نصيحه أخواتي لاتخلين كل أهتمامك زوجك وبيتك أسمعو قصتي للعبره

السلام عليكم حوائيات أنا متابعه قديمه بهالمنتدى ودايما أقرأ مشاكلكن وماكنت أتوقع يوم من الأيام أني أكتب زيكن بس الحمدلله على كل حال أخواتي أعتبرنها فضفضه تزوجت عمري 19سنه من ولد عمي زواج تقليدي كنت ماأعرف ولاشي بالزواج وحتى هو كان صغير أكبر مني بثلاث سنوات المهم مرت الشهور الا اتضحت شخصية زوجي عصبي غيور يثور لاتفه الأسباب تحملت وأنا عكس هادئه حيويه مااحب أضايق أحد وأتنازل كثير عن حقوقي من كل شي حملت بعد سنه وجبت بنت وبعده بسنه ولد والتهيت بالدنيا واكتشفت خيانة زوجي كذا مره مغازلات وطلعه مع بنات وكنت اواجهه بس كان ينكر ويعصب علي وأنا اتحمل واسكت وأرجع وأعتذر وقمت اهتم بعيالي وبيتي والمدارس وتركته لخرابيطه وبعت ذهبي لاننا احتجنا كثير وجبت عيال وبنات وهو علي خرابيطه واستراحات وأصدقاء وسهر ونت وبلاوي مايعلم فيها الا الله صارت مشاكل كثيره بيننا بسبب البنات بس كالعاده ينكر ويقول انتي موسوسه وأسكت مابي مشاكل وبالفتره الأخيره يعني قبل خمس سنوات قام بس يطري الزواج وأنا أعصب ولاعصبت قال أمزح لأحد ماعرفت نوعيته أنه يحب هالسوالف كنت أقول عادي تزوج يسكت شهر ويرجع شهرين أكتشفت أنه تعرف علي وحده من النت وأخذ جواله وصارت علاقه حب بينهم وشفت رسايلهم بغيت أموت واجهته أنكر وبعدين أعترف وقال بكيفي احبها وأبي اتزوجها أنا زعلت وقمت أبكي ومشاكل وبلاوي بيننا قعد سنتين معاها وأنا كل يوم أتعذب لحد ماصرفها الله عنه كنت أدعي ليل نهار والحمدلله رجعت حياتنا أحسن من أول بس رجع بسالفة العرس بنات ماقلت لكم زواجنا له 24 سنه وعندي اربع بنات وثلاث عيال الله يخليهم بنت وةلد بالجامعه وثنين بالثانوي وفيه بالمتوسط والابتدائئ فيه أشياء كثيره بحياتي وتضحيات ماكتبتها كنت ماأطلع ولا أروح للمناسبات قليل لان عيالي صغار وتحملت كثير وصبرت المهم بنات قبل شهرين جاني وقاللي أنه خطب أنا أنصدمت أنشليت ماقدرت أتكلم حسيت بغصه كل سنين عمري راحت هدر بدل مايريحني جاب وحده لي الحين عمري 43سنه وعيالي كبار أصغرهم سبع سنوات سكتت شوي وقلت مبرووك طبعا أستانس وجابللي رضاوه ذهب وفلوس بس وش تسوى ترجع عمري اللي راح ماارتحت بحياتي كله ويوم جيت برتاح تزوج نسيت أقول ماشالله ترقي بوطيفته وفتح مشروع قبل خمس سنوات وكثرن الفلوس عنده وبنينا بيت ملك وسيارات ورصيد بس وش الفايده بدل ماأستانس أنا بهالحلال تزوج علي أنا تحملت وسكتت على شان عيالي وبناتي مابيهم يتشتتون ربيتهم أحسن تربيه مابي أخسرهم جلست ببيتي وحطيت نفسي عادي عندي حتى أهله وأهلي تفاجئو من موقفي صعب والله أتحمل بس ثقتي بالله كبيره أنه ينصرني ويعوضني بعيالي تزوج وحده عمرها 28ماتزوجت أبد بنت خالته كلامي مو مرتب أعذروني فضفضه الحين باقي شهر على زواجه أدعي ليل نهار أن الله يصبرني ويجعل زواجه بردا وسلاما على قلبي عايشه حياتي طبيعيه معاه وأدي حقوقي كامله وهو مرتاح معاي ولاتغير بالعكس أحسن من أول  مرت علي شهرين أصعب أيام عمري لأني أشوفه يؤثث شقه فوق بيتي ويتجهز للزواج ماأقول الا حسبي الله ونعم الوكيل أنا قررت أعيش حياتي وامتع نفسي واطلع وأروح بنات أدعولي بالصبر وراحة البال نصيحه لكل وحده ببداية حياته لاتجعلين زوجك كل حياتك عيشي الحياة بطولها وعرضها لأنهم مايستاهلون التضحيه 

61 تعليق 14,305 مشاهدة

شاركي في النقاش

سجلي الدخول لإضافة تعليق.

التعليقات

55
  1. @smsomh_1

    حبيبتي مشكلتك ماشفتي الجانب الايجابي لحياتك
    الحمدلله عندك بنات واولاد انتي ماراحت حياتك خساره بالعكس ربيتي عيالك واكيد احسن تربيه
    والحين بما ان عيالك كبروا تفرغي لنفسك توك صغيره وزوجك بيقل حقوقه عليك بمعنى بتقدرين تسوين اشياء كثيره لان زوجك عنده حرمه ثانيه وبتفتكين منه تقريبا:laugh2:
    فقط شوفي الجانب الايجابي ووسعي صدرك الحياة ماتوقفت على زواجك وزواجه
  2. @hthyan_6

    اي والله انك صادقه مايستاهلون
    الحين بدال مايقابلك و يعوضك الايام الي راحت
    و توسعون صدوركم مع بعض راح يركض يدور
    الحريم ..
    حسبي الله ونعم الوكيل ..
    اجل خلاص انتي طنشيه و عيشي حياتك
    لسى ماراحت عليك روحي سيري اطلعي
    لاتجلسين بالبيت يكفي السنين الي تحملتي فيها
    كوني صداقات وعلاقات مع صديقاتك خواتك جاراتك
    والله حاسه فيك مدري شقول :(
    الله يصبر قلبك و يعوضك بعيالك و يرزقك
    الراحة يارب
  3. @beautiful_girls

    الحمدلله عندك عيال وبنات هم سندك بالدنيا وعيشي حياتك بالطول والعرض خليه يوفر لك سواق واطلعي وتمشي وشوفي الدنيا وانبسطي انتي وعيالك وخليه يوفر لك كل سبل الراحه ويعوضك , ويعدل بينكم وهذا الاهم
    اما زواجه فهو امر الله مكتوب له ان يتزوج ادعي الله يربط على قلبك ولاتخلين زواجه يوقف حياتك بالعكس خليه دافع انك تتغيرين توك صغيره عيشي الدنيا ولاتحرمين نفسك من شي واعتبري وجوده للصرف والمسؤوليه وانتي تدلعي وانبسطي
  4. يمكن في زواجه خير لك وعسى ان تكرهوا شي وهو خيرا لكم
    الله يصبرك ولسى دوبك صغيره استانسي وفليها ودلعي نفسك

تابعي تجارب أخرى من هذا القسم.