محتارة ارجع لطليقي او لا

حبيبتي مثل ماقالو لك البنات اعرضي نفسك على دكتوره نفسيه. وارقي نفسك واضح ان فيك شي مو طبيعي ..وقبل كل شي اصلحي علاقتك مع ربك يعني شوفي صلاتك كيف هي لان الصلاة هي الراحه بكل شي ...
نصيحه من اخت لاتطلقين قبل ماتسوين هالاشياء عشان مايجي اليوم اللي بتندمي فيه خاصه انه متمسك فيه ...واذا تعالجتي وشفتي نفسك المشكله معك هذاك الوقت لك الحريه بالقرار ...اهم شي لاتطلقين قبل تعالجين نفسك

يابنت قريت التفاصيل اللذي ذكرتيها في موضوعك الاول..

اقول وربي راح تندمي قد شعر رأسك .. اذا مارجعتي لزوجك..

اتقي الله .. لاتخلي بنتك تتربى يتيمة وابوها عايش..

ومادام خلفتي بطلي انانية...

الان احنا امهات...

وحياتنا وهبناها لأولادنا وبس..

مادام مايضربك ولا يسكر ويصلي...

ضبي الان شنطك وع بيته..

ولا عاد تتطلبي الطلاق ابدا...

اولادنا امانة في رقابنا.. وسنسأل عنهم يوم القيامة..

يااختي تعرفي وين المشكلة الحقيقية..

فيك انت...

ايه نعم...

معليش انا انسانة حقانية مااعرف الف وادور..

كيف تبغي تبني ثقة وانتي داخلة بمعررف مهزوزة..

بالله عليك ...

وش تحسين فيه..

يوم تشوفي اسمك..

تفائلي الدنيا حلوة..

وربي كريم..

اعقلي وارجعي لبيتك الله يهديك ويصلح حالك..

اختي من كتاباتك وموضوعك مبين انك شخصيه قويه جدا
ولست مهزوزه مثل اسم معرفك
وذلك يتوضح من خلال اتخاذك قراراتك وتفكيرك من عدة نواحي
واشوفك ترفسين النعمه برجلينك
وين كان احساسك هذا قبل الزواج ؟؟؟
انتي تبغين حب افلام ومسلسلات ؟
مايكفيك حب زوجك واحترامه لك وتمسكه فيك وانجابك بنت تحتاجك ؟
ارجعي له واحمدي ربك
بعدين وش هذي الموضه اللي طالعين فيها البنات ؟؟؟
كل وحده اذا ماتتفق مع زوجها تقول عين وحسد و و و
ماعرف وش خرابيطكن
دامكم تتحصنون خلو عندكم ايمان ان الله هو الحامي
وعيون الناس مو اقوى من حماية ربنا
بصراحه لاتزعلين مني
زوجك يستحق وحده افضل منك
تحبه وتصونه وتخدمه وتحترمه بكل ماعندها من قوة
ان شاء الله ماينظلم معاك
واذا ماتبغينه في غيرك تتمنا تتزوجه وهو يكمل حياته وربي بيعوضه ان شاء الله
وانتي اقعدي انتظري نصيبك هذا اذا جا
ومثل ماقلتي اما معدد او كبير بالعمر
فيه بنات ماتزوجن ويتمنون الزواج وانتي خليك كذا تشرطي واشكي بالمنتدى !
راح تخطبين له بنت من المنتدى ؟؟ ترى فيه كثار يبغن زوج مثل زوجك
بصراحه موضوعك مو مشكله ابدا
تتوقعين البنات بيفيدونك لانك ماتحبينه ؟؟ او بيعطونك قلب ثاني عشان تبداين تحبينه ؟
قد تكون صراحتي جارحه
لكن لابد ان اطرح كلامي عشان تفكرين بينك وبين نفسك
كما اني لا احب المجاملات والمداراة
فكري اكثر والقرار لكِ

تفاصيل اكثر عشان تساعدوني 
ما احس بناحيته اي شعور طبيعي بين انثى وذكر 
احس بنفور وكره له ولكلامه وطريقة تفكيره ولشكله وكل حركاته 
ما تعجبني 
زوجي طيب واخلاق ويحب التفاهم 
عيوبه عادي زي الشباب كورة ومباريات وسهر وجمعات مع اخوياه 
لكن انا ما تهمني عيوبه لاني ماني متقبلته بالأصل .
يابنات انا ما فرحت زي العرايس ولا حسيت بخجل العروس ولا بأي شي كنت طول ما انا عروي امثل واظغط  على نفسي واكذب على عمري وكل شي اسويه بالدف ولازم ابرمج واقنع نفسي .لكن من داخلي شعور كريه مااقدر اوصفه .. لكن يوم شفت وحده متزوجه بعدي وشفت كيف العرايس يكونون فرحانين وخجلانين وتكون فخورة بزوجها ومبسوطة الله يهنيها والله اني دايم ادعليها ماشاءالله ..حسيت بنفسي وان وضعي مو طبيعي ابد واني قاعدة اضحك على عمري السعادة محد يتصنعها الحمدلله بس .
وطبعا مع مشاكلي ذي وكل مرة انفجر وارجع اصبر الين انفجر ومخاصمات بيني وبين زوجي انا افتعلها من ادنى زلة وكل مرة تسلم الجرة الين اخر مرة تهاوشنا وطلقني لأني استفزيته ..