شاركي في النقاش

سجلي الدخول لإضافة تعليق.

التعليقات

65
  1. @ghrob_althkr

    صراحه انا معك يعني وحده ماعندها ذوق صراحه ولا هو من باب الصداقه اني احكي لصديقتي اللي ماتزوجت عن وناستي ويومياتي ومادري ايش!!
    ع الاقل اراعي ظروفها وشيء يجرحها مااطريه قدامها لاني احبها ماافتح جروحها !
    انتي عطيها كلمه دبلوماسيه قولي لها يافلانه ياعزيزتي لو سمحتي شي يخصك انتي وزوجك لاتحاكيني فيه ابد وبس فيها خير تقبلت كلامك بقلبها شيء سيء صدقيني راح تزعل
    والسلام
  2. عارفه شعورك بس حاول تفهمينها قولي لها قصه ان واحده تحكي لصديقتها كل شئ عن زوجها بعدين حبته واخذته منها يمكن تخاف وتسكت عنك معاد تتكلم حلولي بكل الطرق فيها اذا ماسكتت عاد خففي الكلام معها 
  3. @hoaaa_oam_adm

    صاحبة الموضوع
    اساسا انا ماصرت اتكلم معها خير شر وقسم تسالني عن الاشياء الخاصه تقولي وش اسوي طيب انا وشدراني لسى ماتزوجت ولا اعرف ضحكت قلت لاتزوجت قلتلك حطت فيس مكشر وكملت سالفتها مره تقولي انا صرت مره ووراي شغل وتنظيف ومن هالكلام لاني صرت مره مو زيك نايمه وتضحك قلتلها حلوه الدقه بس ع الاقل انا مرتاحه من الشقا باقي وضحكت قالت مقصد دقه ورجعت كملت سواليفها ياربي اتعبتني وربي وربي اني ماصرت معها الا وقت ماهي تبي وبكيفها وتقول لما يكون الواتس مو متصل لا ترسلين ولا كلمه حتى سؤال قلتلها طيب امرك مع ان هالشي ضايقني بس طنشت تعبت من اللامبالاه حقتها واذا طنشتهاوسحبت عليها زعلت وعتاب ومدري وشو
  4. @rnym_althhb

    للآسف هالنوعيه من المتزوجات مشكله التعامل معهم .. بس خذي وخلي واللي كلامها كثير لابد تنصب وتبالغ فلا تأخذين كل شي على محمل الجد

    واذا تكلمت بشي خاص بينهم عطيها بالوجه قولي ياخيتي دبلتي كبدي عندك غير سيرته ،،،

    انا اعرف وحده من تزوجت مالها الا فلان وتكتب دلعه فوفو في رجال يتسمى فوفو بالله �� غير التوبيكات زوجي وخراط فاضي أشفق عليها من قلبي لأن اللي صدق سعيدة مع زوجها ماتتجه للتوبيكات وتعبر عن سعادتها الا تخاف من العين تصير


    في جملة أعجبتني : قمة الأشياء نهاية عكسها دايم .... هي فرحه في قمتها في بداية حياتهم كم شهر وتخمد


    وانتي وسعي صدرك ياخيتي ولا تتضايقين فشفشي فيها لاتغثك وانا اخيتك ونصيحة بهالزمن لاتنتظرين من أحد يسأل ويشتاق هالفئة من الناس اختفت خليك على وناستك ،،،، وأجرك على الله

    طبعا لاتنسين الدعاء دااايم لك ولها أسلم للصدور ....

    و يارب يرزقك بالزوج اللي يسعدك ويملأ حياتك حب وسعادة
  5. @ghrob_althkr

    ياحواء وام ادم ياعزيزتي ابقولك كلام وارجوك لاتنسينه ومعليش رديت عليك مرتين لانه بصراحه انقهرت من كلامها وتتشرط عليك
    يختي الزم ماعليك راحتك وحده زي كذا وش معلقة فيها ؟
    واذا جت تسولف معك قولي يالله يامره روحي لغسيلك وتنظيفك كذا عطيها كاش ولاتقولين صديقتي ومادري ايش خلاص اللي مااحترمت مشاعرك تجاهليها 
    وانا اقولك من الان اذا استمريتي معها راح تنجرجين بزياده
    مااقولك قاطعيها خففي من العلاقه معها بالتدريج قبل ماهي تقطعها معك بعدين الارزاق بيد رب السموات الله اللي رزقها الزواج قادر يرزقك واحسن منها لان الله تكفل برزق العيد ووممكن تدور الايام وانا ماابي لها الشر تكون مطلقه او ارمله الحياه ماتنضمن
    واذا هي عروس بعد سنه تستحي ع دمها وتعرف وش معنى زواج ! مو فخر ولا تقهر فيه خلق الله لان الزواج زي الموت قدر وكتبه من الله
    ونصيحتي لاتهتمين بزعل اي احد مايضرب لك حساب
    اقري كلامي زين وعيشي حياتك والجأي لله واقري القرآن وباذن الله الله يرزقك يارب ياحي ياقيوم بالزوج عاجلا غير اجل اللي يسعددك ويصونك

تابعي تجارب أخرى من هذا القسم.