ساعدوني في طريقة حلا

هذا حلى مره سهل وسسريع

فيديو YouTube

ما قصروا البنات

تشيز توفي.  
ط1 بسكوت دايجستيف مطحون مخلوط مع زبده مذوبه وملعقتين قشطه اعجنيهم 
ط2 صبي على طبقة البسكوت التوفي الجاهز 
ط3 علبتين زبادي وملي علبة الزبادي مرتين حليب بودره واربع حبات جبن كيري وفانيلا ونص علبة الزبادي سكر تخلط بالخلاط جيدا ويصب فوق ط2 
ط 4 يصب التوفي الجاهز فوق ط3 ويقطع حلاو بقر قطع صغيره وينثر على التوفي 
ملاحظه : انا اخلط التوفي الهيرشي مع التوفي الجاهز الي يكون غطاه كروهات حمراء 
وبالعافيه 


روكي رود 
بسكوت دايجستيف مكسر الحجم الاوسط.  باكيت بسكوت الجوزاء مكسر. كاس ونصف مارشميلوا.  كاس فول سوداني خشن  اصبع زبده مذوبه 
وضعي بالميكرويف  10 حبات جالكسي ساده.   وكاس شيبس هيرشي دمعات.  وشوي نوتيلا وبعد مايذوب اخلطيهم مع الاول 
وحطيه بصينيه بايركس مغلفه ببلاستيك وخطي الخليط ببلاستيك واضغطي عليه عشان اذا برد يكون مرتب ومتساوي.  وبالعافيه 


فطيرة تفاح 

المقادير 
ط1 كاس دقيق     ثلث كاس سكر.  اصبع زبده بحرارة الغرفه   رشة فانيلا تخلط بالعجانه وتفرد بصينية التشيز كيك 
 
ط2 بالخلاط 
بيضتين   12 حبة جبن كيري. نص كاس سكر.   ملعقة ص فانيلا تخلط جيدا وتصب فوق ط1

ط3 3 تفاحات مقشره ومبشوره   ثلث كوب سكر.  2 ملعقة قرفه على نار هادئه لين يذبل التفاح وتنشف شوي مويته مو مره 
ثم توزع بالشوكه على ط2 
ويرش عليه لوز مبشور 
تدخل الفرن من تحت لين تتحمر الاطراف ثم من فوق 
وبالعافيه 


كيكة بالشوكلاته جدا سهله 

خليط بيتي كويكر او العلالي بالشوكلاته تسوينه زي المكتوب بالكرتون 
وبعد ماتستوي صبي عليها صوص بالشوكلاته ( تضعين على النار نص اصبع زبده وبعد ماتذوب حطي عليها ملعقتين كاكاو بودره وحركيها وشيليها من الفرن وصبي عليها علبة حليب مكثف محلى ( نستله ) وحركيها زين ). وصبيها على الكيكه. وزينيها بالفراوله الطازجه 

جميع هذي الوصفات سهله وجدا لذيذه انصحك فيهم 
واي سؤال انا حاضره 

دعواتك لامي بالشفاء 

الله يشفي امك ويعافيها ويخليها لكم