واسوني وانصحوني بعد مافقدت الغالي

السلام عليكم ...

مدري كيف ابداء وربي اكتب ودموعي على خدي بس بقول اللي يطلع مني
الاسبوع اللي فات توفى جدي بحادث وهو بمثابة ابوي الثاني ..مو مستوعبه موته للحين احس اني بكابوس ماصحيت منه ..اول ماعرفت بالحادث رحت طيران للمستشفى بتطمن عليه بس ماطول ومات الله يرحمه وشفته النظره الاخيرره ..وشكله وهو ميت للحين بذاكرتي ومتعبني حيييييل ..وهو ساكن معانا ..فقدته دايم احس انه حي وحولنا ..فقدت اني اجلس معه او اسوي عشاه او غداه ..صار كل شي بعيوني باااهت احس اني تعبت حيييل ..خاصه ان خبر وفاته فجأه وصدمه لنا كلنا

ادعوله بالرحمه والمغفره ويسكنه الجنه وكل اموات المسلمين
الحمدلله راضيه بالمكتوب بس عجزت اتأقلم مع وضعنا الجديد مادري وش اسوي

45 تعليق 4,508 مشاهدة

شاركي في النقاش

سجلي الدخول لإضافة تعليق.

التعليقات

40
  1. @osm_tshryn

    الله يرحم جدك ياقلبي ويغفر له
    راح تتعودين على فرقاه ويصير الامر عادي بس انتي الحين مصدومه ومو مستوعبه
    ربي عطانا نعمه النسيان سبحان الله اول مانفقد غالي نحس الحياه وقفت خلاص بس بعدين نتعود
    وشوفي حوالينك مافيه بيت الا فقد غالي



    الحرف الله يرحم امك ويغفر لها ويهدي زوجك لك



  2. @ghramy_toto

    بحالة الوفاه الواحد يجلس فتره مو مصدق
    ويتخيل انه المتوفي حي
    وبيجي
    وصعب يقتنع انه ميت
    بالذات حنا الحريم
    لو كنا نروح المقبره وندفنه اتوقع على الاقل تطيب النفس منه بس الله يحمينا من الموت الفجأه
    والله يرحم جدك ويرحم جدي توه متوفي من كم شهر وكل مايجي طاريه انسى انه ميت
    وربي اتكلم على اساس انه حي في بيته
    وعقب شوي اتذكر انه مات
    الله يجمعنا بجناته
  3. المشاركة المقتبسة غير متاحة.

    جيتي ع الجرح أبوي توفى قبل ست سنوات تخيلي قبل زواجي بست شهور وقدام عيونا والله أني افز من نومي اسمع صوته عكازة اللحين مايبون منا الا الدعاء والصدق هام الحزن مايرد احد

تابعي تجارب أخرى من هذا القسم.