بنات طمنوني نتيجة فحص الدم و ana

السﻻم عليكم ورحمة الله وبركاته
من حوالي 3 اشهر بلشت اشكي من ظهري .. ورحت ع الدكتور واعطاني اﻻدوية الﻻزمة واستمر اﻻلم وانتقل الى الورك والفخدين ومفاصل الفخدين والركبتين ومرات اﻻكواع واليدين ولكن اكثر الما الورك والفخود.  طبعا رحت دكتور عظام وبعد اللفات الطويلة والصور وتحاليل الدم وجدوا عندي ال ana عالي وحولوني على دكتور روماتيزم ليتابع حالتي
النسبة  هي 1:160.   قرأت كتير عنه في النت .. جنيت .. مش فاهم وﻻ عارف شو افهم . مين عنده خبرة بهالموضوع ... افيدوني خواتي . وجزاكم الله خير

13 تعليق 51,141 مشاهدة

شاركي في النقاش

سجلي الدخول لإضافة تعليق.

التعليقات

12
  1. @dalya_74

    حبيبتي سلامتك اول شي وبالنسبة لمرضك الذئبة الحمراء هو مرض مناعي يعني الاجسام المضادة عندك عم بتهاجم انسجة الجسم بس بكل جسمك عشان هيك بتحسي باوجاع بكل المفاصل والعضلات تقريبا نفس مبدا التصلب اللويحي الاجسام المضادة بتهاجم الاعصاب بالجسم بس مثلا التهاب درقي اللي هو مرضي بتهاجم الاجسام المضادة الغدة الدرقية فقط

    الامراض المناعية ما حدا بيشفى منها الا بارادة رب العباد ، بس اذا غيرتي طريقة اكلك حتخفف هجوم الاجسام المضادة وحيقل نسبته عندك وحيبطل في عندك اوجاع نهائي اذا التزمتي بالحمية اللي اذا بتحبي ابعتلك اياها ما عندي مشكلة بس بحالتك لازم تمشي على هاي الحمية اقل شي تلات اشهر وحتصيري طبيعية بس اذا رجعتي خبصتي بالاكل بترجعلك من اول وجديد

    الحمية من دكاترة اجانب طبعا انسي دكتورك (او الدكاترة العرب) يعطيكي اياها لانه دكاترتنا بس تخصص يعالجو المرض ما عندهم استعداد يبحثو عن اسبابها وشو اللي بيزيدها او بيقللها وكيف يرجعو الاجسام المضادة لوضعم الطبيعي وشو لازم ناكل وشو ما ناكل وهي بالانجليزي خلي شخص يترجملك اياها

    اذا حابة ابعتلك اياها ابعتيلي على الخاص ايميلك وانا ببعتلك اياها وبحكيلك كيف طريقتها والممنوعات
  2. صاحبة الموضوع
    داليا ..شكرا حبيبتي على ردك .. انا قرأت عن الذئبة الحمراء بس ما عندي اعراضها .. عندي الم بالمفاصل وخاصة الورك .. لسانني ما شفت مختص المفروض قريبا .  طبعا يا ريت تبعتيلي المعلومات بس ما قدرت من بروفايلك ابعتلك رساله .. 
  3. صاحبة الموضوع
    sajee
    داليا ..شكرا حبيبتي على ردك .. انا قرأت عن الذئبة الحمراء بس ما عندي اعراضها .. عندي الم بالمفاصل وخاصة الورك .. لسانني ما شفت مختص المفروض قريبا .  طبعا يا ريت تبعتيلي المعلومات بس ما قدرت من بروفايلك ابعتلك رساله .. 
    Lolody ..الله يشافيك حبيبتي هاي الدنيا دار ابتﻻء ... الحمدلله على كل حال ... في ميزان حسناتنا ان شاء الله
  4. @dalya_74

    sajee
    Lolody ..الله يشافيك حبيبتي هاي الدنيا دار ابتﻻء ... الحمدلله على كل حال ... في ميزان حسناتنا ان شاء الله
    انا اسفة حبيبتي اني استعجلت بردي بس حسيتك كتير خايفة وعادة الناس بتخاف من الذئبة الحمراء ومن اعراضه وجع بالمفاصل والعضلات فقلت يمكن عشان هيك هي خايفة

    عموما هاد الفحص بينعمل عشان يشوفو اذا عندك مرض مناعي والا لا واذا عندك بشوفو وين بيضرب واي منطقة يعني حتى في ناس بتعملها بس وقاية خاصة اذا عندهم امراض وراثية ، واذا طلعت ايجابية بشوفو الدكتور المناسب ، طبعا حتى اللي بيشكو مثلا من السمنة والاجهاد بشوفو اذا ايجابية بيعملو تحليل تاني اسمه TPO تحليل خاص للاجسام المضادة اللي بتهاجم الغدة الدرقية ونفس الشي الذئبة الحمراء والروماتيزم واديسون ونوع معين من السكري بكون مناعي وسرطان والتصلب اللويحي والتليف الرئوي والبهاق وغيرها من الامراض المناعية

    وعلاجها الوحيد الاكل فقط ... صح حيعطوكي دواء بس هو ما حيرجعك زي ما كنتي قبل المرض انسانة طبيعية بس الاكل هو اللي حيرجعك

    حبعتلك ايميلي الشخصي على بريدك وابعتيلي ايميلك وانا ببعتلك الحمية وهاد بقدر اساعدك فيه وطريقة الحمية تبعتي الدكاترة نفسهم ماشيين عليها وهي علاجية مو ريجيم وخلال شهر واحد بتتحسني بنسبة 70% وكل ما طولتي بالطريقة كل ما تحسنتي اكتر واكتر وصغرتي وبتصيري كلك طاقة حتى ما بتكبري جسديا بمعنى لما يصير عمرك 50 سنة بتبيني كانك بنت عمرها 30 سنة لانه حيجددلك كل خلايا جسمك وينضفها من كل السموم والاسباب اللي بتعمل التهابات بجسمك واللي عم بسبب التهاب المفاصل الروماتزم او اذا طلع غيرها ماشي حبيبتي وانتي جربيها شهر ما تحسنتي وطبعا مستحيل مستحيل مستحيل ما تتحسني باذن الله الا اذا خبصتي بالاكل او غشيتي واذا غشيتي بتحسبي من تاني يوم كانه اول يوم الك بالحمية وبتعيديها من اول وجديد اتفقنا وردي علي ما حتخسري شي .. مع العلاج غيري اكلك (واي شخص عنده اي مرض مناعي من اللي بتعرفيهم الك صلاحية كاملة تعطيهم الحمية المشكلة حاولت احملها ما زبطت معي هون عشان هيك حبعتلك اياها بالايميل وحعطيكي ارشادات تمشي عليها)



تابعي تجارب أخرى من هذا القسم.