هل أنا أحقد على زوجي أم هذا طبيعي

يا اختي أنا حاسة بمشكلتك لأن فيه كثير زوجات يواجهونها الله يعينهم
وشعورك طبيعي جدا
لكن العلاج هو الحب
صدقيني الحب يعالج كل شي
أولا حبيه بكل عيوبه
وبعدين حاولي تتغيرين انتي وتغيريه
يعني بلاش تقابلين انتقاداته بضيقة صدر
وسعي صدرك وقولي له أبشر
وردي عليه بمزحة
يعني مثلاً قال لك ليش طبخك كذا
قولي له واش أسوي طفشت من الطبخ هات لي طباخ فرنسي!
ليش تكلمين أمك قولي له تدري أمي وأحبها وأبي أسمع صوتها بس عاد تراني أحبك أكثر, أكثر شوي بس!
افهمي شخصيته وزي مايقولون (خوذيه على قد عقله) واصحي تحطين نفسك بموقف دفاع وموقف الضعيفة وأي شي يقوله لا تنكرينه أبد لحد مايتعب ويفقد الأمل في قدرته على التنكيد عليك
حياتك ماراح تتغير وانتي ماغيرتي من نفسك

اغلبهم بهالطريقة اختي الكريمة وكأنهم متقاعدين ويعانوا من الفراغ

حبيباتي كلكم الله يجزاكم خير
صراحة لأول مره انتبه انه فعلاً مفروض ماأبرر له وكأني غلطانه ، دائماً أتوتر من صوته العالي و ارتبك و كأني غلطانه مع ان الموقف مافيه اي غلط من جهتي تماماً
بإذن الله أحاول اهدأ وقت انتقاداته و ماأبرر له و كأنه غلطي
شكراً لكل حرف كتبتوه
شكراً لكم جميعاً

والله ياحبيبتي نفس الحال تماما تحيني لحظات قلبي يقسا عليه وماعد ابي اسمع صوته ولا اشوفه ...صوت عالي انتقاد بطريقه سيئه عجزت ازا جلس بالبيت نكد علينا وازا طلعنا نكد علينا وان اكلنا نفس الشي اهدده بتركه مافاد تكلمت بهدوؤء مافاد بحب مافاد بهواش مافاد بتجريح مافاد واطلب الطلاق اخر شي ومايرد ويطنش ويستفزني وانا على هالحال انا مابي اتركه بس اهدد ... ومع ذلك مافادني شي .... مرات احس راح اموت من الضيقه ... ومافي حل
زوجي عنيد ووو مو عارفه شو اقول
الله يصبرني وينزل علي براده القلب ولك بالمثل ياحبيبتي