بنات الرياض .. محتاجه مساعدتكم باسرع وقت

هلا والله .. شوفي في سوق المملكه او الفيصليه بتلقين لك ولطفلتك الله يخليها لك ..يعني سوق وفي ملااهي للاطفال في الفيصليه .. وكمان في سوق صحارى مول الدور الي فوق فيه مطاعم وملاهي للاطفال .. شاليهات ما اعرف والله .. بالنسبه للشغاله اضن لو لبست عبايه بيكون احسن عشان ما احد يضايقكم ..ما اعرف بالنسبه للشقق بس كان في زمان شقق روز جنب العزيزيه في شارع التخصصي اضنها كويسه .. اتمنى اكون ساعدتك حتى لو شوي .. اتمني لك رحله سعيدة ..

2 = شغالتي بتكون معي .. فهل امر ضروري ان تلبس شغالتي عباه ؟؟ هي محجبه و لباسها محتشم ..
على اساس انه ان كان ضروري فراح اشتري لها بكره عباه
اتوقع افضل عباية على الكتف وبس بحجابها

4 = يليت تكلموني عن الاماكن السياحه باكثر دقه .. لان في مواضيع ثانيه البنات ماقصروا بارائهم
حول هالموضوع بس نبي تفاصيل اكثر ..و يعني قالوا منتزه كذا و منتزه كذا .. بس المشكله مانعرف
هالمنتزهات عباره عن ايش ؟ هل فيها لعب للاطفال او مجرد مطاعم او استراحات او شاليهات ؟؟؟
المنتتزهات لو الفانتزي لاند مثلا اللي بالثمامه عندك مثل نظام كباين مخصصه لكل عايله بالتالفزيون وفيه ثيل ناس يفرشون ويجلسون وفيها ملاهي للأطفال او المراهقات وفيه عربات احصنه وبيع لأنواع التسالي وتمشيه بس
عندك المرسة هذي نظامها مختلف وارقى نظامها مسبح خاص للشاليه وخصوصيه
فيه الأستراحات العاديه تستاجرونها مسبح بيت شعر وبس يبيلها جمعه للوناسه
عندك المجمعات التجاريه انواع الشوبنج والفودكورت انواع المطاعم السريعه والكفي شوبس
شارع التحليه فيه كثير من المطاعم والجلسات مثل التي جاردن وكفي اروما والفورسيزنز والجلوب القيصليه والخزامي مطعم النخيل وانتى بتشوفيين كثير مطاعم

5 = اذا في محلات مميزه لملابس الاطفال و جزمهم الله يعزكم ..
وحتى لبس لي انا << ابي سايز كبير لان من بعد الولاده الكم طن اللي زدتهم للحين ماراحوا
الأطفال ماقدر افيدك لكن لك انت ماركس اندسبنسر نكست دبنهامز دورثي بيركنز مونسون كلها فيها مقاسات كبيرة

عندك الفيصليه فيها محلات اطفال خياليه ولك بعد مثل زارا قيس اوكايدي اكسسوريز هومحل اكسسوارات لكن عنده فساتين بنوتات تجننننن مكس نكست ماركس سبينسر موجود فيها محلات اطفال حلوه وفي الدور الثالث مطاعم والطابق السفلي ملاهي اطفال راح تنبسط بنتك فيها وعندك المملكه فيها مطاعم راقيه برا المول في البرج وعندك في المول محلات اطفال ونسائيه هاذولي افضل المولات في الرياض واذاكنتي تبغين مطاعم حلوه عندك التحليه الريف البناني والايطالي وتي جاردن ابل بيز وتشيليز فيه مطاعم كثيره وافضل شارع التحليه وفيه محل اطفال في شارع العليا روعه جمب سبلاش ومناسبات اسمه واي اند هاف روعه لايفوتك راح تلاقين عنده تنانير مكشكشه وفساتين بصراحه روعه المحل واذا كنتي تبغين ملاهي اطفال عندك عبقرينو في شارع التخصصي والفيصليه واذا كنتي تبغين شاليهات عندك فنتزي لاند والمرسا والبحيره وقريه الثمامه كلها في الثمامه والشقق المفروشه والله ماعندي خلفيه عنها بس العليا مليانه ولايفوتك برج المملكه ترقين فيه تشوفين منظر الرياض روعه في الليل احلى من النهار بالنسبه لشغالتك لازم تلبس عبايه بالنسبه للمنتزهات تكون فيها مطاعم واذا كنتي تبغين كفي شوب عندك ستار بكس موجود عوائل في العليا ودكتور كيف واذا كنتو من محبين الشاورما لا تفوتك شاورما ماما نوره في شارع الضباب واتمنى لكم رحله سعيده في اجواء الرياض

المملكة وصحارى محلاتها حلوة
المحلات الفخمة والغريبة تلاقيها بشارع العليا العام :)

المنتزهات الحلوة
الحكير لاند وستار سيتي وهذي نسائية هذي ملاهي يعني العاب
وعندك الثمامة كلها منتزهات عائلية افضلهم برايي فانتزي لاند

riyadh desert rose

موجه زرقاء

الف الف شكر لكم .. اضافتكم افادتني جزاكم الله خير

هذا عشمي فيكم يابنات الرياض

:)