السلام عليكم
ابيكم تشورون علي اليوم خربت السخانه وقال زوجي بجيب عامل يصلحها قلت زين وكان فيه ملابس على المنشر غطيتها بس كان السيب وسخ عقب الغيار البارح وعقب البزران بعض الحوسه والحمام اكرمكم الله وسخ شوي عارفه اني مقصره بالتنظيف بس والله اني لاجيت انظف يجيني ضيقة صدر مايعلم فيها غير ربي وحاجه ثانيه لاجيت انظف يجون الصغار يحوسون بالمويه ويتضاربون واترك شغلي واذا صحيت قبلهم انظف يصحون معي مافيه فكه منهم...المهم انا طلعت عند اهلي ودقيت على زوجي قلت جبت عامل قال دخلت اخوي يشوفها عاد انا انهبلت قلت ليش مااسمح احد يشوف عورتي وحوستي لان لازم يدخل الغرفه عشان يروح الحمام فهمتوا ايه ونسيت عندي بالسيب الله يكرمكم غرفة التفتيش حقت المجاري وتطلع منها ريحه نفاثه وتخيس الجناح كله وتفشلت عند اخوه بصراحه هو ماقال شي بس انا استحيت وتهاوشت مع زوجي وحتى فيه فرشة شعري واغراض الاستحمام اكيد شافها .....وش رايكم لي حق ازعل والا اعديها
والله لايسامح من بتقول انتي وسخه جعلها يجيها مايجيني وقت التنظيف
شاركي في النقاش
سجلي الدخول لإضافة تعليق.
التعليقات
47- شي صار وانتهى...وش يفيد ازعلك سوى انك فرحتي ابليس
بس اكتفي بمعاتبة زوجك عتاب بسيط ووضحي له الاسباب اللي ذكرتيها لنا فوق...
وحتى لو جاء العامل...ترين حتى هو رجل... وبيطلع على عورتك وحوستك اللي قلتي
وزجك لاتشدين معه في العتاب وتضخمين الموضوع...اقل شي بيقول لك كان نظفتي حوستك...
وربي يوفقك - الله يعينك موقف لا ينسى
بس خلاص انسيه واهتمي اكثر
وانتي تشتغلين شغلي شريط اسلامي
مثل الجبيلان يونسك وانتي تشتغلين
او استغفري وانتي تشتغلين راح تحسين نفسك خفيفه - الله يعينك موقف لا ينسى
بس خلاص انسيه واهتمي اكثر
وانتي تشتغلين شغلي شريط اسلامي
مثل الجبيلان يونسك وانتي تشتغلين
او استغفري وانتي تشتغلين راح تحسين نفسك خفيفه
وزوجك ما ادري والله انتي غلطانه اكثر منه
هو المفروض ما يدخله دام البيت مكركب
بس خلاص يمكن طافت عليه ونسى
بس شغل البيت عليك ما ينلام فيه
واتمنى ما تزعلين من ردي - اقولك الصراحة يااختي مادام انك عارفة ان العامل راح يدخل كان لازم تبعدي كل اغراضك الخاصة من الغرفة والحمام
بالنسبة لدخول اخوه والبيت غير مرتب هي فشلة لكن اعذري زوجك يمكن هو ماخذ باله وعديها المرة هذه والمرة الجاية ان شاء الله يعطيك خبر - يا اختي انتي تفكيرك كله راح على أخو زوجك لكن العامل مو رجال.. يعني بيتك مبهدل و مهمل و رايحة عند اهلك زيارة.. على الأقل لميتي بيتك و خبيتي اغراضك اللي تعتبرينها عورة.. تراها عورة حتى على العامل.. الله يهديك يا اختي و يصلح حالك..
مواضيع مشابهة
تابعي تجارب أخرى من هذا القسم.