ولدي عضه.........

لو انا بمكانك اخاصمه بنفسي حتى لو زعلوا اهله ولدك مسكين حزني والله انا ولدي نفس الحاله ماكان يدافع عن نفسه وصرت اقوله اذا احد ضربك اضربه والحمدلله اتعود الحين ولد اختي كان دايم يجننه بالضرب وهو بس يجيني يبكي واختي كانت تقولي اضربيه واضربه مع ان الضرب مو اسلوب تربيه بس عالاقل يحس ان الضرب يرجع عليه ويبطل ،،،

ماشاءالله تبارك الله انت وزوجك محترمين واحترمتوا ضيوفكم
بس عشان مايتكرر الفعل من الولد اولاً لاتحقدي عليه لأنه طفل حتى لو ابوه رباه عالعض ترا كل طفل سبحان الله يجي معاه حركة تكون ملازمته انت حني على ولد اخوك من باب انو جاهل وتكسبي اجر انو محد ينهره او يخاصمه او يضربوا من الغرباء بتزعلي انت من جواتك عليه صح اكيد صح
فأنت اتعاملي معاه بحزم لما يجي يقرب من ولدك او اي ولد غير عيالك من باب انك عمتو وماتبغي احد غريب يأذيه على طول طيري عيونك فيه وقولي بنبره حازمه يافلان كذا لأ مع الاشارة بيدك وعينك بعينو وخليك كذا لفتره بيتغير ان شاءاللله وبيبدأ يستوعب انو ممكن احد يزعل او انو الشي هذا يزعل وماهو لعب او ضحك زي مامفهمو ابوه
وكمان اذا مسكتيه بالجرم المشهود زي ولدك صراحه لازم تعمليله ضربه على فمه لاتكون قويه ولاتكون خفيفه او قرصه المهم شدي على يدك بشويش عشان يعرف انو هذا الشي يألم
كمان تاخذي فلفله وتخوفيه بيها كل ماجا يأذي ولدك او غيره

شوفي مل هذه الاشياء سويتها مع ولدي والحمدلله ذحين معد يعض ابداً بس صراحه هو ماكان عدائي يعني انا وابوه لاحظنا عليه من بدري انو يعض فما كنا نديله اهتمام او نبين مشاعر الالم عشان الطفل اذا شاف ردة فعل فبيفها انو ضحكك او لعبه ويرجع يضحك ويزيد وثاني شي اعلنت للجميع عادتو ذي وكان لما يقرب من طفل او خواله او اي احد على طوووول تشوفيني افز وانبههم انو ممكن يعض عشان يتنبهوا ((( طبعاً انت اتكلمي مع زوجة اخوك عن هذه الطرق وانها تنبه الناس وينتبهوا على اطفالهم لما يجي يقرب منهم عشان انها هي اللي معاه الرجال ماينتبهوا ودايما الفشيله لنا كلميها كأخت والولد كولدك لانو قبل كل شي ولد اخوك فأكييد بحسبة ابنك )))

وأزيد اتكلمي بحزم مع اخوك اكييد تموني عليه ومافيها شي انك عالاقل تاخذي حق ولدك بالاحترام كلمي اخوك وقوليلو انو ياخذ امر ولده بجديه وخلاص لايلعب معاه عالعض قولي انا زعلت على ولدي ذاك اليوم وحرام حتى هو طفل وبتعلم عليه وابوه زعل بس احنا نعرف انو في النهايه ذول اطفال جهله بس انت لازم زي ماعلمتو العض تبدأ تخليه يبطلها عشان لايأذي عيال الناس وتسير مشاكل وماير ح فيها إلا الحرييم وفهمي زوجة اخوك قوليلها يافلانه اذا اخوي علمه خطأ انت علميه الصح وعاقبيه اذا سواها بكرسي العقاب لمدة دقيقتين على عمره وتكلم زوجها بحزم وتقولو مايلعب ولدها بعفاشه لانو مسكين ينقلها للاطفال الثانين وبيكون كذا اعتداء مو لعب لانهم مايتحملوا
سامحيني طولت عليك ويارب تكوني فهمتي علي

الخلاصه ..
خذي موقف من خلال معاملتك المباشره مع الطفل نفسو وعاقبيه بشويش من عمتو وتموني واولادك محد يقرب عليهم
وتكلمي اخوك ومرته لما تتقابلوا مره ثانيه على خير ويكون الحديث ودي وبسهاله عشان يدخل القلب ويتقبلوا

المشاركة الأصلية كتبت بواسطة الأنامل المبدعة
اش اللي اضربي الولد كف علي وجهه ؟ من جدكم ؟

هو صحيح غلط بس الواحد ما يعالج الموضوع بغلط أكبر ، لا تزودو الطين بلة!

ممكن تحرميه من شي يحبه ، خاصميه و وجهيه بصفتك عمته ..

احكي للأطفال قصة و بيني لهم ان محد يعض غير الحيوانات الكخّة ..

خلي ولد أخوك يعتذر و يسلم على ولدك ..

و انتي اذا الموضوع مضايقك مرررة اتناقشي مع أخوك فيه و قولي له ولدي مرض من العضة و زوجي زعل ..

و انتبهي على ولدك لا يلتهب مكان العضة و إذا حسيتي إنه يحتاج دكتور وديه بدون تردد..

موضوعك فكرني بعضة في أذني أخذتها من قريبتي و أنا صغيرة هههههههههه ..

الحمدلله فترة و عدت و مالها أثر و الحمدلله أنا و هي الآن سمن على عسل ..

صراحه انا ما تحمل احد يضرب عيالي بس عندي ملاحظه اغلب الاطفال العدوانين اهلهم متساهلين مرررررررررره والاحرى من داخل فيه فرحه ليش
حقد فشل الام والاب يعني ايش الاسباب الي تدفعهم لتأيد الطفل 😟