دعوات امي القاتلة !!!

امي دايم تدعي علي ولمن تعصب تدعي حتى لو ماضايقتها والله يدعواتها ترن بقلبي قيل ادني
لاتشكيلي ابكيلك

لا معليش احيان تستجاب - شوفي انا وخواتي الخمس واخواني مو متوفقين وحياتنا نكد وكل شي مقفل بوجيهنا وكلنا مالنا حظ في الناس يعني مو معقوله صدفه الا أكيد الدعاوي وانا كنت بنزل موضوع خاص بهالشي ابي أشوف أنتو زينا لان انحرمنا من أشياء كثيره واولها الصحه دائم معلولين وغير قلة محبة الناس لنا

يوه عندنا وعندك خير
يختي أمي لاعصبت ادخل غرفتي ؛ لأن أي أحد بوجهها تستلمه دعاوي
ماخفت إلا يمكن لها 7 سنين مع إنها هالسنة ذي دعت علينا دعوة بظهر الجمعة
يختي الموضوع تافه وربي تافه قسم بالله انقهر مرة اكرف بالليل والنهار واشتغل معها وأرتب وأبي التوفيق
واساعد أبوي ولا أرد عليهم ولا شيء واعاونهم وتدعي علينا لما تعصب
تقول : " عساكم تتزوجون ويجيكم بزران تتمنون تتقطع أرحامكم ولا جاكم مثلهم "
وش ذا يعني بيجونا فاجرين ؟؟
الحل عندي أنا بديت امشي على هالنظام
أمي ما اناقشها ولا اتحاج معها أبد ولما تعصب أنا اسكر علي غرفتي لما تخلص مع اللي تتهاوش معه
ولا أقول لها تصرفك هذا غلط مع إنها تجيني دائم تقول : " وش رأيك تصرفي غلط أو صح ؟
بعض خواتي الله يهديكم يحرضونا ويشيشونها وتشيش زيادة خاصة المتزوجات
أنا لما تشكي من إخواني أو خواتي أقول لها : يابنت الحلال ميخالف ما أحد خالي من المشاكل وروقي وهدي وووووووووالخ وهي تركد بس خواتي الكبار يشيشونها زيادة .

أذكر قبل 10 سنين قالت لإخوي : " إنت رسلت من جوالي رسالة ؟ "
هو خايف منها قال : " لا "
كان عمره 12 أو 11
قالت : " إن كنت راسل الله يجعلك ماتتوفق طول عمرك "
على وشو طيب مايتوفق على 25 هللة !!!!!
وإلى يومك إخوي مامشى ولا فلح بشيء وهي ملأ رأسها الشيب منه والحين تبي تزوجه وتصرف عليه


رسالة إلى كل الأمهات :
امسكي غضبك من ابنائك فهم التاج الذي ستضعينه فوق رأسك حينما يملأ الشيب رأسك والوقار
نصيحة بجد مايضر لو عصبت الأم وهي بأشد عصبيتها قالت : " الله يهديك - الله يصلحك - الله يجعلك تعرس - الله يجعلك تصير دكتور ووووووالخ "
أم إمام الحرم عبدالرحمن السديس أكيد كلكم تذكرون قصتها وهو صغير كب جريش أو أظن مرقوق وعصبت قالت : " رح عساك تصير إمام الحرم " .
تحاشي أمك مثلي وبإذن ربي بتنبسطين وترتاحين من الدعاوي وعلمي إخوانك وخواتك يتحاشونها واللي تعصب علي الشيء اللي يزعلها لايسوونه حتى لو هو حق من حقوقهم .
اللهم صل وسلم على نبينا محمد
سبحان الله وبحمده سبحان الله العظيم

خيالية إيه أدري بك أبوي والله يدعي لنا ليل نهار قايم قاعد وأمي العكس لكن الحين خفت واجد
تبين الحل ؟
كل يوم تصدقي إذا كنتِ موظفة تصدقي على العاملات
وإذا كنتِ موموظفة لما تطلعين السوق امشي على عمال البلدية وتصدقي عليهم كلهم بريالين كل واحد منهم
وأدعي ربك يغفر لك ويتوب عليك ويشفي إخوانك ويبعد عنكم دعواي أمكـ ويرزقكم الحظ والتوفيق .


اللهم صل وسلم على نبينا محمد
سبحان الله وبحمده سبحان الله العظيم