لقاء الأحبة *3*

اهلا فيكي اندلس ... شرفتي

اخباركم يا بنات
فلسطين
عنودة مشكورة حبيباتي لسؤالكم الله يسلمكم

شو حديثكم عن الحلويات
سناو شكلك شاطرة في الحلو علمينا يختي انا من مرة كل ما اعمل حلا بخرب معي ما عدا الشيز كيك لانها ما بدها خبز في الفرن
الحلويات الي بنحط في الفريز تمام بس الي بدها حط في الفرن تفشلني

عنودة ضحكتني على خطيبك الله يهنيكم ويوفقكم
ياربي شو بحب الرجال الي برفع الكلفة بينة وبين اهل زوجتة وبمازحهم وبضاحكهم انا زوجي عادي مع اهلي بس اختي مسكينة بدها اطق من زوجها جماد عند اهلي مع انة اهلي الله يحفظهم ما يقصروا عند نسايبهم وخصوصآ ازواج بناتهم ويجلسوهم لوحدهم
لدرجة انة ما برضى يدخل الله يكرمكم الحمام عندهم والله حاولت معة وفهمتة انة اهلها مثل اهلة وما في داعي الها التعقيدات بس خلص الطبع يغلب التطبع
طيب يا بنات احنا النسوان والله مظلومات ليش لانة احنا كمان بس نروح عند اهل زواجنا ما ناخذ راحتنا ويمكن اكثر منهم لانة ممكن يكون هناك اخوان زوج اولاد بناتهم او او ومع ذلك ازوجنا يفرضوا ويلزوموا علينا نكون على طبعتنا وما نظهر اي تذمر انا من هي الناحية تعبت
ولآ المحلل عليهم حرام علينا
آآآآآآآآخ خلوني افضفض لانة كل ما انزل عمان بفرض علي اضل عند اهلة وبكون بيتهم ما شاء الله مليان كلهم مغتربين من اولاد وبنات هم ماشاء الله 9 وكل واحد معة 5 او 6 ولاد يعني اذا بدي اقلكم بيتهم فية اكثر من 50 شخص والله ما ببالغ من نسوان ولاد وازواج بنات كمان واولادهم شباب مأساة انا صراحة الاجازة في عمان نفسيتي ببتحطم وجلساتهم كلها مختلط تخيلوا نسوان الاخوة مع ازواج البنات ومزح وضحك بينهم عجزت وانا افهم واوضح بس خلص عاداتهم غلبت الدين عندهم يا بنات لا تفهموا كلامي غلط وتفتكروا اني ما بدي اخلط اهل زوج لا والله بالعكس انا بودهم وبحبهم بس الشيء ان زاد عن حدة انقلب ضدة وهم صراحة بفرضوا علينا الامور فرض ما يخلوا كل شخص على راحتة في الاقامة حتى ازواج بناتهم ببيتوهم عندهم بالغصب
الحمد الله السنة مش نازلة

مرحبا اوشا ... معلش احشر حالي :)

انا و الله لازمني دايت .. احكيلي شو اللي عندك يمكن يناسبني .. لأني برضع

لين <<<<<<<<<<< والله أنا هاد اللي خايفة منه
خايفة من السكن هناك لأنه أكيد لازم أتعود على عاداتهم وخايفة ماأتأقلم وتنفرض علي شغلات مابحبها
الله بعين

بالنسبة إله هو رافع الكلفة مع أمي وإخواني بس مع أبوي جدي يعني مقدر أبوي بشكل كبير وأنا عاجبني هالشي
وبيحترم ماما وإخواني بس عادي بيمزح معهم وبيتخوت وبياخد راحته معهم أكتر من أبوي

نابلسية <<<<<<<<سألتك سؤال بالصفحة اللي قبل