** ديوانية الاحباء في الله عسى الله لايفرقنا **

كيفكم؟
رورو.الملكه الباكيه .نفح الاريج........... والله صدق راح اشتاق لكم لاني تعودت عليكم كل يوم وانا بالديوانيه

الملكه الباكيه

لوووول اي وزن اي بطيخ انا مخربتها ما خليت شي ما كليته :)
ومن ناحيه ورق العنب والكوسا والله لو انج عندنا بالكويت ادزلج عاد ما في ورا شغل الوالده
تحط البطاط وورق العنب والزيت والليمون وتطبخ معاه الكوسا بعد بالليموون
لا يطوووفج يا حلوووووووه :)
ومن ناحيه ملابس حموده اكيد التجهيز عندكم بيكون احلى والبضاعه اروع صح :)


رورو

الله يا الخيانه سوالف بالماسنجر من وراي يالله الله معاي انا بعدين اخذ عضويه الماسنجر معاكم
ليش الصور ما طلعت زعلت والله حسافه :( حاولي باجر يمكن تطلع الصور :)

خخخخخخخخخخخخخخخخخخخ عفيه حلم حتى سامعه الطبيب شنو قال

دمعه الم

عسى المانع خير يا عمري يالله ما عليه مسمووحه بس اسبوع مو اكثر وبعدين قولي لنا شنو سويتي بالاسبوع هذا :)

نفووحه

غريبه الصور ما طلعت عاد محملتها على موقع حواء نطرو باجر اكيد تطلع الصور ان شاء الله

يالله الحين اقولكم على اخباري اليوم

طبعا عقب الغدا العجيب من الوالده حطيت راسي ونمت ===> عشان الكرش يكبر زياده خخخخخخخخخ
قعدنا من النوم طبعا لازم نسكافيه وكيكه :) ولقيت الكيك خلص وقلت ما في منها لازم اروح الجمعيه اييب كيك واييب تشكيله كاكاو وطبعا رحت وما خليت شي تويكس سنيكرز مارس جلاكسي بالمكسرات وساده كل شي بنفسي يبته :) يالله خل يتهنى حمنى وياكل مع امه

بنات ابي اسالكم شلون الخطوط معاكم اللي تطلع على الكرش جنها خريطه العالم شنو سويتو لها عشان تشيلونها واللي تعرف كريم مضبوط عشان يزيله نهائيا تقولي عليه انا الحين استعمل كريم من زين الانات وحاسته خفف شوي من الخطوط بس ابي بعد كريمات تكونون مجربينها عشان احط منها .

بقولكم على سالفه الكريم هذا اول ما يبته ريلي ما يعرف هذا حق شنو يشوفني اوقف جدام المنظره وادهن الكرش قالي هذا حق شنو قلت له الكريم هذا حق البيبي يدخل عبر المسامات ويخلي الياهل مرتاح بقعدته خخخخخخخخخخخخخخخخخخ وهو مسكين على نياته مصدق ويقول ما شاء الله والله العلم تطور .. عقب جم يوم شاف العلبه وقرا التعليمات عليها قالي تجذبين علي انتي شايفتني هندي تقولين لي حق البيبي خخخخخخخخخخخخخخخخخخخخخخخ صادني :)

هلا وغلا عبقريه
حبيبتي حتى انا ملابس حمني ماشفتها ماطلعت عندي
وبعد الغيبه ان شاء الله اقولكم احداث الاسبوع كامله وبالتفصيل الملل بس مو تنسوووووووووووووووووني رورو مالك امان اخاف اجيك بعد اسبوع تقولي لي مين انتي ؟خخخخخ