أنتي زوجة ثانية أو ثالثة ؟؟ هل انتي سعودية ام أجنبية/ تم الرد

صادقه ومعك حق والله يافيه بعض الرجال عنده 4 ومع ذالك عينه زايغه ويموت فشي اسمه حريم والخيانه عندنا صارت موضه عنده وحده عنده عشر عادي يقول هل من مزيد من كثر اللي اقراه فالمنتدى صرت حذره من زوجي ومعاد عندي ثقه فاي رجال من هذا الزمن

اللي تقول التعدد سخافة اتقي الله في كلامك

شرع الله واضح والشرع مايحلل سخافااااات


التعدد حلال بضوابط شرعية والرسول صلى الله عليه وسلم والصحابة والكثير من المسلمين الصالحين

كانوا معددين فمايصير نوصف التعدد بهذه الكلمة

استغفر الله واتوب اليه

ايه ونسيت اقول انا ابوي معدد وامي الاولى وعنده 2 غيرها وخواتي ماخذات معدد وعمي وعيال عمتي تقريبا نص مجتمعي معددين ههههههههههههههههههههههههه عشان كذا صابتني عقده وصرت اكره هالطاري واكره الرجال كلهم من كثر ماصار هالشي هاجس عندا يالحريم

أتوقع السعودي ما تناسبه الا سعوديه وبس وحتى لو أخذ من غير ثوبه يرجع يحن لبنت بلده ' هي الي تفهمه اكثر وتتحمله وتحافظ عليه وعلى بيته وماله وولده ،، لا تقولولي غلطانه الا صح وعن تجربه شفتها حتى لو أخذ الثانيه سعوديه يكون في وظوح وتفاهم ،،، احس اكثر الأجنبيات وظعهم مؤقت لا اكثر إلى من رحم ربي،، لأن السعودي ما يخاف الا من السعوديه تدور ليش ،، لأن وراها عزوه وأهل مايقدر يغلط عليها لو غلط عليها يقوم له الصغير قبل الكبير ،، هذا الكلام يخص السعوديين القبائل اصل وفصل ' لاتجيني طرش بحر او اجنبيه ماخذتلها واحد سعودي اصله من جنسيه اخرى وتتفلسف،، وبالنسبة لرجالنا لو فكر يزوج الثانيه نهلي ونرحب حقه ياناس ما طلب اكثر من حقه سيد البشر عليه افضل الصلاة والسلام معدد،،، مؤ مهم متزوج الثانيه العدل مهم والحمدلله مافي خلاف من الجهه هذي ،،، واسأل الله التوفيق للجميع ،، انا مؤ عنصريه لأكن اوظحلكم في سعوديين اصل وفصل قبائل ما يأخذون غير سعوديه وقبيليه وفي سعودين بـــــس اصلهم اجنبي ويلا يا غليل مابعد كـ ليل يتزوج من كل الجنسيات،، وانا زوجه وحيده:)

مشاء الله كل هالعنصريه اللي تفوح من كلامك وتقولين ماني عنصريه ؟؟ ابشرك انا ماني طرش بحر على كلامك وسعوديه اصل وفصل وابا عن جد وواحد من اهلي متزوج ثنتين ام عياله سعوديه و ماخذ مصريه لها معه 25 سنه وواحد برضو من اهلي متزوج سوريه ولها سنين معه وعندك مثال هنا بعد عضوه مصريه متزوجه عنزي ياليتها تجي وترد عليك ماحب اللي يقللل من قدر الجنسيات الثانيه وعلى فكره نص اهل نجد معددين وماخذين حتى من الهند بعد وهم قبايل اصل وفصل