لقيت الحل لتشنجات الكهربائيه تجربتي مع بنتي

خيوة عاطرة الشدى

اشكرش على المعلومة انا ولدي عمره ثلاث سنوات ياخذ ديباكين و توبا ماكس و ريفرتري

قلت لدكتوؤة عن سالفة الحليب ,, تقول لي ما له علاقة و لاكانها تسمعني و لا اهتمت لتفاصيل الموضوع

منهي دكتوؤة اطفالكم مامات للمخ و الاعصاب ,, تعبت قلبي هالدكتورة .. ما اتوقع اقدر اكمل معاها

وش هالدكتورة تقول لي ما اليه علاج ولدكم و لا رااح يتغير =(

حتى لو كذب مو من حقها تحطم مجاديف الامل للأهل الطفل

انا املي بالله قوي ,, يكفي كلمة ربي و بشر الصابرين ,,

و ان مع العسر يسر ,, نوبات التشنج عن ولدي تزيد مع اضطرب النوم و تاخر الادوية

و احس في تشجنات زادت عندة بس تركنا الحليب خفت ما رااح

و الاكل اغلبة مهررووس و لين .. متنوع بين خضار و مكرونه و رز و فواكة

مبتعدة قدر استطاعتي عن عن الحليب و مشتاقته

مشكورة حبيبةةة قلبي عاطررة الشذى

الله يزرقش الجنان مع هالاولاد و يخلف تعبتش خير و عافية

الله يهني اهلك فيك يا استبرق عسل وكلامك عسل
حبيبتي انا اتابع مع الدكتور السيد محمد علي استشاري مخ واعصاب اطفال  في مجمع الملك فهد الطبي العسكري بالظهران 
هذا انسان مادري كيف اوصفه قمة الاخلاق والحياء يعاملنا انا وزوجي وقفة اخو جنب اخوه دايما يدعمنا بكلام حلو ربي يجزاه عنا خير الجزاء 
والله لدرجة استحي اسأله اخاف سؤالي يكون مو بمحله لان استفسارات الاهل كثيره ومسكين قد ايش يتحمل من الناس يعصبون عليه ليه عيالنا يتشنجون علاجك مافاد ههههه سبحان الله بس 
كمان اتابع مع الدكتوره سوزان استشارية سكري وغدد صماء ما اطلب شئ الا وقالت ابشري اخلاق وحبوبه وطويلة بال ربي يرضى عليها اطلبها تحاليل لاولادي اناقشها طويلة بال ودايما تدعمني بكلام طيب وحلو عن الصبر والابتلاء لاني لما جبت ولدي الثاني كان عمري 28 حسيتها عاملتني كبنتها خلوقه حبيبه 

عادي استبرق مولازم تكملين معها مالها حق تقول الكلام هذا بحق الله حتى تسد نفسك به تتعب نفوسنا وتنكسر لما نشوفهم يتشنجون حق عليها تدعمك بكلمه والا تسكت دام هذا كلامها 
شكل نفسها ضيقه والله اعلم 
انا اقول للدكتور علي قريت بالنت واستشرت بالنت يضحك والله مع اني متردده اغثه بالنت وقضايا النت بس يصحح لي المعلومه ويناقشني عادي لو اجلس اساله ساعه ماقال لا 
الله يجزاهم عنا خير الجزاء 
ويحفظ لك ولدك ويعافيه قادر سبحانه يحيي العظام وهي رميم خلق السموات والأرض مايعجزه سبحانه يشافي عيالنا 
الله يشرح صدورنا بهم ويحفظهم لنا 

كمان استبرق بغيت اقولك شئ
لا تستفسرين كثير من الدكاتره مثلا حمية منتجات الابقار هذي نطبقها نحن اجتهادات فقط 
الاطباء ماعندهم تحليل لها 
ولدي الصغير كان عنده انتفاخ شديد وبرازه اخضر اكرمكم الله وكنت اناقش الدكاتره بحدود والله ما اسألهم ليه الحميه هذي وابغي اطبق عليه الحميه الفلانيه 
القرار لي بالاول والاخير 
اطبق الحميه وبعد اسبوع او اسبوعين ابلغهم اذا استفاد او لا ويعطوني تعويض للنقص الحاصل بعدها 
طبقت حمية االجلوتين عليهم الاثنين وكانت متعبه جدا بلغت الدكتوره تجاوبت معي وطلبت لهم تحليل الحساسية
طبقت حميه من البروتين البقري والصويا والبيض على نفسي انا والصغير كنت ارضعه انا وبلغتها بعد اسبوع تساعدت معي قالت صعب عليك تحتمين من منتجات الابقار تتعبين صرفت لي حليب خاص بالحميه هذي غير عن الصويا والبروتين البقري حتى الدكتور علي كان شايل هم ان الصغير مايتقبل طعم الحليب 
لكن ماشفت تحسن من الحميتين هذي 
اطبق وابلغهم بعد اسبوع وعندك قوقل يدعمك بالحميات بقوه برامج كثيره 
خلينا نستمر على حميتهم من منتجات الابقار مثل مايقولون لي الدكاتره اهم شئ الطفل يستفيد مو لازم نعطي تفسيرات 
اذا استفاد استمروا القرار الاول والاخير للاهل 
وفقك الله

والله يالغاليه ماظنتي تلقينه بالصيدليه 
لانه تركيبه يعملونها بالصيدليه 
حتى قالوا لنا ثاني يوم تعالوا خذوه لنجهزه لكم 
بغيت اوجه لك نصيحه اخيره استبرق 

ممكن تنصدمين من كلامي بس راح تفهمني بالاخير 
اول شئ نحن مؤمنين بقدرة الله انه يشافي اولادنا ويعافيهم ممؤمنين حد اليقين 
لكن بتكون بمعجزه منه سبحانه 
اما السفر والارهاق الجسدي والنفسي للطفل وللاهل نفسهم ما ارى ان وراه فايده 
واعرف عايلات كثير مقضين حياتهم سفر من مدينه لمدينه ولدول ثانيه بحثا عن العلاج لاولادهم وصل ببعضهم للافراط 
خلينا لا افراط ولا تفريط 
وتاكدي استبرق كل اللي يجرى على الاطفال اللي عندهم ضمور تجارب مجرد تجارب قد تعطي نتايج سلبيه اكثر من الايجابيات 
اللي يحتاجونه اولادنا علاج طبيعي ووظيفي هذا اللي بيعطيهم دفعه لقدام 
اذا سفرتكم للاردن لعلاج طبيعي تمام اما تجارب على الطفل وادويه فوق ادوية الصرع وارهاق لك ولولدك 

انا مع الاخذ بالاسباب والسعي في علاجهم واكيد لهم علاج على وجه الارض مثل ماخبر نبينا عليه الصلاة والسلام لكن السعي بحدود المعقول 
ممكن تقولين احب ولدي وراح اضحي بكل صحتي لعلاجه عادي لو ارهقت لو تعبت لو تقذع قلبي اهم شئ اوصل لنتيجه. ماودي احزنك لكن حاليا مافيه نتيجه لعلاج اولادنا مهما سوينا غير العلاج الطبيعي والوظيفي 

والله اني اتمنى واتخيل اللحظه اللي اشوف اولادي فيهت بخير لكن بنفس الوقت مسلمه مش راضيه وصلت لحد التسليم بحالتهم وهذا فضل وخير من ربي 

فكري بكلامي زين اذا بتروحون الاردن لعلاج طبيعي الله يكتب لكم الخير 
اما لعيادات واطباء ما انصحك ابدا