العفو حبيبتي
مو مشكلة الفندق تبعكم اصلا في الستي عند الستيشن بالتمام
بس صدقيني ماحتستفيدو من الباص والترين ابدا كسياحة
لانه اغلب الي يستخدموه السكان
بيتنقلو من الستي لمناطق سكنهم
ومايوصل الترين الا لاحياء فقط والباص نفس الشي
والسياحة تتركز في الستي يعني انا ساكنة الان منطقة شمال سدني
لو افكر اتمشى حروح الستي
لانه الي قريب مني فقط المولات
الا اذا حابة تزورو احياء العرب الي فيها محلات ومطاعم عربية حتضطرو تاخدو تاكسي او ترين
واغلب تمركز العرب في منطقة اسمها باراماتا
بالنسبة للاسواق العادية
كل شي موجود في الستي موجود في باقي المولات
الا بعض الماركات العالمية ومحلات معينة مالها وجود الا في الستي
منها ماركات جوتشي وبرادا ولويس وشانيل والخ الخ
ومحلات الشوكلاته الفاخرة
في الدارلينغ او ساحة الاوبرا او الروك
لا تفوتك جلسة في محل شوكلاته جوليان شوكلت بار زي مكس برنر بس ارقى
باعطيك العنوان
وكمان محل شوكلت لندت عاد شكولاتاته خلقة تجنن فكيف لما تذوقيها بكيكاته
أهديك ياوطني تحيتي وسلامي *مغتربات استراليا حياكم
متابعة النقاش، صفحة 357