السلام عليكم و رحمه الله و بركاته
اشتقتلكوا كثيير كيف الاحوال جميع
شكرا الكوا لسوالكوا الدائم عني و الحمد لله انا كثير احسن من اول
يعني ممكن اقول خلصت اعراض الوحام بنسبه 70 % و الحمد لله المغذي اللي اخذته حسن حالتي
اما شو مشتهيه ورق العنب من زمان و اليوم من الصبح لفيته و جهزته و حطيت تحته لحمه مممم
جوزي بقلي شكلك و انتي توكلي زي اللي طالعه من مجاعه له له خرب برستيجي و راحت انوثتي من مخه الله بعين
بس تعليق بسيط للعزيزه ام عمر نابلسيه
حبيبتي عادي جدا هاي الايام لما يكون عندك مناسبه انك تحكي للناس المقربين منك و بتموني عليهم شو الشغلات اللي محتاجيتها او بتفضليها كهديه اذا مش انتي امك ممكن تحكي
احسن من ما ينرمى معظمهم و يروحوا بدون فايده
يعني احنا مجتمع قروي بس عادي يمكن بعيلتنا انه تحددي اللي بدك اياه خاصه العريس لما بده شويه
شغلات لسى ما جهزها و اهل العروس كذلك بردوله خبر انه تشتريش كذا و كذا علينا
يعني بدل ما اخوانه كل واحد بده يجيبله شغله و الا نقوط بتفقوا انه و الله سجاد غرفه الضيوف و الصالون علينا و خواته مثلا تجهيز المطبخ و من هالحكي
و عالولاده بتذكر بنت خالي قبل ما تولد موصيه امها انه بدها طقم صواني محدده شكله و من اي محل
و بدها روب من محل بدريش شو اسمه و هيك شغلات يعني فعلا بده اياها فالام ردت خبر لسلفه بتمون عليها و هذيك بتتكفل تخبر و اللي ما بدها تروح بتعمل حالها ما معها خبر عادي و ما حدا بزعل
فكل وحده دفعت اللي فيه النصيب و اللي تجمع و امها حطت فوقه و جابت الهدايا و اخذت اللي بدها تروح و باركولها طبعا هذا شمل نسوان العمام و العمات
على عرسي الكل سال شو بدها نجيبلها فامي قالتلهم ما الهاش دار و بدها تسافر و الذهب احسن
و الكل فعلا اشتركوا و جابولي سحبات محرزه احسن من المصاري اللي بتطير بساعتها
و سلامتك
هذا موضوعنا لليوم و ارجو انه اسمع عاداتكوا
لقاء الأحبة *3*
متابعة النقاش، صفحة 401