شاركي في النقاش

سجلي الدخول لإضافة تعليق.

التعليقات

24
  1. استخيري اولا واخيرا
    موضوع الاطفال يبيله وقفه شوي وتفكير ولازم تعرفين ليش عنده ماابي اخوفك بس مافي ام ترمي عيالها الا للشديد القوي وهل بتتحملينهم ترى صعبه تربين عيال مو عيالك وبالذات لو كبار شوي يعني تطبعو باطباع غير ولابد ماراح تحصل مشاكل. انصحك لا تتسرعين وتوافقين وانت ماعرفتي عنه المعلومات الكافيه اهمها اخلاقه واسباب طلاقه وليش العيال عنده ولو مالقيتي اجابة لهاذي الاسئله والقيتي احد يجيبلك معلومات كافيه وشافيه ومن مصادر موثوقه عنه في رأي لاتوافقين. ترى قعدتك بدون زواج احسن من زواج ينحسب عليك وما يجيك من وراه الا الهم وعيال بتتحملين مسؤليتهم ومذاكرتهم واكلهم لا والمشاكل اللي ممكن تجي من وراهم او من ورا امهم. ماابي اخوفك بس ترى الموضوع خطير لاتتسرعين وتتورطين. وزي ما جا هو يجي اللي احسن منه. لو تترجين اي واخد من عمامك يروح سال عنه. لا تتسرعين ابدا. الله يفرج همك ويفرح قلبك ويرزقك بدوج طيب يخاف الله فيك وتشوفين عيالك وعيالهم يارب
  2. انا عندي رايين
    اما تخلين الناس اللي كلمو لك الخطابة يسالون عنه اي وحدة زوجها او ابوها يسال عنه

    او تكلمين نفس الخطابة تدور لك واحد مطلق او ارمل بدون اطفال

    او تقولين للرجال يودي عياله لامهم

    مدري عحس صعبة تربين اربعه
    الا اذا كنتي عادي تحبين الاطفال وممكن تهتمين باربعه وافقي
    بس لو انتي من النوع اللي ينضغط مع شغل البيت والتربية وبكاء العيال لا توافقين


    وربي يسهل لك ويختار لك اللي فيه الخير يارب
  3. @taht_althkr

    انا نصيحتي لك لا توافقين حتى لو كان الرجال كويس لان الاطفال مشكلة كبيره وراح يجيك من وراهم مشاكل كثيره ويمكن حتى من أمهم او ممكن بعد فتره يطلقك ويرجع ام عياله انا مابي اخوفك لكن نصيحه لوجه الله فكري مليوووون مره والله الوحده وهم عيالها ماتحملهم ويجيها وجع راس اجل كيف عيال الناس بالذات اذا كان ابوهم مدللهم راح يضايقونك كثير وبالذات انك يتيمه لو صارت مشاكل ماتقدرين تشتكين لاعمامك لأنهم ماراح يرضوا بفكرة طلاقك للمره الثانيه
    اسال الله العلي القدير ان يرزقك الزوج الصالح الحنون الأعزب الذي يخاف الله فيك ويرزقك السعاده معاه

تابعي تجارب أخرى من هذا القسم.