فقدت ثقتي بنفسي
السلآم عليكم وحمة الله وبركاته
كيف حالكم بنات حواء الجميلات
كثير ما اتابع مواضيعكم من بعيد واتمنى اشارككم بكل شي
عنجد تعجبني أراء أخواتي خاصة اللي لهم تجارب بالحياة
ماأطول عليكم خليني ابدا بسالفتي بس أتمنى تكون صدوركم وسيعة وتفهموني =(
* شلون يابنات الواحد يقدر يعيش حياته بدون شي اسمه " رضا " !
هذا الشي اللي دائما أفقده بحياتي :(
وهذا الشي اللي أؤمن انه سبب رئيسي وجوهري للسعادة
ماأدري أنا ايش أسمي نفسي متشائمة, حساسة ولا أنا فعلا وضعي صعب !
بعد كم شهر بدخل 26 وهالأيام تجري بسسسرعة
حاسة بكرة بصير 30 مو 26 !
وانا الحمدلله على كل حال لا زواج ولا وظيفة ألقى نفسي فيهم ولا دراسة أكملها ويصير لي إسمي بالمجتمع!
صدقا مافي يوم تخيلت أني ممكن أكتب شيء زي كذا على صفحة منتدى أشكو لكم فقط لأني سئمت الكتمان !
دايما أقول لحالي أتفاءلي وثقي بربك وأقرر أغير تفكيري كليا وشوي وأرجع ألقى نفسي مكتئبة وشايلة هموم كثيرة
أحيانا أفضل اعيش متشائمة عشان أكون مستعدة لأي ظرف سيء !
و ماأحب أقول لأحد من أهلي عن مشاعري تجاه فكرة " الزواج"
وخاصة لأني محا استفيد غير ان الكل بيحط بباله اني "البنت اللي تبغى تتزوج" وما أحد معبرها :unsure: !!!
يعني مو زي الولد اللي من يوم يطلب يتزوج أمه تروح تخطب له !
دايما أوضح للناس أنها مو فارقة معي غير اني ادرس وهم عاد يعتبروني الشخص عديم الاحساس
اللي ماعنده عواطف ! لأني ماأحب سالفة العرس
وأنا من داخلي والله أتمنى أستقر نفسيا وعاطفيا !
بس الحق مو أتمنى الفكرة هذي قد ماأتمنى ربي يرزقني الرضا بحياتي
أتمنى أعيش راضية بأي حال من الأحوال
يعني لو عشت مو متزوجه وراضية ومرتاحة
أفضل بكثير لو تزوجت وعشت مو راضية ><
مرة اختي قالتلي بسخرية انتي مقهورة لانك ماتزوجتي ولا عندك أطفال ! > هي تزوجت وهي قبل 20
ماأظهرت لها اني انجرحت بس رحت غرفتي وصرت أبكي
على بالها اني مارح أحس ><
كيف احد يبغاني افكر بإيجابية إذا كنت محاطة بمجتمع متخلف يزعزع الثقة بالنفس !
أحد يفهمني شو ذنبها البنت اللي ماتزوجت أو تأخرت بالزواج !!
ايش ذنبها اذا اهلها يحرموها تروح زواجات زي وضعي
وامي غير اجتماعية نهائيا
ومابيعرفني أحد بالعائلة غير الأقربين جدا
كل اللي خطبوني مايعرفوا شكلي مجرد سمعوا بإسمي من أحد وكلمونا تلفون
وكنت أرفض بحجة الدراسة وحجج ثانية > بعضهم ندمت على رفضهم وللآن اخاف ربي عاقبني لاني رفضت :(
والحمدلله على كل حال ماكأن صار أحد بسمع بإسمي كأني من كوكب آخر
اعترف اني لست جميلة جمال باهر لكن جمالي جدا مقبول
حتى ثقافتي عالية الحمدلله لاني احب اقرا وأحضر دورات
وتخصصي بالجامعة كان علمي مو سهل
بس للأسف كل هذا وثقتي بنفسي مالها وجود ><
صرت أنحرج من عمري خاصة الناس الفضولية اللي تسأل غريبة ماتزوجتي !
كأني مسوية شي غلط - الله يحفظني واياكم -
وأنا لو أبسوي أي غلط كنت سويته من زمان
الانترنت بغرفتي وكل المواقع مفتوحة وأقدر أكلم أي شاب
بس هذي مو الطريقة اللي أشوفها صح أبدا
أو بمعنى آخر لو كنت أبكلم أحد بنية الزواج فعلا
ماأدري اذا الطرف الثاني بيكون مقتنع أو بيكون يتسلى
غير ان المجتمع بيحتقرني كأن الزواج مو من حقي الشرعي !
بس أبغى أحد يفهمني هو هذا مجتمع ظالم والبنت مظلومة ؟؟ّ!!
تخيلوا معي لما بنت تكون جمالها مقبول ومثقفة
لكن مااحد يعرفها
وماجاها نصيبها وبالآخر يسموها "عانس"
بنظري أن هذا الظلم والقسوة بأبشع صورها
والله صرت أحتقر نفسي كل اللي أشعر فيه من هم وحزن بسبب رجل تأخر عني !
بس برجع أقول طيب هذا شعوري طبيعي لأني انسان ><
=(
يارب أرزقني وأخواتي من الرضا بهذه الحياة مايهون علينا مصائب الدنيا
حسبنا الله ونعم الوكيل
طولت بالكلام ومرة اسفة على بعثرة الحروف
حاولت اختصر قدر ماأقدر
أشياء كثير كانت بخاطري
بس اتمنى يكون اللي بخاطري وصلكم
في امان الله