ابي نصيحتكم بنت اختي مراهقةة

تعلمها الطبخ شي ممتاز لكن ترجع من مدرستها وتطبخ والله ياحراااام اكيد تحتاج تشوف الغدا قدامها مو تقوم تسوي
لو احنا الكبار نرجع من دواماتنا نفسنا نشوف قدامنا أكل جاهز..
أجل وين دور الأم كيف تحس انها أم إذا ما جهزت لعيالها الغدا قبل لا يرجعون من مدارسهم تشفوهم يتغدون من يد أمهم بعد عناء ساعات من الدراسة
انصحي امها وخليها تقرأ ردودنا

والله ٲنا بمدرسه ومن قساوة الأمهات مع بناتهم إني أسمع من الطالبه سب بأمهايعجز لساني عن وصفه لدرجة تتمنى إن أمها تكبر وتعجز وتحتاجها وتتوعد ٲمها إن تهملها بكبرها مثل ماأهملتها بصغرها أحيان أحزن أني أسمع هالكلام من الطالبات ولكن ماباليد حيله..أحسنو لأبنائكم ليحسنو أبنائكم لكم)

اجلسي مع اختك وفهميها الضغط يولد الانفجاااار يعني لا تهمل بنتها ولا تقصر معاها وتراعي سنها مو كبيره عشان تشيلها مسؤوليه بيت وغدا وعشا وكرف حرام والبنت ماشاء الله شاطره وذكيه حرام بكره احد يجي يستغلها او حتي يعرض ظروفها ويعايرها خليي اختك تحتويها قبل لا يطيخ الفاس بالراس وتصير معقده

والام ست الحسن والجمال ليش ماتسوي لنفسها بلعه علي الاقل تساعدها ولا علي يدينها نقش الحنا يامن الكسر امحق ام ؟؟؟

والله حتى اخويه وزوجته يعاملون بنتهم كذا هي بثالث متوسط واخوانها معاملتهم غير دلع وحركات
تخيلو حتى اختها الصغيره باقي مادخلت المدرسه مدلعينها عندها ايباد وجوال والكبيره يقولو لها لا مافي طيب ليه مافي يقولولها كذا بس مافي سبب