التجمع الثاااامن لــ حوامل ومستشفيات المنطقه الجنوبيه ( خميس مشيط - أبها )

مبرووك بحر هالدنيا قولي كيف مستشفى ابها العام تقصدي الي ب محاله كيف وضعوهم جدا خايفه

انجلينا ابها 7 انا ناويه 😢اولد في مستشفئ ابها العام بنات الي والدت غي ابها العام تقول تجربته الله يجزاها الاخير

فوفو عادي اذجتك ولاده روحي ع طوول المستشفى بس لاتنسي كرت العائله ولجوز الي ترجعيه ب المستوصف

ام همووسسهه..الدكتووره سمر لا لا ..فيه الدكتوره هند وشيرين ..شيرين بعد كم يوم بترجع من اجاآزتها ..روحي لها ..او اذا ضروري الححين روحي لهند ..احسسن من سمرر  ..الله يتمم لك على خير 

Missfatoo و He22 ووت و فراولة... الله يباارك فيكم حبايب قلبي ايوه اللي في المحاله الجديد والحمد لله ...الله ييسر لي وطلعت احسن ولاده بفضل الله .. انا بالاول كنت حاطه في بالي اولد في ابها الخاص ولارحت العام ابدا وفتحت ملف في ابها الخاص ويوم الجمعه اللي فات حسيت بمغص وطلق خفيف ومريت المستشفى المدني علشان اشيك على الرحم كم انفتح وقالولي 2 ونص وقالو تنومي رفضت طبعا لاني باولد في ابها الخاص ابغ البنج والخياطه تكون شي وخرجت من المستشفى الساعه 8 الصباح وقعدت امشي والطلق يروح ويرجع ورحت البيت وتجهزت وقعدت اقرا قران واصلي الجمعه وادعي الله انها تتسير ولادتي وبعد العصر نزلت مني مويات وشوي دم وعلى طول لابها الخاص وطلعوني فوق وكااانت صدمة حياااتي اللي ماكنت متوقعتها لقيت مناوبه باكستانيه اسمها شميله كشفت على قالت 3 سم وحطت التخطيط علي ونوموني وخلصت مناوبتها على المغرب وجت دكتوره اسمها مها مصريه وقالت فيه اوراق لازم زوجك يوقعها قلت عادي اعطوه هو تحت وشوي كلمني قال ارسلت لي اوراق ولاده قيصري قلت لييه كل شي تمام بس الطلق بارد شوي قال ماني موقع على العمليه والامور كلها تمام بكيت وجت عندي وهي زعلانه وقالت مش حتولدي والرحم كذا ومش حسيبوه 3 سم على طول الطفل بيختنق وحجمه كبير وقمت وقلت ما ابغا اولد هنا خرجوني قالت ماينفع نومناك خلاص كلمت زوجي وخرجوني بعد مماطله بعد صلاة المغرب وسالتها وانا خارجه قلت عاادي اقدر اروح مستشفى دون ما اولد في السياره قالت لسا حتولتدي على الفجر اذا فتح الرحم اصلا واحترت وبكيت وبغيت اروح الرحمه بعدين قلت الله ييسر لي اللي فيه الخير ورحت لابها العام ودخلت الطواري وكشفت الدكتوره قالت 4 سم قلت كيف قااالت ولاده بسرعه وطلعوني فوق وانا ميته من الرعب وكان المستشفى قمه النظافه والترتيب مو زي ماكنت متخيله كنت اكرهه من قلبي ولقيت ممرضه فلبينيه زي العسل شافتني سمت علي ودخلتني غرفه الولاده وهي تفكك الاكياس كل شي معقم وغرفه كبيره وتضحك وتخفف عني مرره ويدها خفيفه وكل شوي اقول مافيني ولاده شوي اروح الحمام و بهذلتها وهي بااالها وسيييع الله يسعدها تحملت وجالسه جنبي وتقول يالله ربع ساع والبيبي بيكون معاك قلت مافيه الم قوي قالت لا فيه شوي وتشوفين وتحط يدها على دعاء قدامي معلق في الجدار وتقول اقراي هذا مرره حلو وادعي وكشفت قالت 8سم يالله اللحين يجي الم انتي خلي بيبي يخرج وانا ماني مصدقه الحمد لله بس دفعت3 مرات والا خرجت النونو اللهم لك الحمد بعد ماخدرت لي المنطقه كلها بابره واخذت النونو مني ودعت الدكتوره سودانيه اسمها رؤى الله يسعدها جلست بكل هدؤ وخرجت المشيمه بهدؤ ونظفت صح تؤلم شوي وطلبتها تخدر وزادتني ابره وخيطت من برا وجوا لانهم سوو لي توسيع مع انها الولاده الخامسه وخيطت بنظافه وعقمت لي المنطقه وودوني غرفتي وكل هذا الكلام الساعه8 الليل والمصريه تقول ماراح تولدي اللا الفجر لو فتح الرحم تخيلو كانت تبغا قيصري الله يسامحها والجمد لله اعطوني حبوب على طول تهدئ والسرير والنظافه ممتازه من جد والتعامل ياخذ العقل من الممرضه والدكتوره صراحه ماتوقعت كذا والخياطه تمام اعطتني بيتادين وانا لي اللحين 6 ايام والده والحمد لله اموري تمام وكل هذا بفضل الله ...اعذروني طولت علليكم بس حبيت اشارككم تجربتي طلع مستشفى لا يقاارن ابدا بالخاص لا من ناحيه خدمه او دكاتره واستشاريين ولانظافه والحمد لله من قبل ومن بعد ...