حوامل الامارات (تجمع)

فون لايت: هلا حبيبتي أنا شفت المحلات اللي في شارع المطار و غاليات عل الفاضي!! ليش انتي ما تدورين لج على موديل حلو و قطعة حلووة و تودينها عند خياط تعرفينه!!!

هقاوي: هلا فيج اختي معانا، أنا أنصحج تولدين في الكورنيش لانه لو صار شي لا سمح الله المستشفى الخاص على طول بيودونج الكورنيش!!

UM ALREEM: سلامات حبيبتي ما تشوفين شر، بس ديري بالج على عمرج!!

برود أعصاب: هلا فيج معانا و مبروك على الحمل!!

honey_lipes: هلا حبيبتي، ويع الظهر و الريول في فترة الحمل شي عادي، يوم قلت للدكتورة اني ما اروم ارقد بالليل من ويع الظهر تخيلي قالت لي خذي بنادول و خذي دروس رياضة للحوامل تخفف من هاذي الآلام، انا الرياضة قلت معقولة لكن البنادول لالالالالا

السلام عليكم ورحمة الله وبركاته

حــــوامل الإمارات أحلى تحية

honey_lipes خاصة إلك وسامحيني على الـتأخير بالرد عليكي لإن زوجي أسبوع إجازة وكل يوم طاشين برة

بخصوص المراجعة بس ما تتفاجئي كتير ..أنا من يوم ما حملت ما راجعت إلا 5 مرات ، ترى أنا عندي بنوتة صغيرة ولما حملت كانت 7 شهور بس ..وما كان إلي خلق على المستشفيات ووجع الراس ..كافيني كان اللي عندي..راجعت عند المركز الطبي الجديد عند دكتورة هندية والله ما ذاكرة إسمها ومرة عند آل نهيان ولما إطمنت على وضع البيبي بطلت راجع..هلأ انا بالثامن صرت بنصه والمفروض أفتح ملف بالكورنيش وبعدني ما رحت...حتى بتصدقي بعدني ما جهزت للبيبي الجديد شي ؟؟
أنا حابة هالمرة أجيب من دبي لإن بضاعة أبوظبي صراحة مليتها..فإنشالله الإسبوع الجاي ببدأ.




الله يقومكم بالسلامة جميعا ..ولا تنسون الدعاء في الصلاة بأن ربي يسرلنا الولادة ..لإني متعقدة من ولادتي الأولــى

ياليت حد من البنات الي معانا يساعدونا وين نقدر نلقا شراشف وكفرات :(

هلا بنات شخباركم:)

ام علي احمد
بالنسبه للكفرات والشراشف انا سويت عند وحده من الشارجه ( تفصيل) وطلع حلو اذا بغيتيها بعطيج رقمها عالخاص...





بنات الشارجه اوا دبي وعيمان
بغيت وحده تسوي مساج تي للبيت (الشارجه) ....
ممكن تساعدوني
ولكم جزيل الشكر