السلام عليكم
انا متزوجه من سنتين ونص تقريبا في مدينه غير مدينة اهلي تبعد الف وشوي مشكلتي ان افراح خالاتي وخيلاني كلها مااحضرها زوجي يرفض بحكم الدوام والمسافه بس هو لو عنده فرح ولد خالته ولاصديقه في مدينه ابعد من مدينه اهلي يروحه جمعه وسبت بحكم انه هو رجال وانا الحرمه وتحت امرره
كل ماجا فرح اجلس ابكي طول اليوم بيني وبين نفسي لأني متربيه مع خالاتي واحبه مرره والله 6 افراح من خالاتي وخيلاني مارحتها دحين باقي فرح خالاتي بس هو الشهر دا وزوجي عنده اجازه وحالف يمين مايودني وانا ابكي من القهر المشكلة قايلي بنروح نسافر نتمشى وانا اللي بدفع تكاليف السفره دي وقلتله بحكم ان المدينه اللي بنروحها جنب مدينه اهلي 300 ك وديني الفرح يوم واحد احضر بس قال يمين بالله مااطب مدينتكم زوجي يكره اهلي ومانعهم حتى من بيتي بسبب مشاكل صارت وانتهت والغلط كان من الطرفين واهلي سامحوه بس هو مو راضي يسامحهم لدرجة اخوي جا معاي الشهر الماضي وصلني مارضي يدخله بيتي
بموت قهر قلتله خلاص بحجز طياره وبفلًوسي بروح احضر الفرح واجي يومين بس قال خذيلك محرم انا مالي شغل ومن قلتله امس وهو مسوي زعلان ولايكلمني بس انا مقهورهً ابغى احضر بموت قهر باقي عندي فرح في الاجازه بنت خالتي قلت ماعليه بمشيه اهم شي احضر شورو عليا اش اسوي بموت من التفكير من قلتله وهو قالب وجهه ولايكلمني ومسوي زعلان
وانا ماعطيته وجههً لأن بتكون عنده اجازه شهر كامل وجالس في بيت اهله اهله عننا 400 كيلو وانا للعلم كل اسبوع وانا مسافره لأهله وهو والله لو اتصل صاحبه قاله تعال وديني احضر فرح الفين كيلو وربي يوديه وصارت كم مره
اش اسوي اطنشه واحجز طيران واسافر كل فرح انقهر واجلس ابكي
شاركي في النقاش
سجلي الدخول لإضافة تعليق.
التعليقات
24- حبيبتي الشغلة مايبي لها شور
بسالك هو قطع صلته باهله ؟
اذا لا ومارح يكون نعم ليه ايوه حرمك من اهلك ليه ؟
ايش ماكان السبب
الرسول صلى الله عليه وسلم ( الرَّحِمُ مُعَلَّقَةٌ بِالْعَرْشِ تَقُولُ مَنْ وَصَلَنِي وَصَلَهُ اللَّهُ وَمَنْ قَطَعَنِي قَطَعَهُ اللَّهُ )) ... ((إِنَّ الرَّحِمَ شَجْنَةٌ مِنَ الرَّحْمَنِ فَقَالَ اللَّهُ مَنْ وَصَلَكِ وَصَلْتُهُ وَمَنْ قَطَعَكِ قَطَعْتُهُ )). والشجنة عروق الشجر ...
لا تروحيلهم ولاهم يجونك كيف وبحق وبشرع مين ؟
بشرعه هو وبكيفه وبكل سهولة قبلتي على اخوكي الاهانة مثل ماقبلتيها على نفسك
يجيبك المسكين حتى شربة الوية مايشربها عندك تنزلي وبس حتى ماهو مسويلك كرامة ولاقيمة
ولاتقدير والله الي يقدر اهلي اشيله على راسي مثل ماقدرتي اهله وين تقديره لاهلك ولا اهلك بس عليهم يربوكي
ويراعونك واخر شي تكوني سلبيه منتي قادرة تشوفيهم
لاحول ولاقوة الابالله على هالدنيا الي فيها ماعاد فيهم خير
كلمة مافي غيرها الله يعافيك هذول اهليابي اروح واشوفهم ماقدر استغنى عنهم مثلك بالضبط
ولاتسمحي يحرمك منهم
المشكلة مو بالافراح المشكلة بشوفة اهلك هم الاهم ولا الفرح طز فيه
بسالك التمشية ولا السفرة الي كنتوا بتروحوا لها برضه من فلوسك وشايف نفسه عليكي على ايش انا شايفه حياتك معاه
حتى بفلوسك وين دوره كرجل هو الي يصرف ويحسسك انك محتاجة له - الله يهديه ويسخره لك
- كلام في محله
- حسبي الله ونعم الوكيل
اجل تقاطعين اهلك وعزوتك عشان مين ؟؟؟؟؟؟
استغفر الله العظيم - زوجك يبغاك امرأة خلقت من اجله فقط !!
حتى اخوك مايدخل بيتك !!
لازم اهلك يكلموه ويعرف ان وراك اهل غصب عنه عشان يجيبك لاهلك
مواضيع مشابهة
تابعي تجارب أخرى من هذا القسم.