ارمله..وأم لمراهقين أتمنى تساعدوني قبل لفقد عقلي...

أسأل الله العظيم أن يبارك لك فيهم ويرزقك برهم وصلاحهم

أنا أرملة مثلك وولدي بسن مراهقة

بس ما لقيت أحسن من الدعاء واللجوء لله

والخال والعم مهما كانوا قريبين إلا ما ينشغلوا

لكن ربك هو أقرب قريب وهو اللي بيده صلاح القلوب

الله يصلح لي ولك وللمسلمين أجمعين

وربي خوفك في محله هالزمن يخوف وكثر فيه الفتن 
والعلاقات الشاذة 
بس عليك بالدعاء لهم دائما وتعاملي معهم بحكمة 
الصلاة خليهم يواظبواعليها 

لانها تنهى عن الفحشاء والمنكر 
وحلو لو تشترى بروجكتر وتسوى لهم عرض أسبوعيا يعزز الإيمان والخوف من الله في قلوبهم
وتكون هناك جلسات وطلعات عائلية 
و يكون أولادك قريبين من بعض 
ولو تحسسينهم بمسؤولية البيت يعنى كل واحد فيهم يكون مسؤول عن شي 
وان انتى بحاجه لهم 
سجليهم بمعهد لغات وحاسب 
وتحفيظ القرآن 
اشغلي فراغهم بشي مفيد 
ونصيحة سوى صندوق صدقة للبيت كل شهر شخص مسؤول يتصدق فيها 
عززي في نفوسهم حب الخير واشغلي وقت فراغهم فيه 
انصيحهم بالتطوع في الجمعيات كدار الأيتام وكبارالسن
اطلعي معهم  اذا كنت مقتدره ماديا للأحياء الفقيرة 
وتصدقوا عليهم لو مبالغ أو شياء بسيطه
ترى اذا عندنا ماتسوى عندهم تسوى ويفرحوا فيها 
الله يصلح لك عيالك ويجعلهم غرة عين لك 

الله يكون بعونك يا أختي 
انا اعاني مثلك با الضبط انا عندي ثلاث ايتام والحين كلهم في سن مراهقه توفى ابوهم والكبير كان في رابع ابتدائي والحين الكبير صار في ثالث ثانوي. اعاني معاناة الله يكتب لي ولك الاجر ولكل ام ارمله تعاني 
انا زرعت في عيالي حب الدراسه اجاهد معهم جهاد علشان تدريسهم وتعليمهم 
ولدي الكبير مثل طبع ولدك مايحب يصادق احد مايعرفه وهذا الشي زرعته فيه من يوم هو صغير يحب يمشي ويطلع مع عيال خواتي واثنين من اقاربنا بس لكن ما اخفي عليك اعاني والله اذا طلع كل شوي ادق عليه ياوليدي لا تتأخر ياوليدي انتبه لنفسك ياوليدي لاتقطع قلبي عليك ياوليدي انت اول فرحتي وانت رجال البيت لاتقلقني وانا امك
اخاف عليه هو واخوانه من الهوا الطاير خاصة انه يسوق الحين وتعالي شوفي انواع العذاب والقلق النفسي
لكن وش اسوي الشكوى على الله استودعهم ربي في اليوم اكثر من مره والله يعوض تعبي فيهم خير ويعوض تعبك في عيالك ويقر عيني وعينك فيهم يارب 

اطلبي من الله يصلحهم القفله الزايده ما تنفع كمان الحرص الزايد وخوفك عليهم اعطيهم الثقه وضروري يكون عندهم اصدئقاء تكوني عارفتهم ومين اهلهم انا ام ل 7 اولاد والحمد لله اهم شي الدعاء وعينك على هذي الجوالات الي تودي بدهيه انا اخاف منها

حلقة تحفيظ القرآن تطلع رجاااال وينشغلون ويطلعون مع صحبه صالحه ويفرغون طاقتهم باللغب والكشتات والطلعات وانتي مطمئنه