زوجي والعرس المختلط !!!!

السلام عليكم ورحمة الله وبركاته

زوجي معزوم على عرس صديقه وهو من جنسية عربية

الحين زوجي ناوي يسافر عشان يحضر العرس لانه العريس صار له شهور وهو يذكرهم بموعد الحفلة

المهم هالدولة معروفين اكثر اعراسهم مختلطة حتى لو العروس متحجبة

المهم انا ما تقبلت الفكرة وقلت حق زوجي يتاكد من العريس انه العرس مختلط رجال ونساء والا لا ؟

قال عيب واستحي اسال الرجال هالسؤال وقال لو عالتبرج نشوفه عندنا فالشوارع

قلت له تبرج الشارع غير عن انها الوحدة لابسة فستان سهرة عاري وترقص وتهز قدامك

لا والرقاصة بملابسها الفظيعة تنط على طاولتكم وهز يا وز خخخخخخخ


المهم ما ابي حلوووووول لاني اعرف انه زوجي رايح رايح الله يهديييه

بس الغيرة تذذذبححح غير انه ما يجوووز وخصوصا انه زوجي ملتزم ومتشدد في بعض الاموروخصوصا الحجاب
بس زوجي احس متوهق لانه للحين ما حجز وسالني كذا مرة اروح والا لا

قلت اذا تبغي تروح بكيفك بس انا مب راااااااضية

اذا كنتو مكاني شو بتكون ردة فعلكم ؟!!!!



ما اتخيل بعلي العزيز جالس عالطاولة مع اصدقائه وحولهم البنات الكاشخات يرقصن الرقص الشرقي على اصوووله :icon33:

قلبي الصغير لا يتحمل هههه