مررتي بتجربة اجهاض شاركينا تجربتك

السلام عليكم ورحمة الله بنات ابغاكم تشاركوني فهالموضوع عشان نفيد بعضنا والله يرزقنا بالحمل التام انا ببد ابنفسي عندي ولد وبعدها صار يصير اجهاض مايتعدا شهرين والاغلب 7 اسابيع سويت فحوصات طلع معي اجسام مضاده والبويضه ضعيفه موعقوله كل حمل البويضه ضعيفه توني اكتشف لحي بعد هالاجهاضات وصرفت لي الدكتوره بريدنيزلون شهرين وابر انوهيب اذا صار حمل بس ربي ماكتب للحين الله يرزقنا اذا تعرفون احد اوسمعتوا احد استمرحمله بعد الاجهاضات يفيدنا ولكم جزيل الشكر

25 تعليق 31,998 مشاهدة

شاركي في النقاش

سجلي الدخول لإضافة تعليق.

التعليقات

25
  1. @htha_ana_20

    انا بكريه
    وحملت بعد تسع شهور من زواجي
    بالعلم ماكنت استخدم اي مانع
    وفي بدايه حملي نزل معي دم وعطتني الدكتوره مثبتات
    الشهر الثالث قالت لي المشيمه نازله استمري على المثبت
    اخر اسبوع من الشهر الرابع
    جاني نزيف قوي
    رحت بعد ثلاث ساعات للمستشفى
    قالوا الرحم فاتح سانتين
    والبيبي نصه خرج من الرحم
    الليل ولدتها رفضوا يعطوني طلق صناعي
    لانه البيبي فيه نبض وراح ينزل من نفسه

    بعدها عملوا لي تنظيف لانه المشيمه مانزلت
    والحين مر علي اسبوعين
    وقالي الدكتور يبيلي ربط عنق الرحم
    في الحمل الجاي ان الله كتب لي

    الله بعوضنا خير ان شاء الله


    عندي سوال تعرفون بكريه سقطت وبعدها جابت عيال عادي
    لاني خايفه
  2. @hthyan_6

    انا كان ثاني حمل لي 
    لما كملت شهرين سويت سونار 
    قالت مافي نبض واتركيه هو ينزل
    طبعا نزل بعد اسبوعين ونزلت المشيمة 
    وكل شي بالبيت مع نزيف قوي استمر 
    نص ساعة قوي قوي مره بعدها دخت واغمي علي
    من كثر النزيف و اخذوني لليمامة قالوا 
    لازم عملية تنظيف النزيف ماراح يوقف
    مع ان الجنين والمشيمة وكل شي نزل
    بس النزيف مستمر ..
    سويت العملية و طلعت .. والاجهاض 
    كان بدون سبب بس انه مافي نبض ..
    بعدها صدفة رحت لشيخ لان كنت تعبانة 
    شوي و قال لي انتي فيك قرينة والقرينة 
    تسبب اجهاض مع انه مايدري ان سبق 
    واجهضت .. طبعا رقيت و طلعت 
    وانا كنت استخدم حبوب و تركتها 
    بعد الاجهاض بسنة وحملت الحمدالله ..

    هذا انا .. ايه عادي اختي اجهضت بكرها 
    وحملت بعده على طول بشهر 
  3. @butterfly_30

    هذا انا

    انا مثلك بكرية واجهضت وخايفه يتكرر هالشي

    ان شاء الله يرزقنا بالحمل السليم يارب

تابعي تجارب أخرى من هذا القسم.