التجمع الثاااامن لــ حوامل ومستشفيات المنطقه الجنوبيه ( خميس مشيط - أبها )

الجنوبية>>>
أنا ولدت في مستشفى غسان فرعون قبل 3سنوات تقريبا عند الدكتورة عتاب وكانت ولادتي طبيعية الحمدلله وكل شي تمام وتعاملهم مره حلو وكلفتني الولادة مع حضانة البيبي4700 والحين حامل وناوية اولد هناك ان شاء الله 

 بس حبيت أسأل اللي ولدت هناك قريب عندهم ابرة الظهر او لا؟؟
 لأني ع ولادتي الاولى سألتهم قالوا مو متوفرة..

صباح الخير بتوقيتي ... كيفكم ياكروشات ..الله يبارك للي خلصو .. ويسهل للي لسى ..
انا ضيفه جديده عليكم .. وحامل بشهر 9 وباقي لي اسبوعين ومن كلامكم عن الدكتوره فاطمه شكلي راح اولد في الاسره الشامل .. بس اتوقع ماعندهم ابرة الظهر صح !!

السلام عليكم قصة وﻻدتي 
أنا من النوع اللي أطوف بحملي وﻻ أولد إلا بخروع 
بحملي اﻻخير خفت أطوووف قلت باأروح لعلياء في البار ﻷنها هي اللي ولدتني في عيالي اﻷولين  ولدتني في ولدي في مستشفى الحياة وبعدها نقلت للبار ورحت لها قبل سنة تولدني في بنتي حملي الثالث كنت ناوية أولد عند منى السودانية في غسان بس قالوا انها خرجت نهائي وكنت مترددة اي مستشفى اروح له وخايفة قلت ماعاد فيه الا علياء ومن أول ابغى علياء بس تعامل  المستشفى خاصة قسم التنويم كرهوني في اني ارجع لهم رحت تابعت عند علياء وانا ف اول اسبوع من التاسع  قلت أكيد باأطوف ..جاء آخر يوم في تاسع ع وقت صﻻة العشاء حسيت باﻵم طلق بس خفيفة صليت العشاء وبعدها صار يشتدد ويتقارب  ركبت السيارة اتصل زوجي ع المستشفى وقال حالة وﻻدة ونبغاكم تستدعون الدكتورة علياء قال علياء مو موجوده الموجود الدكتورة ايمان مصرية وانا اصﻻ مادخلت البار اﻻ علشان علياء  وتعاملها المهم دخلت المستشفى على الساعة 10 ونص جاء زوجي يبي يسدد عن طريق الشبكة ماحصل شبكة نزلت لغرفة الفحص ولقيت الرحم مفتوح 9سم ورفضوا يطلعوني للوﻻدة ﻻن زوجي طلع يدور ع صرافة يسحب فلوس من شدة الالم وخفت اولد تحت قلت خذوا جوالي ارهنوه عندكم الين تجي الفلوس رفضوا ماجاء الا وأنا بنجن طلعوني لغرفة الوﻻدة وولدت ع طول  الحمدلله من دون ابرة ظهر  جلست ساعتين بعد الولادة في غرفة الولادة ..الممرضات في غرفة الوﻻدة مررة تعاملهم حلو لكن المشكلةبعد ماتطلعين للتنويم وطلعت للتنويم الساعة 3 الفجر جلست ماشفت الدكتورة اﻻ الساعة 12 بالليل تخيلو المفروض تجي تتفقد الخياطة ﻻيكون فيه نزيف ﻻقدر الله وﻻ شفتها مو زي علياء..جاني الفطور والله ان في علبة المربى الصغيرة ذباب صغير ميت بغيت انجن يوم شفته ..والمفروض يعطوني مضاد ومسكن رفضوا يعطوني اياه  اﻻ الين يجي زوجي المشكلة زوجي في الدوام وفي الخميس يعني بعيد علشان يدفع اعطيتهم انا رفضوا الا يجي قلت خذوه من التأمين اللي عندكم رفضوا رفض تام ذبحتني الخياطة ﻻزم مسكن ..بعد شق اﻷنفس اعطوني اياها..والحمد لله عدت ع خير وتيسرت ومهما كانت كفاءة المستشفى فالتياسير من ربي لكن نبحث للتعامل الطيب ..

مشكوره للي ردت علي
سبائك حبيبتي الف مبروووك الولاده
والله احترررت وين اولد كنت ناويه ع البار بس خفت من قصتك 
دعوووواتكم لي بان ربي ييسخر لي الطاقم الطبي 
وربي اني في هم مايعلمه الاربي., .

مشكووووورة اختي سبائك الود
اهم شي ولدتي بالسلامه الحمدلله
ومعروف مستشفى البار انهم ماديين اهم شي عندهم الفلوس
وهذا الي مخوفني منهم
انا بكريه واخاف مايصبرون علي ويولدوني عملية
بس مالنا الا الدعاء والتيسير من عند رب العالمين