أبي مساعدتكم هالمبلغ يكفي

السلام عليكم
مساءالخير
بدخل بالموضوع دوغري الله يسلمكم قررت اغير بيتي من أثاث وبويه ومطبخ وديكور ثلاث غرف وصاله ومطبخ يعني نقول خمس تغيرات
والمبلغ اللي معي 30 ألف هالمبلغ يكفي ولا مايكفي مررره خايفه اتوهق

اللي أبيه غرفة نوم وغرفة أطفال لبنتي وكنب لمجلس الحريم وكنب للصاله
والبويه اغلبها بتكون مقلم وساده
وديكور للصاله ومجلس الحريم بس

مررررره محتااااره أبي مشورتكم ابي هالمبلغ يكفيني وزووود عليه أشتري الاضائات وزينات وشرايكم لان أمس أنصدمت اختي تقولي وحده اشترت كنب لمجلس الحريم ب11 ألف

انتظركم لاتبطون بالرد

35 تعليق 4,856 مشاهدة

شاركي في النقاش

سجلي الدخول لإضافة تعليق.

التعليقات

35
  1. @tooooly_1

    شوفي انا زييك بسوي بيتي حطيت مبلغ معين والله المصاريف تطلع مدري من وين ﻻا وكل شي صار غالي
  2. @tooooly_1

    قسسسمي فلوسك كل شي حطي له سعر وحطيه في ظرف واكتبي ﻻيه يعني ظرف للديكور وحطي سعر له و ظرف لغرفه النوم وهكذا
  3. @mlk_thaty_1

    البويه شقه صغيره 4 غرف وصاله كلفتنا تقريبا 5000 ريال
    هذا للبويه الساده بدون تقليمات
    غرف النوم
    تتراوح متوسط اسعارها بين 7 الا ف الى 15 الف
    غرفة بنتك السرير الابيض الحديد من ايكيا حلو بحدود 500
    وفصلي للغرفه دولاب عند النجار من 2000 ل 3000 حسب مساحته
    ممكن تكلفك غرفتها مع الارضيه والاناره والستاره
    تقريبا 5000 او 7000 ريال
    الكنب للصاله اذا زاويه L
    اذا تفصيل ممكن يكلفك 4000 وتزيد حسب كم متر
    احسبي المتر ب 450 الى 700 هذي اسعار السوق
    اما مجلس الحريم نفس الشيء مقاس المجلس هو اللي يحدد لك السعر
    المتوسط بيكلفك من 8000 الاف اذا صغير الى 20 الف اذا كبيير

    ماودي احطمك
    لكن 30 الف ماراح تكفي حق كل اللي ببالك
    اذا ماتقدرين تزودين المبلغ
    احسبيها صح وادرسي كل قطعه ودوري على افضل خيار يخدمك وسعره مناسب
    ترى مو كل غالي سعره مستاهل
    واحيان شغلات بسيطه وذوق تغير من ديكور بيتك بدون خساير زايده

تابعي تجارب أخرى من هذا القسم.