حلفتكم بالله مين غلطان انا والا زوجي؟؟؟

انا عندي قاعدة استنتجتها من عشر سنين زواج ...

لو يذبحونك اهله اسسكتي :boom: ولا تقولين له ولا شي عن اهله لان مهما كان هم اهله وانتي الغريبة لكن ....

من تحت لتحت :S_45: ضبطي امورك

يااختي الله يصلحك مالقيتي الا زوجك تفضفضينه بموضوع فيه أمه !!!
مهما كانت نيتك سليمة وش تنتظرين منه يرد عليك بيغلطها مستحيييييييل هذي أم
واضح انك ماتقصدين شر ولا تبين مشاكل بس تصرفك خطأ
اصلا اهل الزوج المفروض ماينطرون عنده الا بشي قوي وظلم كبير تعطينه خبر بدون ماتخطين بحق احد منهم
ساعتها بس بيقدر احترامك لهم وينتصر لك

صراحه انتي غلطانه كمان معليش ي اختي تجين تفضفضين له عن كلمه قالتها امه صعبه وش بيرد لك مثلاً وغلطان كمانً هو لان نبش اللي بقلبه عن كلام قالته له امك استهدو بالله وتصالحو ومايحتاح هالزعل

انا متضااااايقه ومو قادره انام
وزعلاااانه وندماااانه
والله ماكان قصدي اشتكيها والله
بس كنت مقهوره وهو يسأل عن العزيمه
وانا يمكن حبيت ابين له اني اتحمل امه عشانه
وانها مهما تغلط علي بالكلام مستحيل ارد عليها
بس هو قلبها علي وفهمني غلط
وجلس يهدد فيني ويجرحني
مجرووووحه منه.. والله ظلمني بشكوكه
انا ياما حرصته على انه يكلم امه ويزورها
ولاعمري فكرت اخليه يوقف معي ضدها
وهو فاهمني خطأ.. ما كأن بينا عشره
انا حاسه بهم وضيقه صدر 
واللي يقهر اكثر اني حاولت اراضيه وتجاهلني
محسسني اني عملت شي عظيم بحق امه
وانا والله ماغلطت فيها بكلمة وحده

تخيلوا كل هذا وانا الحمدلله ماغلطت فيها
اجل لو تصير بيني وبين امه مشكله لاسمح الله
هنا اكيد بيرميني بالشارع قبل يسمع اللي صار
حسبي الله ونعم الوكيل

من معاشرتي لكبار السن 
بصراحه لقيت فيهم حاجه تضايق احيانا 
انتقادهم يكون لاذع 
مع انه احيانا تكون نيتهم ابيض من اللبن 
لكن اسلوبهم جآف 
ف الواحد يكبر راسه عن بعض الاشياء 
حتى لو كان اللي قدامه غلطان 
كلمه وانقالت و خلاص 
و احرصي يا اختي اذا انقهرتي من شيء لا تكلمين اي مخلوق حتى تهدين 
لانك بتكوني في لحظة غضب و ممكن تقولي كلام ينمسك عليك و يسبب مشاكل 
واذا هديتي وروقتي بتشوفي ان هالكلمات الجارحه والسخيفه صارت من الماضي 
وما يحتاج ان احد يعرف انك انحطيتي في هالموقف 
و اخيرا 
لا تشكين لزوجك عن اي احد من اهله لانه بيكون في موقف المدافع 
هو فرد من افراد اسرته فبيحط نفسه مكان الطرف الخصم ويبدأ الدفاع 
و كلمة من هنا وكلمة من هناك والموضوع صار كبر جبل احد 
مع انو في البداية ما يستاهل