بشروني بضناها وياحلوها من بشارة .. ملف تباشير مارس3 وابريـل4 .. 2014

اشراقة انثى امممين الله يجزاك خير ويسهل علينا يارب

صبحكم الله بالخيرات 




الف مبروك لكل اللي ولدو 
والله يهون عالباقين 

الحمدلله من قبل ومن بعد 
ولدت بالسلامه يوم الجمعه 11ابريل يعني كملت 39اسبوع بالضبط
وكان موعد ولادتي المنتظر حسب موعد الدوره وحساب السونار 18ابريل بس الحمدلله يارب 
انا دخولي عالتجمع نااادر جداً فترة حملي 

بس حبيت اعطيكم اكشن ولادتي وافيدكم

لما كملّت 38اسبوع لاحظت ان حركة بنتي مررره قلّت وقلقت كثير لان لي تجارب سابقه 
اول حمل لي توفى ولدي في نهاية شهري السادس بدون اي سبب معروف
وحملي الثاني ببنتي اخذت من التاسع ايام وبديت الاحظ حركتها تقل وقالو المويه مررره قليله والبنت قلبها يضعف وولدوني 
فكنت حريصه بحملي هذا وخايفه كثير 
وعلى طول اراقب الحركه 
المهم رحت لدكتورتي اللي اراجع عندها من بداية حملي وقلتلها عالحركه قالت عادي اهم شي ماتقل عن 10حركات 
بس ماتطمنت وبعد يومين رحت لدكتوره ثانيه 
قالتلي المشيمه فيها تكلسات بس مو كثير 
بس اذا تبغين اسويلك تحريض عشان تولدين وترتاحين 
انا جتني ام الركب قلت لاااا ابداً وطلعت 
وكنت خااايفه كثيييير ومتوتره ومكتئبه الى اخر درجه 
قلت لزوجي ابغى امشي لعل وعسى اولد طبيعي بدون تحريض وعذاب وصناعي 
وطلعت مشيت ربع ساعه تقريباً ورجعت البيت 
شربت كوب حليب وكسرة قرفه وملعقة عسل 
وكلّمت امي قلتلها ادعيــــلي من قلب وانتي ساجده مايجي بكره الجمعه الا وانا والده طبيعي بدون اي تدخل وجلست ادعي ادعي من قلبي ان الله يخلصني بدون تدخل من تحريض او صناعي 
وماجاني نوم ابداً 
وجلست الى الساعه 9 صباح الجمعه 
وجاني النوم قلت قبلها اشرب منقوع الاعشاب اللي تكلمو عنه قلت اجرب مو خسرانه شي 
ونقعت في كوب مويه مغلي حلبه ومحلب وحبة سودا وكمون وسنوت وحليتها بملعقة عسل 
شربتها ورحت انااااام 

على الساعه 12ونص صحيت على الم خفيييييييييييف جداً مايُذكر 
قلت الله كريٓــم وان شاءالله بداية طلق 
كان خفيف جداً جداً قمت تروشت بموية حاااارة يادووب اتحملها وركزت المويه اسفل ظهري 
جلست الين خلصت الموية الحاره هههههه
بعدها طلعت وعلى الساعه 2 بدأ الالم يزيد حبه حبه 
وبدأ ينتظم بس محتمــل زي الم الدوره 
ورحت شربت كوب حليب محلى بعسل وعليه حبه سودا مطحونه ودهنت بطني بزيت زيتون وحبة سودا 
وكل مال الالم يزيد رحت مشيييت جلست امتر البيت وكل شويه تمسكني طلقه اقوى من اللي قبلها 
رحت جهزت اغراضي ولبست بنتي 
وكل ماخف الالم رحت اشتغل او اسوي اي شي 
وزوجي يخاصمني امشي عالمستشفى لاتولدين علي وانا اطنشه وافرك افرك في المغاسل ههههه
وارتب واجهز وعلى الساعه 5ونص زااد الالم 
لبست واخذت شنطة المستشفى وتوكلنا على الله وانطلقنا 
وصلت عندهم قلت ولاده 
وكان فيه حريم ورجال في الرسبشن وجلسو يطالعو فيني بصدمه ههههه O_o
دخلوني على قسم الولاده 
اغطوني لبس ولاده قالو انسدحي الحين بتجيك الدكتوره ودقيقتين جت الدكتوره وقلتلها عن كل شي قالت كشف وكشفت طلع الرحم مفتوح 4سم قالت ولاده وراحت انا  من الخوف اختفى الألم بالمررررررررررره وجلست الى الساعه 8 والالم مافيه ابداً 
جات عندي قالت مافيه الم صح ،؟؟ قلت ايوا 
قالت واضح من جهاز التخطيط 
كشفت طلع 4ونص 
وفكت موية الراس طبعاً الم شديييييييد صحت بصوت عالي 
وطلعت الدكتوره من هنا وبدأ الالم الشدييييد من هنا لا اله الا الله شي مو طبيعي ورى بعض ورى بعض اعطوني اكسجين عشان يهدأ الالم ولا كأنهم اعطوني شي 
على الساعه 8و45 دقيقه حسيت بشي زي الدفع وصحت عليها وجتني ركض قاست الرحم قالت 7ولاده 
واعطوني ابره في العظل وعلى غرفة الولاده 
دخلوني ورفعو رجولي واااه ياربي خوووف خووف مو طبيعي 
قالت اذا حسيت بالطلق ادفعي 
المره الاولى دفعت وراح الطلق وقفت
والمره الثانيه قالت ادفعي ودفعت بقوه الين حسيت روحي بتطلع قالت خلاص وقفي وقفي وقامت تصيح قالت خذي تفس ماقدرت اوقف طلع الين طلع 
بنوتتــي يارب لك الحمد والشكر  الساعه 9بالضبط
سمعتها تبكي واغمى عليــه من التعب 




