السلام عليكم ورحمة الله وبركاته
صباح الخير يابنات
الحين الساعه صارت ثمانيه ونص الصبح وانا مانمت بعد اتقلب مهمومه وصدري ضايق رغم التعب والارهاق والسهروقررت اكتب لكم يمكن ارتاح لاني متاكده انكم راح تحسون بهمي اكثر من اهلي حتى.
السالفه ومافيها امس كان عندي عشا لاهل زوجي وجات مرت اخوي وخواتي قبلهم عشان يساعدوني
وجابو عيالهم طبعا واخوي عنده ولد بكبر ولدي عمره سنتين ومعلمه العض يشجعه عضني عض هذا انت اسد يلا عض
وصار الولد كانهxx بس يعض في البزوره : البيت صار مليان بزوره وخايفه على عيالي يعضهم ولا على عيال الضيوف
وفعلا عض ولدي اللي بعمره كانو يلعبون في الحوش ومسكه ورا البيت وعضه في خده عضه مو طبيعيه يشد اسنانه بقوه والله حفررررت انيابه خد ولدي يمسكه ويعضه ويضحك ويرجع يمسكه ويعضه واسمع صوت بكا غريبه وطلعت اشوف ولا ولدي فاتح فمه يبكي بدون صوت من الفجعه والالم واخذه بسرعه وادخل به اسكته خده صار بنفسجي واااارم ومحفر وطلع دم المنظر يخوف بغا يقطع خده تقولونxxعضه وابغا الولد يسكت وهو فاتح فمه فاهق يبكي ومفجوع ويتالم يحززززن وربي وغرق ملابسه بعد بالمويه
طبعا انا ماقدرت اتصرف ضميت ولدي وبالعه دمعتي اختي خذت ولدي وفصخته وتطالع لايكون عضه في مكان ثاني كمان وغيرت ملابسه كلها مويه وزوجة اخوي تطالع والولد يبكي بقوه ويبغاني اضمه خايف والله يابنات تعبت لين سكت ومرت اخوي تضايقت وقالت حسبي الله على اخوك هو اللي يعلمه فشلني ماقدر اروح مكان ولاهو يعض العيال وانا قافله معي وبالعه العافيه وساكته وهي ماقالت ولا كلمه لولدها لو انه ولدي عض ولدها بضربه بس هي ولا هاوشته حتى المهم حاولت اسكت ولدي قبل تجي جدته وعماته ويشوفونه بيسون لي سالفه الكلام هذا صار قبل يوصلون بربع ساعه ومع هذا فعلا اول ماشافوه قالو يوه وش ذا في خده قلت فتحو المويه في الحوش وزلق فيها على خده قالو لا هذي ماكانها طيحه يمه تخوف محفره ويدققون فيها والولد بعد يناهت من كثر مابكا طبعاحسو انها مو طيحه حتى بعدين عدت اخت زوجي وهي ماسكه بنتها عمرها سنه ونص من جنب ولد اخوي وبغا يمسكها يعضها وصرخت بقوه قالت انتبهو هذا الولد يعض وتفشلت مرة اخوي
ولدي نام وهو يبكي وماارتاح بنومته راسه حار وكل ماحاولت اكمد العضه يحس ويقوم يبكي ويتقلب واناوالله اني بكيت وجعني قلبي عليه يالله كيف كان يبكي وهو مفجوع وذاك ماسك فيه يعض ويضحك من جد منظر ماانساه بحياتي
زوجي طبعا بعدما راحو جلس يتكلم علي ويخاصم يقلي انتي قعدتي تسولفين وتركتي عيالك واخوك مامعه بزر معه xx وفالته فوق عيالنا والله لوفي خد ولده لينقهر ومايقلنا سلام واذا تبغين تروحين عندهم ماعاد تاخذين عيالي انقهر مره ومعه حق مالومه حتى انا انقهرت على ولدي بس مو عارفه ايش اسوي
