدقين يااختي انه هالولد ماادري ليش كل مايشوفني يسحب نفس عميق من الفرحه تقول شهقة تحرق فوادي من داخل افرح ولكن مادري ليش احس انه شرايين قلبي تحترق ماتدري انه هالمخلوق الصغير سبحانه مثل اللي كان حاس انه بيفارق احضانها الدائمة وابتسامتها المشرقة أسال الله العظيم ان يجمعها بأبنائها وبناتها وزوجها واخواتها واخواتها وامها وابيها وبنا جميعا في جنات النعيم .

عن اكمال القصـــه سنكمل بعض منها وأسال الله العفو عن اللغو والزيادة والنقصان
جزاك الله خير بس ماقلتي لنا زوجها رجع مثل اول او لا ؟والله يرحمها برحمته
.
قبل لاخبركم عن زوجها رجع مثل قبل ولا لا بقولك شو صــار بعد ماسفرتها هي كانت خايفه من ردة فعل زوجها وهي متأكده انه زوجها مسحور
وتعرف ان زوجها انسان عزيز وكريم الاخلاق المهم كانت تنتظر وصول زوجها ويدها على قلبها وتقول دق زوجها التيلفون قالت اكيد برا ويبانا نفتح له كراج السياره
رديت بعد مااخذت نفس عميق قلت السلام عليكم ورحمة الله وبركاته تقول رد السلام وقال كيف الحال قالت طيبين نترياك قال للاسف ام فلان بضطر اجلس اسبوع
اضافي قلت ليييييييييش مادري كلمة " لييييييش " طلعت بهذا الطول هل هي فرحه ولا حزن قال لها شو فيج قال ابدا مو متعوده افارقك اكثر قال ماعليه اسبوع مايضر
وان شاء الله برجع قالت الله يحفظك تقول سكر وقلت ربي لك الحمد هذا ماكنت اتمناه يااختي كنت ابيه يبعد شوي عشان اطهر بيتي من رجسها
وقمت شيكت على عيالي وغسلت صحون العشاء وبدلت ملابسي كنت متزينة زوجي بيرد ورحت اتزين زينه ثانية لربي قمت غسلت جسمي بماء وسدر وهذي عادتها دائما عند كل صلاه اول ماي وسدر ثم اي جل له ريحه حلوه .
ولبست ملابس نظيفة وتطيبت بالعود مسحت وجهي ورجولي ويديني وفرشت سجادتي الا ابخرها بعود خام وتوجهت لربي حبيبي آآه ياربي كم عصيتك وكم ابتعدت عنك
وكم طرقت بضعف ايماني ابواب غير باب كنت اتوقع الناس بتسمعني ولكن سمعت الين ملت وكنت اتوقع الناس بترحمني واشفقت علي الين ماملت وكنت
اتوقع الناس بردها علي بتريح قلبي وردوا الين ماصاروا ينخرسون ويملون ومافي غيرك اللي ماهما شكيت وبكيت وتكلمت يرحمني .
صليت صلاة الحاجـــة ودعيت ربي انه لو ببيتي شئ من رجسها يارب بينه له وللعلم هذي سنه عن النبي صلى الله عليه وسلم فقد دعاء الرسول صلى الله عليه وسلم ربه ليكشق مابه فأته ماأصابه وين وضع له السحر في منامه ..
تقول نمت وتقول جاتها هوايل في نومي مااقدرت افهم شئ منه ولكن كان يتكرر لي كتاب نقرأه انا وزوجي دائما وهو موجود على الكمندينو ظلت ليلتتين تحلم بأشياء غريبه وعجيبه قلت لها ركزي شو الاحلام ووين تشوفين ببيتك وقامت حملة التنفيش اللي اضظرينا نستعين بأحد المشايخ بارك الله فيه يتبع منهج الشيخ عبدالله السدحان منهج الشفاء بنية الدعوه وقال لنا طرق فك كل شئ تجده في بيتها .
اولا قال لها ان وجدتي اي شئ ماكان في بيتك او كان موجود بس فيه شئ غريب تشكين فيه اتبعي الاتي :
البسي قفاز (ضـــــــروري ) يااخوات لان اختنا رحمها الله كانت بالبداية تستخدم يدها فقط واحيانا تشم ماذا وجدت وهذا سبب لها الاذية والامراض .
الشئ الثاني افتحيه خارج بيتك والافضل في الصحراء
الثالث أقرئي علية آيات فك السحر وافتحيه بحذر ولا تتركين شئ مافتحتيه وبحذر شديد
وفكي كل عقده وان استعصى فك شئ اتركيه في اناء ليلة كاملة في ماء مقروء عليه وثاني يوم حاولي تفكينه ماانفك حولية لقطع صغيره صغيره جدا واحرقي كل ماوجدتي بعد القرأه وادفني كل قطه بمكان بعيد عن الاخر وابعد عن بيتك .

