بشروني بضناها وياحلوها من بشارة .. ملف تباشير مارس3 وابريـل4 .. 2014

Omdina
انا اللي اعرفه الحليب يجيب حساسيه
ولدي تجي قطره عليه ع طول تطلع له حبوب
سبحان الله

ماشاء الله تبارك الله الف مبروك مانجو و الغلا مبروك ماجاكم و عقبالنا يارب الله المستعان

الله يسهلكم ولادتكم
لاتنسونا من الدعاء

سبحان الله انا بنتي مافادها الا حليبي جربت كل شي للحبوب الحمرا و لا فاد يمكن ما يلائم الكل الله اعلم حبيت افيدها بس

رجعت لكم مع اكشن ولادتي 😁😊




كان يوم الاربعاء عندي موعد الدكتوره كالعاده 
كل اسبوع وكنت باالاسبوع الواحد والاربعين 
اخر زياره لي كان الرحم مفتوح اثنين سانتي ونص  
وسوت لي تحريض ولا استفدت شي غير الام 
تجي وتروح طفشت منها اسبوعين وانا عندي الطلق باااارد شربت كل شي قرفه زنجبيل حليب بالعسل 
والطلق يبررد 😰
المهم جيت للدكتوره وقلت لها يادكتوره تراني مليت 
وطفشت ومطوفه التاسع شوفي لي حل خلاص تعبت 😢😩
قالت لي خلاص اطلعي واكشف عليك اذا فاتح 
3 سانتي راح انومك !! 
كشفت علي الا وتقول يووووه ماشاءالله فاتح 4 سانتي !! 
قلت وشو دكتوره 😨
4 سانتي وماني حاسه بالام غريبه 
قالت لي كذا بعض الحريم خصوصا اللي والده 
قبل ينفتح الرحم بتقلصات بسييطه وماتحس عكس 
البكريه 
قالت لي كلمي زوجك يجي يوقع الاوراق عشان التنوييم،،
انا هنا مدري وش جاني يوم جا الجد حسسسيت 
بالخوووف 😓😢




قلت يادكتورره طيب بما انه الالم مش حامي الحين 
اروح البيت وامشي الين يحمي الطللق واجيك >> تبي تنحاااش هههههههه




قالت لي مافي روحه خلاص انتي صاير عليكي ولاده
تطلعي فوق ونفتح لك المويه وع طول الببيبي راح ينزل ويبدا الطلق معك واذا احتجنا لطلق صناعي 
بعطيك جرعه بسييطه  !!




وقتها اذن صلاة الظهر قلت طيب خلاص بروح ادق 
ع زوجي 
دقيت ع زوجي وقلت له تعال خلاص تنويم وراح اولد زوجي استغرب قالي من جددك تولدي وانتي 
ماعندك الم قلت له عندي الم بس بسيييط الدكتوره قالت لي نفتح المويه ويحمي الطلق عندك،، 
رحت المصلى صليت الظهر ع اساس انها اخر صلاة قبل الولاده 😔
ودعيت ربي يسهلها لي ويخلصني بالسلامه 




جا زوجي ودخل لدكتوره ووقع الاوراق 
طلعوني فوووق عند غرفه الولاده ! 




يوم دخلت حسسيت بخوووف ورعب واول مررره 
زوجي يدخل معي غرفة الولاده 😳




قلت لزوجي ايش رايك اطلع من غير مايدرو 
ارجع لهم اذا زاد الطلق علي !! 
ضحك علي وقالي من جدك 😄 
فاتحه 4 سانتي وتبين تروحي عشان تولدي عندي 
بالبيت 😒😒😳
يلا  توكلي ع الله الله يهون عليك ان شاءالله 
😢
راح زوجي يجيب لي شنطة المستشفى من البيت 
وتستلمني الممرضه عطتني كيس احط فيه اغرضي وعطتني ملابس المستشفى 
غيرت ملابسي واطلع السرير تحط لي التخطيط 
عندي طلق بس خفيف واسمع وحده تصارخ وتولد 
واسمع بكاء المولود ماشاءالله كل شوي اسمع وحده تولد واقول ياااااارب متى يجي دوري واسمع بكاء طفلي واخلص  
جاتني القابله الهنديه وكشفت علي قالت 4 سانتي وفتحت المويه وحطولي مغذي 
ومازال الطلق خفييييف يجي ويروح بس منتظم
مرت ساعه ساعتين على هالحال والممرضه ماشاءالله مافارقتني كانو اثنين جالسين عندي 
كنت مرتبكه من معاملة المستشفى بس ماشاءالله اهتمام ورعايه الحمدلله والدكتووووره مررره طيبه 




