كيف تربون عيالكم ؟

والله انا اشوف التربيه بالهزمان صعبه شوي مو زي ايامنا كانت الام لها هيبه ونخاف منها ونحسب لها الف حساب اما الحين الوقت تغير وعقليات الاطفال سبحان الله بعد تغيرت .لاجيت انصح او اردع لازم اقول الاسباب واشرح السبب ليش امنع او ارفض مو زي ايامنا لاقالت الام لا يعني لا ولا نرادد ولا شي ونسمع الكلام الحين يناحلوونك الين يقتنعون .الله يعننا على تربيتهم ويصلحهم

على قول اختي قطعة شوكولاه كل شي تغير
يعني عن نفسي اللي اشوفه من اطفالي انه اذا قلت هذا غلط والسبب كذا والشاطرين مايسووه صعب ينفذو كلامي لان اصحابهم كذا محيط المدرسه اكبر مربي للاطفال مهما نعلم ومهما نسوي الا مايتأثرو باصحابهم وبكلامهم وبحركاتهم ناهيك عن التقليد
واذا المعلمه قالت كلمه حتى لو كانت غلطانه خلااااص مستحيل تتغير نظرتهم وفكرتهم مهما تحاولي طيب ليه لان المعلمه قالت وهيه صح
عن نفسي ادعي لهم دايما وابين لهم الصح من الغلط وهم عليهم التجربه لانه مجرد الكلام ماينفع اذا ماجربو وعاشو الامر لازم من الرقابه لازم نعرف اصحابهم وعن نفسي اسال بنتي عن صاحبتها اللي تمشي معاها اكثر من سؤال بنتي عن نفسها لاني عارفه انها الا ماتتأثر بصاحبتها وبافكارها لانها ملازمتها طول الوقت في المدرسه امشي على مبدأ قل لي من تصاحب اقل لك من انت
الله يهديهم ويبارك فيهم ويحميهم ويعننا على تربيتهم يارب لانه فعلا التربيه اصعب من الحمل والولاده

الله يجزاكم خير على التعليق و ابداء وجه نظركم و طريقتك تربيتكم لأبنائكم

اعجبني فيك اختي الحلوه المغروره .. انك تسألين عن صاحباتها
امر جيد ..