تكرر انفتاح كيس الحمل+قرحة عنق الرحم ساعدوني

السلام عليكم ورحمة الله وبركاته

اخواتي حابه اسئل ادا في وحده عندها خبره او اي معلومه تفيدني جزاكم الله خير

انا عندي سكر النوع التاني , وعندي تكيسات وضعف تبويض ولخبطة هرمونات

جلست فتره بعد زواجي ماحملت واخدت كورسات علاج كدا مره وبعدين بفضل الله سار الحمل بمنشطات

في الشهر الرابع انفتح كيس الحمل ونزلت موية الجنين وبداءت المعاناه والخوف

بعدها ب٣ سنين كمان سار حمل تاني واخر اسبوع في الشهر الخامس انفتح كيس الحمل بدون سابق اندار

ونزلت المويه بكميه مهوله وسار في خطر على حياة الجنين وعلى سلامة رحمي , واضطرو يجهضوني بطلق صناعي وطبعا خرج الجنين متوفي الحمدلله على كل حال

الصراحه سارت فكره الحمل مرعبه بالنسبه ليا لاني خايفه اتعب وفي الاخير ينزل الجنين وتتكرر ماساتي

لاسمح الله

ابغى اعرف ادا في وحده سمعت بحاله زي حالتي كيف عالجتها ؟ او ادا وحده مرت بحالتي تفيدني بااي معلومه الله يسعدكم

امس رحت لدكتور نساء عشان عندي دم ينزل بشكل متقطع وعملي منظار للرحم وقلي في التهاب شديد في عنق الرحم + خلايا الرحم شكلها موطبيعي ومتحوله واخد منها عينتين ( خزعه) وارسلها للمختبر
يقول لازم عملية كي بالليزر للرحم عشان القرحه لانها ادا اهملتها تتحول سرطان لاسمح الله
رجعت من عنده منكده وخايفه جدا لاسمح الله اخسر رحمي وانا نفسي احمل


بالله ادعولي بالحمل السليم الثابت والدريه الصالحه , وان تحليل الخزعه يطلع طبيعي وما عندي سرطان ولا اي مرض في الرحم ولكم بالمثل ان شاء الله

6 تعليق 1,177 مشاهدة

شاركي في النقاش

سجلي الدخول لإضافة تعليق.

التعليقات

6
  1. @mghtrbh2008

    صاحبة الموضوع
    حابه اسئل كمان ادا احد عنده خبره , هل ينفع اعمل عملية الكي بالليزر لعنق الرحم + اشيل التكيسات في نفس العمليه؟؟

    ولا ايش الافضل؟
  2. سلامتك ما تشوفين شر،،،

    القرحه أكويهاعادي وان شاء الله مامنها ضرر،،، هم كذا الدكاتره يكبروا الموضوع وهو بسيط عشان المريض يخاف ويدفع ويكون ماله خيار غير كذا،،،

    وبالنسبة للتكيسات لا تشيليها بالعمليات التدخلات الجراحية لها مضا عفاتها وتخافين يسون لك شي في المبايض،، وتدخلي في مشاكل مالها اخر،،،

    اتوكلي على الله وسوي كي بالليزر وامشي على الدوا وابتعدي عن الجماع لحد ماتجيك الدوره اللي بعد الكي،،، عشان تضمني ان القرحه راحة وما ترجع ان شاء الله ،،، الله يرزقك ويرزق كل مسلم وكل مسلمه من غير حساب،،،
  3. @shabh_shtaaa

    انا نفس الشي  جهضت  مرتين مرره الرابع ومره الخامس ووكلهم  اطفال انابيب المويه تفتح فجاءه  وقالو لي عنق االرحم يحتاج ربط  اانصحك بربط الرحم وقت الحمل  والله يعوضك  ويعوضني 

تابعي تجارب أخرى من هذا القسم.