شاركي في النقاش

سجلي الدخول لإضافة تعليق.

التعليقات

51
  1. @tamt0o0t

    صاحبة الموضوع
    الزبدة من الموضوع انه فيه اشخاص يصورون اشياء بنظرهم ماهي حرام او بدعة وانها شئ عادي ومن واجبي اني انصح يمكن انهم غافلين مو منتبهين المشكلة انه الصور تنتشر والناس تنشرها لين يموت صاحبها زي اللي تصور يدها او يد امها او حتى ان شاء الله شغالتهم او صورة بناتها الصغار بملابس البحر وتقول انها ماتفتن وبنتها وش طولها وعرضها والاعياد المبتدعة كل وحده شافت الصورة وراحت تسوي مثلك راح تاخذين اثمها واثم من عمل بها وبس اللي خلاني اكتب الموضوع انه في ناس تسوي كيذا وهم ماشاء الله ناس محافظه على دينها حرام برنامج تافه نتحمل ذنوب اتمنى قبل تنشرون صورة فكروا هل همكم رضا الناس واعجابهم او رضا الله مو الاستقرام وبس البرامج الثانية راجعوا مانشرتوا فيها وامسحوا لوجة الله
    الا يستحق الله انه نمسحها لاجله ؟
  2. كمية غباء وتخلف في الردود الله يعينك عليهم ياصاحبة الموضوع
    لو بحلف إن أكثر اللي ردوا ماقرأوا الموضوع ولا حتى عنوانه بس قرأوا كلمة انستقرام وجوك مدرعمين
    هذي الظاهره شفتها كثير في عالم حواء مايقدرون يقرأون الموضوع وإذا قرأوه من جهلهم مايفهمونه فيعتمدون على الردود اللي قبلهم المهم يشاركون ولا يخجلون من قلة فهمهم
    واللي صدمني وحده دايم ردودها متزنه بس في هالموضوع بان مدى ثقافتها وتخلفها ياليت تعتمد على زوجها وتخليه يمليها الردود في كل مشاركاتها مثل مايمليها في بعض المواضيع عشان ماتتغير صورتها
    ولا يهون باقي المدرعمات خلي ولدك ولا زوجك يقرأ الموضوع ويفهمك اذا مافهمتيه مو عيب
    العيب انك تردين على شي منتي فاهمته
    الحين الموضوع يقول لا تعطون لايكات وتشجعون اصحاب الصور اللي فيها مخالفات واذا قدرتم انصحوهم وانتم فهمتوه انها تحارب البرنامج بشكل عام ؟؟؟! ولا تحارب التطور ؟؟؟!
    من وين تفهمون انتم ؟؟؟ شوهتوا صوره عالم حواء ونفرتوا منه النخبة المثقفه بجهلكم ودرعمتكم

    محد قال تصوير اللحظات الحلوه غلط
    ولااحد قال توثيق المناسبات غلط
    ولا احد قال البرامج الجديده غلط
    الموضوع يقول لما تعطي لايك لوحده عندها شي محرم انتي تشجعينها وتتعززين الممارسات الخطأ في المجتمع وبالتالي انتي مشاركتها في الاثم علمتي ام لم تعلمي
    ولو كل وحده تجاهلت هذي الحسابات ولا نصحتهم كان ماشفنا كثير من المنكرات متفشيه

    وهي صادقة الكاتبه اجل تعطين لايك لوحده محتفله بعيد بدعي ما انزل الله به من سلطان وتعتبرين نفسك ماشاركتيها في الاثم؟؟؟
    ولا وحده لو شافت فقير ما اعطته ريال وتصرف الالاف على تزين سفر وكاسات بس عشان تصورها وتتباهى قدام الناس؟؟؟
    اعرف وحده كل انستقرامها حفلات واكل ومطاعم بس عشان تصور وتنزل في الانستقرام وربي ان حفلاتها تجيب الهم مالها طعم ولا فرحه لانها بس نيتها بتتفشخر وتصور وماكانت نيتها ادخال السرور على معازيمها
    واللي تصور شي من جسمها أو جزء من شعرها وتقول وش رايكم في صبغتي خلاص محد يعرفها هي بنت من ولا احد شاف وجها؟ هذي حلال تصرفها بنظركم؟؟؟ لما تعطينها لايك انتي شاركتيها في الاثم وهي لها حق عندك انك تنصحينها لو ما تشجيعك ماتمادت ولو ماتشجيعك ما اعجبوا فيها باقي المراهقات وقاموا يقلدونها ويتنافسون واللي تصور يدها ولا رجلها ولا مناكيرها ؟
    وترى بنات العز واثقات من نفسهم ماعندهم نقص ولا يحاولون يظهرون امكانيتهم الماديه
    وتراكم مربيات اجيال علموا بناتكم عدم الاسراف وان المبذرين اخوان الشياطين
    علموهم ان الي يركض ورى مدح الناس واعجابهم ناقص
    علموهم يكون لهم شخصيتهم المستقله ماتكون امعة اذا احسنوا الناس احسنت واذا اسأوا أساءت
    علموهم وش الحرام وش الحلال
    مو بس اذا طلعتي وجهك حرام ؟ حتى اي صورة من جسدك حتى لو ما انعرفتي انتي بنت مين حرام
    علموهم ان واجب عليك انكار اي منكر و اضعف الايمان في الانستقرام اذا ماقدرتي تنصحي انك ماتضيفين هذي الحسابات ولا تعملين لها لايك
    كبروا عقولهم خلوهم يهتمون بالاحداث الجسيمه اللي تمر فيها الامه في الوقت الحالي بدل الغيبوبه ومستنقع التفاهات اللي عايشين فيها
    وقبل ماتعلمين اولادك علمي نفسك تقرين الموضوع اول شي قبل تردين تفهمين الكاتبه وش بتقول وبعدين تردين مستحيل تكونين مربيه ناجحه وانتي ماتقدرين تقرين موضوع مكتوب من اربع سطور
    مستحيل تكونين مربيه ناجحه ومالك راي خاص فيك بس تشوفين الي ردوا قبلك وتقلدينهم
  3. @tamt0o0t

    صاحبة الموضوع
    يعطيك العافية على الرد احد الصحابة كان يقول شغلنا الجهاد عن القران بنات لاتشغلكم البرامج

تابعي تجارب أخرى من هذا القسم.