مشكلتي من الصغر وتعبت

لاتخلين الناس يشعرونك بالضعف والدونيه
الظروف اللي مريتي فيها ماهي سهله وتهد الجبال انتي قويه ماشاء الله عليك.. وخليهم يتريقوا اللي بلاك قادر يبتليهم
اتعلمي هما مواحسن منك.. اقرأي ثقفي نفسك .. عندك النت يعلمك كل شيء
والله يوفقك وييسر امرك

يالله من جد لازم تفخري بنفسك قصتك اثرت فيني كثير لازم تكون ثقتك عاليه وماضيك مافيه حاجه تستحي منها افتحي قلبك للمدرسات صدقيني يحبونك لما يعرفو قصتك صدقيني ما اشوف حاجه تستحي منها انتي مصدر فخر وعمر الشكل ما كان عائق اذا كانت شخصيتك واثقه

ماشالله عليكي ياأختي الغاليه , من كلامك واضح ان شخصيتك تتحلى بالصبر والعقل الله يديمها عليكي ,صح ان المظهر مهم جدا بس الشخصية اهم عشان تبرز جمال المظهر ,
كثير بنات جميلات يروح جمالهم بمجرد تعاملهم السيء مع الاخرين , وكثير بنات بأسلوب تعاملهم وبساتطهم يكسبوا محبة ناس كثير .
شخصيتك جميلة جدا تحتاجي انك تبرزيها وتقوي ثقتك بنفسك وكمان تحتاجي لصديقات تثقي بأخلاقهم ودينهم تكلمي معاهم تاخذوا اراء بعض تطلعي على ماهو جديد في امور البنات وامور الحياة

ان شالله مشكلتك بتنحل لاتشيلي همها الله يفرجها عليكي

حبيبتي هونيها وتهون ,بالعكس افرحي عقب هالصبر والسنين اللي راحت صرتي معلمه اجيال ماشا الله, حنا زي خواتك وعندك قسم الشعر واالبشره البنات م قصرن اول شي توكلي ع الله , غيري نفسك دلعي نفسك لاتقولين مستحيل م اعرف اقولك حاولي زين . شوفي شعرك اذا حابه تقصينه قصيه بس مو مره او خليه طويل مره جعديه ومره نعميه او سويه كعكع وكحل فرنسي ولبسك الوانه حلوه وهاديه وتناسب عمرك مثلا قميص او جاكيتات رسميه اوبلايز ناعمه ودانتيل حطي ماسكارا نوعي بالارواج وردي احمر لحمي الخ استخدمي كريمات مثلا عند النوم جولسيد وفازلين انا احب النيفيا الابيض واستخدمي عطورات هاديه او روحي نكتار او بدي شوب وختاري مجموعه تنقي اللي يعجبك شوفي المعلمات وطريقتهن عشان تتعلمين’ عادي اشتركي مع المعلمات وسعي صدرك اهم شي المجلس نظيف ومبخر وتكوني مجهزه القهاوي بترامس حلوه شوفي محلات المواعين اشتري صحون حلا وترامس قدمي تمر وشوكولاته وحلا انتي مسوبته وعلب موبه بعدين جيبي شاهي ونعناع معه مكسرات موزعتها بصحون صغيره حلوه ومعجنات مشكل وورق عنب وعصير وصادقي وحده من المعلمات تكون شخصيتها حلوه ومتواضعه اهم شي البشاشه والاخلاق شكلك حيل طيوبه الله يوفقك تعاملي مع البنات برفق ولين بس بحدود اتمنى افدتك

قلبو انا فخوره فيك
بس حبيبتي حرام ارفقي بالبنات انا ام لبنات تخيلي احد يدعي عليك من الامهات ونتي طيبه ماتستاهليم مكافحه بحياتك
روحي اي سوق وجيبي تنوره اسود وكحلي وبني وجينز وجيبي كم بلوزه ممكن قطن وممكن قماش
جيبيلك كعب متوسط اسود وبني ووحده شوز مريحه
شعرك لميه بترتيب او ارفعيه
جيبي عباية راس مرتبه راعي الله يراعيك
مشيتك امشي بهدوء ابتسمي شوي اضحكي برقه ادري صعب بس تتعودي
مري نكتار وجيبي غرشتين عطر ع بال ماتتعلمي وتجيبي
اعزميهم وقولي بيتي شعبي بسيط الي مو عاجبها وبتقيمك ع بيتك في امان الله
شوفي النت اي شي تبين ادخلي عمنا قوقل
حبيبتي تقدرين تنقلبين ملكه وملكة النعومه والاناقه وانا اجزم انك تقدرين لانك بطله ومكافحه ماشاء الله
الحرق الي بيدك موعيب احمدي ربك غيرك مشوه
اكسبي حب طالباتك مافي اجمل من محبة الاخرين
لك ودي وموفقه