اخوي لما شاف العضه زعل قدامي بس ماقال لولده ولا كلمه مع ان ولده على انه صغير يفهههم لو انه خاصمه يمكن ماعاد يعضه بس متاكده انه بداخله مبسوط يبغا ولده يعضض في العيال من باب ان ولدي قوي متخلف من جد
اللي يقهرني زياده عيالي جبناااااا مايدافعون عن انفسهم ولا حتى يوخرون الاذى عنهم يستسلمون بسرعه
ولد اخوي لما احد من العيال يرد عليه يخاف وماعاد يقرب عليه بس لان عيالي مستسلمين استلمهم ترا عض بنتي اللي عمرها خمس سنوات وجات تبكي قلت لها تستاهلين ليش ماتضربينه قالت يعورني وكم مره يعضهاوسبق وعضها عضه اليمه كمان وسكت الى الان معلمه فيها وولدي الكبير عمره 12 وكم مره يضربونه اصحابه في المدرسه يخاف مايرد وش الحل يابنات انا عارفه انهم طالعين لي ولابوهم بعد كنا خوافين ومسالمين مره ودي عيالي مايطلعون لنا نفسي يدافعون عن انفسهم ويكون لهم شخصيه قويه ماابغاهم يصيرون عدائيين بس ابغاهم اقويا مايخلون احد يغلط عليهم
شورو علي تكفون والله اني مابغيت اكتب لكم بس ماعرفت انام من الضيقه ومتأثره من اللي صار لولدي ومن عدم مبالاة اخوي واستحي من زوجته طيبه وقعدت افكر اقول وش اتصرف طيب اضرب الولد قدام امه وهم ضيوف عندنا يعني ولا اقلهم لاتجيبون ولدكم ولا اقاطعهم
وحتى زوجي قلت له لاتهاوشني كلم اخوي وقله اللي في راسك قال لا والله عيب علي توه متعشي عندي واكلمه اقله ليش ولدك يعض ولدي
تكفون شورو علي ايش اسوي ابتليت بعيال يخافون من خيالهم مايدافعون عن نفسهم ويخرجوني منها
كل أم تمر على موضوعي تكفا تحط نفسها بنفس موقفي وتحس نفس احساسي وتقلي بالله وش ممكن تتصرف مع ولد اخوها اللي بس يعض ومع اهله ومع عيالها الخوافين
انتظر نصايحكم عساكم للجنه ان شاء الله
وسامحوني طولت عليكم
شاركي في النقاش
سجلي الدخول لإضافة تعليق.
التعليقات
68- الله يعين
كلهم أطفال بس الاهم انتبهو لهم - لو انا منك اضربه مو انتي عمته ربيه
عيال اختي لو يضربون عيالي انا اللي اصرخ بوجههم يتوبون مايمدون اياديهم عليهم
امه وابوه متهاونين مراا في تربيته للأسف - الله يعينك طبعا مااقدر افيدك لاني مثلك استحي و مااعرف اتصرف
رفع للاستفاده - لامعليششششش ولدي ترى العضاااات تجيب عاهه واحيانا يضربون لها أبر مضااده حششى كللللببب مو آدمي أقوول أدبجييه على قلبه من قفااه بلا صغير بلاهم أنا عيال أخوي لما واحد منهم يضرب جيراننا الصغار أقووم أفسسسخخ الشبششب وهاتك ضرررب الين صياح من قلبهم اخوي يقول اضربيهم مايحترمون أحد ينضربون عاد أنا ماأشتنى منه ولا من حرمته ماربوه نربيه لاتشيلين عيالك عند أخووك اذا ولده شغاال عض ليشش مشفووح لحم امسكي الولد وعضييه بييده خليها علامه وربي يتوووب
- ياختي هو طفل صح
لكن لما يقرب ولدك خلي ملامح تبان انه مايقرب منه
وش ذا من جد
سبحان الله الطفل ترى يفهم اذا تصرفه لو كرره مؤ مقبول وبيجيه عقاب
الله يعينك ياختي من جد شي ينرفز
ناس تربي وتتعب وناس تدلع وتخرب
مواضيع مشابهة
تابعي تجارب أخرى من هذا القسم.