مسكت جوالي قريت ادعيه الولاده كلها ماخليت شي وقعدت اكررر يامخلص النفس من النفس خلصني واقرا اية الكرسي الا شوي الطلق بدا يحمي شوي شوي جت القابله مرره ثانيه سالتني 
في الم قلت اي كشفت علي قالت 5 سانتي 
المشكله صار عندي احتباااس في البول اكرمكم الله وهذا اللي خلا عندي الالم فوووووق ماتتصورو بعد ماكشفت فجاه  صار الطللق حاااامي مرررره وبنفس الوقت البول ماقدر تقولي الممرضه سوي سوي حاولي ولاقدددرت اقسم بالله اللللم ماعمري حسيت فيه صرت ارتجف وعيوني تدمع ولا اقدر اتكلم شكيت وقتها اكيد عطتني طلق صناعي وانا مادري 😢😭😭
الله يأجرررنا بس
سوولي قسطررره وعطوووني مسكن والكمامه  والحمدلله خف شوي بس الكمامه خدرتني مرررره  
وانا احس اني مو بوعيي مررت ساعتين وصحيييت ع الم ماتحمللللمه جات القابله بسسسرعه كشفت علي قالت ماشاءالله 6 ونص سانتي خلاص قريب قريب وراحت جا زوجي وقتها جاب لي شنطة المستشفى  وجلس يقرا علي وانا اتالم ودموعي تصب  ويطالع فيني اشوفه حزززين مررره اتاالم ولاهو قاادر يسوووي شي 
ماسك يدي وكل مالطلق جاني ضغطت ع يده
قعد يدعي لي ويقولي ادعي ربك وقت مستجاب ان شاءالله وانا ادعي بقلبي كل ماتذكرت شي 
حسيت اني خلاص ماني موجوده رحت بعالم ثاني مدري من الكمامه يمكن مع ان الممرضه قالت مجررد اكسجين للجنين عشان يتنفس كويس 😥




اذن المغرررب وزوجي قال خلاص بروح اصلي وارجع لك من طلع من الباب والالم صاررر ماتحمله خلااااص طلعت الكمامه وناديت الممرضه 
شافت الجهاز مدري وش شافت نادت القاابله بسرعه جتني وكشفت علي قالت 8 ونص خلااااص ولاده نادوووو الدكتوررره والممرضات كل وحده تتجهززز وتلبس قفازات وتجهز الاغراض   وانا اشوفهم واتالللم ويصاااارخووو يلااا نااادو دكتوووره جتني القابله وقالت لي اذا حسيتي بالدف خذذي نفسس بالفعل حسيت بالدف بعدها شوي خذيت نفس مرتين ثلاث وزوجي رجع ووقف عند الستاره وكان موجود وشايف كل شي مع اني ماكنت ابغاه يدخلونه وقت الولاده بس قلت يلا يمكن لعل وعسى خيرره قلبه يحن ويشوف كيف الولاده والامها
والحمدلله وصصلت الدكتورررره طبعا سوو لها استدعاااء ماشاءالله ماتاخرت علي الحمدلله
 رفعو رجولي وجهزوني خلاااص قالت لي يلا اذا حسيتي بالطلق دفي باقوى ماعندك 
ومررره مرتين ثلاث وهي تشجعني يلا برافو قربتي والطلق يروووح ويرجع المره الرابعه الحمدلله 
طلع حبيبي وحطوه لي ع صدري وهذا اخرر ماذكره صحيت  الا والدكتورره تخيطني بصراحه ماكنت احس بالخياطه ولا المها حتى اني شكيت انها قاعده تخيطني وقعدت اخربط من البنج اللي فيني والكمامه ماقصررت وقعدت اسالها دكتوره ولد ولا بنت هههههههههههه مع اني كنت عارفه سويت الاشعه الرباعيه بس مادري قلت اتاكد 😓 قالت لي ماشاء الله جاكي صبي جابو لي ولدي حبيبي قالو لي بوسسسيه وبسته بعدها ماتذكر شي الا وانا بغرفتي وزوجي جالس جنبي ويبشششر للعالم اني وللدت 




وهذه اكشن ولادتي اتمنى من الله ان ييسررر لكل حااامل ويرزق كل محروووومه ياااارب ويفرحها 
بشوووفة ضناها بين ايديها