انظرن ماذا وجدت اختنا رحمها الله

اولا عبايتها وشيلها واغية الوجهه وكنادير الزوج وملابس الداخلية وملابس زوجها الداخلية تم فك بعض الاماكن فيها وتم خياطتها من اول وجديده بخيوط اخرى وطبعا تخيط وتعقد وتفث فيها سمها من شر النفاثات في العقد .
داخل جيوب الزوج من الزوايا دست على اخر اخر الزاوية حجارة صغيره واحيانا شعر واحيانا حبوب رمل صغييره عشان تستقر بالداخل اما جلابيات الزوج اللي يلبسهم بالبيت فكت الجيب اللي يكون بالصدر جهة القلب واحيانا كثيره يكون مثل المثلث وحطت شعر معقود .
تحت السرير ولان البيت سراميك في كل الفواصل الخطوط البيضاء مسحت تخيلوا شو؟؟
دمها الله يحرقة بنار جهنم قسم بالله لما شفته قالت شو هالفضاوه اللي فيها الين تجلس تمسح حتى هنية قالت رحمها الله قولي شو هالغشاوة اللي صارت في عيوني كل هذا صار وانا مب حاسه .
مخداتهم ولانها كانت مشكوكه بخرز وخيوط ودنتيلات كانت تقطع وتعيد الخياط ومافي لبس مخده ماصارت له عمليات سحريه .
تقول تحت الدولايب منثور شئ ابيض حتى في معطرات الغرف كانت موزعه اختنا في بيتها مثل هذا المعطر يدوم فتره طويله وينشر عطر

داخل هذي تم وضع شعــر صغير وماده بيضـــا واحجار وتصدقون محد كان شاك انها بتحط فيهم والاعواد اللي داخلهم بدلتهم باوعواد الشوي اللي يكون راسها مدبب وغرسته في العطر انغرش في قلبها يارب.
الكريمات الخاصة بالاقدام لما لمسناها وفركنها وجدنا تم وضع حبيبات فيها وتقول رحمها الله وانا كل ليلة امسح رجولي واحس بنار ولكن اقول حرارة جسمي مسكينه
عقال الزوج ملفوف فيه شعر تخيلوا!!!!
في السرير تحت الديباج يعني على الفرشه الطبية تم رسم بحجر صغير سهمين متضادين ><
الكتب اللي على الكمنديو كل صفحه منثور فيها شئ ابيض مجرد ماتفتحينه تحسين بنوم او عصبية او اختناق من كذا صرنا قبل لانفتش نرش كل المكان بماء مقراي عليه ونكبر ونسمي والبيت 24 ساعه شغاله فيه البقره.
وبعدها نفتش وندور تعبت نفسيتنا كنا 12 وحده نفتش ولكن تعبنا من الحصيله كانت تبي تدوخ هالبيت وكانت راسمه على شئ قوي ولكن الله اقوى منها حسبي الله عليها هالخادمه.
تصدقون تعبت نفسيتي وانا اتذكر اللي لقيناه
غرفة نومهم قلبنها عن بكرة ابيها قلب كل شئ طلعناه وتم التخلص من كل الكريمات والارواج واللي ممكن نشك انه وضع فيه شئ المفارش المخيوطه ملابسهم فكيناها ونقعناها في ماي مقراي عليه واكثرها تم حرقها .
طول الدرج الدري في الزوايا معمول عجينه صغيره مثل عجينة الصراصير ومدسوسه في الزوايا وفي الغرف .
اما الغرفة اللي الزوج صار ينام فيها هذي كانت كلها عقد وخيوط على كل الكنب الزوج كان مربوط ربط هناك .
وعلى فكره الخادمه كانت تغسل ملابس الزوج كلها بالاندرويرات الخاصه بها الله يمرضها
في المطبخ لقينا في كل مكان خيطين نايلون معقودين على بعض اما جوارب الزوجة كانت تنقعهم طوال الليل في نجاسه عشان لما تلبسها تمرض وماتقدر تمشي الله يرحمها برحمته .اما المخمات وين مكان الشعر كان مربوط بخيوط وشعر ووالي كانت تشتخدمها للحمام اعزكم الله هذي مخيوطه باوراق مكتوب عليها بلاوي .
غير رسمومات طلاسم الحب اللي موزعتهم في كل مكان وبالذات في غرفتها عشان الزوج يجي كل يوم هنــاك .