الملف الثامن لبنات المدينة عن المستشفيات والاطباء ملف تفاعلي

لولي //
الله يقوومك بالسلامه حبيبتي

والله انا اقرأ السب والمبالغه واقول لو انا مو من المدينه وشفت المستشفى كان قلت وش هالجزارين

خالتي موضفه بالمستشفى
تقرل تجينا اكثر من حاله من المدينه الوطني ويرموهم عليناا نحل المشاكل اللي سووها
واخر شي جاتهم من مستشفى الزهراء وحده فغيبوبه تقول ما استقبلوها من الزحمه حولوها علي الالماني والله يعين اهلها مدري ايش صار لها

المستشفى بالنضافه تووب
وسألت امي عن كلام البنات انفجعت مبالغه غريبه تقول السيئ فيها بس الممرضات ممكن يطنشوكي ودكاتره الامتياز سواليف وضحك هذا اللي عصبها من المستشفى

خالتي تقوولي يتعاملو مع الشكاوي بسرعه ويخافون بس تقولي خذي الاسم ويتعاقب الشخص

جزاكم الله خير


الله يسهل علينا جميعا يارب


يااخت لولي حبيت اسالك اطلب الدكتوره اللي ابغاها عادي وتجيني تولدني ولا الموجوده هي اللي تولد


انا خايفه يجيني دكتور يولدني رجاااال ماابغى هذا اللي مكرهني بمستشفى الولاده

انا متابعه اول قبل اتنوم وذحين مع الدكتوره نسرين
انا طلبتها لسمعتها الكويسه بالمستشفى
وللان مامر علي طبيب امتياز الي
مروا ٥ دكاتره ٣ رجال و ٢ حريم كلهم استشاريين
شوفي الولاده العمليات الاغلبيه دكاتره رجال
والي يولدك الدكتور الموجود بس اغلبيتهم استشاريين
زميلتي ولدتها الدكتوره نسرين وكانت قيصري
وماعرف اذا تقدري تطلبي حرمه او رجال بس بسالك باذن الله


بخصوص الممرضات بالعكس والله حبوبات
اذا جو سواليف ويحاولوا يخففوا عليكي
في قله منهم سيئات بس يؤدوا عملهم

وباي مستشفى من حقك تطلبي تغيير الدكتور
واذا رفضوا ترفعي شكوة عليهم

يمكن في ناس سيئه بس الحمدلله للان مامروا علي وان شاء الله مايمروا

اما بالنسبه للنظافه سامحيني انا دخلته وشفت الشراشف كلها دم
وبنفسي كتبوا تنويم لولدي ولما دخلت غرفه مشتركه دخلوني على طفل عنده الله المستعان كبدي وبائي والغرفه كلها استفراغ تخيلي مرض وبائي وكتبوا تنويم لطفل عمره اقل من اسبوع هذا غير تأفف عاملات النظافه وطول لسانهم
اما حالات التحويل فهم بنفسهم تصير عندهم اخطاء طبيه بالهبل سواء بقسم النساء والولاده اوقسم الاطفال
حتى تنومت قريبه شاطره باللغه تقولي مايجيني دواء لبنتي والاقيهم كاتبين بالملف انها تأخذ والاخطاء الي تصير بالطوارئ ومصايب مختبرهم الله المستعان حدث ولاحرج وكمان موظفه تحكي وحده تسألها ايش رايك اولد بالولاده لانها قيصريه قالت والله ماانصحك ياما صارت حالات اخطاء بالجهاز البولي يرتكبها الدكتور فيضطروا ينوموا الادميه اطول فتره ممكنه الى ان يستدعوا اخصائي مسالك من احد لان المستشفى مافيه ووحده اعرفها ولدت قيصري فيه وقيصري بالوطني وكانت بنج نصفي تقولي الدكتور اخذت عمليتي وقت اطول تقول لقى عندي التصاقات فظيعه وسألها فين سويتي اخر عمليه قالتله الولاده وبالنسبه للولاده الطبيعيه فيه مافيها اي حرمه ممكن انه يدخل اطباء امتياز عليكي بدون اذن واتحدأ وحده استأذنوها وكمان غير طولة اللسان واهانة المريضات الي يجوا يولدوا طبيعي وعدم مراعاة النساء الي يتألموا تخيلي الان مايطلعوا فوق الا الي توصل8وياويلها الي تطلع قبل مايوصل الرحم 8انواع الكلام لاوماسكين طابور ع الكشك والورقه عند الممرضه فوق والي تطلع يسألوها انتي فلانه ولا لا
ابدا لااحد يحاول يجمل صورة هذا المستشفى السئ انا متأكده ان فيه خبرات وفيه دكاتره مميزين لكنهم بمكاتبهم مايجيبوهم الاوقت الحاجه الماسه ودائما الي تولد قابله ابدا ماتولد دكتوره فيه واذا صادف وولدت تكون اخصائيه الاستشاريين عندهم للعمليات بس

احسكم تبالغوا حدا مو بهذي المجزره والوساخه المستشفى
انا ماجربت الولاده لسى وان شاء الله ولادتي ع يد ناس رحيمه وتخاف الله
وطلبت دكتورين يكشفوا علي عشان اتطمن ونفذولي طلبي
بس اختي نومت ولدها فيه وانا جربت التنويم فيه وجربته بالمواساه مع امي
صراحه المواساه غرفه امي وهي vip كانت وسخه بالمقارنه مع غرفتي حاليا بالولاده
ولا تقولوا المواساه تحت الترميم الان لان امي كذا مره اتنومت فيه
وعاملات النظافه اذا طلبتهم يجو ينظفوا
وكل يومين او ثلاث تمر خدمه علاقات المرضى يسالو عن اي شكوى
واذا ينظفوا السرير والحمامات والغرف او لا
ومره قلتلهم السرير له يومين ماتغير قدامي المشرفه سوتلهم اجتماع وساروا يوميا يمروا يغيروه

وبخصوص الدكاتره اخويا رئيس قسم النساء والولاده بالدمام
ويوم دخلت المستشفى قالي ترى حقك تطلبي الدكتور الي تبغي يتابع حالتك
ومن حقك اذا تغيري الدكتور لو ماعجبك ومن حقك تعرفي اسم الممرض والدكتور
ومن حقك تطردي الشخص الي ماله علاقه بعلاجك او اذا القابله او الدكتور الممرض قل ادبه او تمادى
وفوق هذا من حقك تشتكي وتاخذي حقك

اذا الشخص مابين لهم انه فاهم حقوقه و واعي باي مكان حقه بناكل وبينظلم
سواء بمستشفى خاص او حكومي او باي اداره او مكان

وارجع مره ثانيه اقول كل مستشفى فيه السيء وفيه الكويس
انا وحده ماعندي ثقه ابدا بالخاص ولا بدكاترته الا من رحم ربي
واذا جينا لمستشفيات المدينه ابدا ماتقارن بمستشفيات جده والرياض والشرقيه
هنا مباني بالبركه وهناك تدخلي فندق ٥ نجوم مو مستشفى كل شي يفتح النفس


وبالاخير انا ذكرت تجربتي الحمدلله و ان شاء الله تكون تجربه حلوة
لين نقوم انا و ولدي بالسلامه يارب
ويبعد عننا المجازر والاشياء السيئه الي تحصل بالمستشفيات
والله يسخرلنا اولاد الحلال باي مستشفى اروحله