اكشن ولادتي ماانتهى 
لا طبعاً توه ابتدأ :( 

صحيت من الاغماء بعد ساعه وانا اصيييييييييييح
ولقيت دكتور لبسه كله دم دم دم والدكتوره كانت واقفه جنبه وكلها دم
وجالسين يحوسون فيني وانا اصيح خلاص بأموت وقفو 
والدكتور مو في حالي كانت اشكالهم بشعه وكانو خايفين مره 
قلتلهم ايش فيكم قولولي وانا اصيح من الالم وابكي 
قالو نزيف شديد والرحم مو راضي يرجع لوضعه الطبيعي وضعه جداً خطييييير يمكن نحتاج تدخل جراحي واستئصال
وجلسو يعذبوني الا الساعه 11 تقريباً 
اخر شي قالو خلاص نصبر عليك الى الصباح 
ونشوف وضعك وبعدها نقرر 
رجعوني للافاقه ... الى الساعه 8 وجا الدكتور 
وكشف قال لا ان شاءالله بوادر خير النزيف بدأ يقل ويارب يكون خير 
تطمنت شويه الحمدلله قال بكره نتطمن اكثر 
وجوني اليوم الثاني ويارب لك الحمد والشكر كما ينبغي لجلال وجهك وعظيم سلطانك كان النزيف موقف الحمدلله الحمدلله

قالو تعالي بعد اسبوع نشوف الرحم بالسونار كيف صار شكله 

ًويارب يكون رجع لوضعه الطبيعي 

وهذا اكشن ولادتي 

الله لايحرمني الاجر 
ويجعل ولادتكم سهله ميسره يارب العالمين
دعواتكم لي بالشفاء ويحفظ لي مارزقني 





بنتي سميتها غِنــى ايش رايكم في الاسم :)
لأن العالم حطموني مو عاجبهم

صباح الخيررر للجميع

والف حمدلله ع سلامة اللي ولدوو 🌹🌹

مانجوو

ماني مختفيه موجوده متابعتككم بس بصممت 😷
 خلاص احس اني 
مابي اتكلم واللي حولي مايقصروو كل دقيقه
ها ولدتي ايش بك صايرة بالشهر العاشر  😢😡
صرت نفسسيه حتى اتصالات مارد 

دخلت بالاسبوع 41 😩

اشرااااقه 

ان شاءالله ربي يهونها
بسسس
حااسه ثقل
مو طبيعي  يالله 
اشيل نفسي ورجولي وايديني صايره مثل البالونه 😰😰😰
حتى الدكتورة سوت لي تحريض ومانفع 😢

ام عبووود 
حساب الدكتوره احسن
 السونار يلخبط وماهو دقيق

موونا
احسسك مثلي مدري ليه
متابعه بصمتت 😰😅

صباح الخير.. حمدالله على سلامة الي ولدوو.. الف مبرووووووووووك.
.
.
دخولي قليل لان اشغلت بالمشي .وتجهيزات..
.ياللله يارب تسهل علي ومايعدي اليوم الا انا والده.
.
ماسكني الم بظهري وجنوبي من البارح يالله تيسيرك.. 
.
الله يسعدكن ويسهل عليكن يارب 

حمدلله على سلامتك
مبروك ماجاك تتربى بعزك
الله يكتب اجرك
والرحم ان شاء الله يرجع مع الرضاعه