السلام عليكم ورحمة الله وبركاته
كيف حالكن خواتي؟
ربي يسعدكن ويوفقكن قولوا آمين
(اللي مو عارفه قصتي تقدر ترجع لمواضيعي وتطلع عليها عشان تعرف كل التفاصيل)
البارح يابنات حوالي الساعة 2
رحت للديوانية عشان أشيك على عيالي وهم نايمين فيها
طبعآ عيالي مثل باقي الشباب الله يصلحهم
يحبو ينامو بالديوانية وعلى التلفزيون ومايحبو ينامو بغرفهم
المهم تفاجأت ولقيت أبوهم نايم بينهم بعد مااستغنيت عنه وقلت له يروح لزوجته الثانية
بصراحه تنرفزت من وجوده وقلت بنفسي: هذا وش جايبه وأنا طاردته؟
هو صار له أسبوعين تقريبآ ينام عند زوجته الثانيه
وتفاجأت من وجوده البارح عندنا
لما صحيت الصبح قلت لولدي الكبير اللي بأول جامعه يسأل أبوه ليش نام عندنا البارح؟
بعد ماجيت من الدوام قال لي ولدي إن أبوه راح يرجع لنظامه الأول وينام عندنا ليله وعند زوجته الثانيه ليله (بس طبعآ راح ينام مع عياله بالديوانية) وقال لولدي بعد (خل أمك تتحمل وجودي بالبيت وما تتضايق مني)
مدري ليش ياخواتي
أنا فعلآ متضايقه من هالشغله الجديده وهو عارف ومتأكد إني راح أتضايق منها والدليل كلامه لولدي
وبصراحه
أفكر أبلغه بعدم راحتي من وجوده ونومه عندنا بالبيت بدون مايدرون عيالي
وأنا من يوم ماطردته لزوجته وأنا رافضه إنه يشوفني أو يجلس معاي
وحتى داخل البيت مايدخل
يعني حده قسم الرجال بس
وش رايكن ياخواتي؟
أبلغه برساله وبدون مايدرون عيالي ولآ كيف؟
شاركي في النقاش
سجلي الدخول لإضافة تعليق.
التعليقات
80- واضح انك ماتبينه وقلتي انك متضايقه ولا تبينه يشوفك
ليه جالسه علا ذمته للحي ربي يهديكم ويصلح بينكم - خخخخخخ يستهل خاليه رايح جاي وانت دلعي عمرك والكشخه والسنع
- مدري والله دام انه قاعد بالديوانية خليه وش بيضر بالعكس عيالج بيشوفون ابوهم ويقعدون وياه و اذا شافج ماتكلمتي وماعطيتيه ويه يمكن يمل ويروح
- بالعكس خليه ينبه لعياله
صاعقة بيوتي مدري والله دام انه قاعد بالديوانية خليه وش بيضر بالعكس عيالج بيشوفون ابوهم ويقعدون وياه و اذا شافج ماتكلمتي وماعطيتيه ويه يمكن يمل ويروح
انتي ماتبينه بس عياله يبونه
مواضيع مشابهة
تابعي تجارب أخرى من هذا القسم.