كم سؤال لعروسة 2006

بنات انا انشاءالله فرحي قرب

واخيرا قررت الصالون الي بسويلي مكياجي و تسريحتي بس قبل ما أروح حبيت أسالكم عن شي

ايش الالوان الي طالعه السنه للمكياج و الاحلى على الي بشرتهم حنطيه

البرتقالي-الازرق-الموف-الزهر-الاسود

ياريت الي شافت عروس سمره و عجبها المكياج تقولي لون المكياج عشان أستفيد و أحدد قبل لا أروح انا أكيد انشاءالله بسأل الكوافيره قبل لاأسوي بس حابه أكون على نور قبل لأروح

انا حابه بصراحة (لا تضحكون علي) :42: حابه أحط أمناكير أحمر بس أيش ممكن تحطيلي مكياج يليق لأحمر يعني حابه مكياجي يكون غالب عليه اللون الاحمر ايش رأيكم؟؟ حلو والا يطلع بلدي؟؟ ياريت تقولولي لان قلت لهلي قالو وععععععععععع:22: ايش فيكي؟؟؟:42: :( بس مره نفسي في:( :09: :)

سؤال ثاني معليش تعبتكم

تعرفون البرنص؟؟؟ الغطاء الابيض الي زي العبايه يلبسوا في عمان و مصر للحجاب فين ممكن أحصل زيو في جدة؟؟ لان أهل المعرس بدخلون أخر الفرح و لازم أغطي قبي لايجوا

الله يسعدكم مستني الردود:)

18 تعليق 1,402 مشاهدة

شاركي في النقاش

سجلي الدخول لإضافة تعليق.

التعليقات

17
  1. @it_girl_1

    صاحبة الموضوع
    والله كتبت رد طوووووووووويل و راح مقهوره

    أبغى أسال عن مكياج العروسه ايش الالوان الي طعة موضه السنه والي تلبق على البشره الحنطيه السمره؟؟

    الموف-الزهر-البرتقالي-الاسود؟؟

    مين شافت عروس سمره جديد و عجبها مكياجها و ايش كان الون؟؟

    اقولكم شي بس ماتسولي زي أهلي انا صراحة نفسي أحط مكياج أحمر يعني أكيد مو أحمر أحمر بس الروج و المناكير بيكون أحمر و بيصير دمج ألوان في الشادو بس كيف يطلع حلو والا؟

    انا قلت لاهلي هنا قالولي وعععععععع:22: ايش فيكي:hahaha: ايش رأيكم؟؟ بالامانه ماأبغى مجامله

    أنشاءالله بسأل الكوافيره لانها لها نظره بس حبيت أكون على نور و أشوف ايش رأيكم و اذا في وحده مثلي تبغى أحمر

    و بالنسبه للبرنص؟؟ الغطاء الطويل الي زي العبايه يلبسونوا عرايس مصر و عمان كعبايه لان أهل عريسي بيدخلون في أخر الفرح و حابه البسوا فين ممكن أحصل زيو في جدة؟؟

    الله يخليكم يا بنات لاطنشوني

    :( :)
  2. حبيبتي على حسب لون البشرة وعلى حسب الرسمه انا شفت اكثر من عروس كانت مسويه مكياجها لونه احمر طلع يجنن لكن بصراحه كان لونهم قمحي لكن في عروس شفتها ماكان حلو لكن هي مررررررررة سمره لكن ترى الاحمر طالع والكوشه الحمرة مع الاضاءه روعه
    بالنسبه للبرنص اتوقع لازم تخيطينه اذا انتي بتسوين في قاعه فرح موجود عندهم لاني اعرف وحده كان زواجها هناك ولبسته من عندهم لما دخلو عمان وخوال العريس
  3. @it_girl_1

    صاحبة الموضوع
    moon1985_7
    حبيبتي على حسب لون البشرة وعلى حسب الرسمه انا شفت اكثر من عروس كانت مسويه مكياجها لونه احمر طلع يجنن لكن بصراحه كان لونهم قمحي لكن في عروس شفتها ماكان حلو لكن هي مررررررررة سمره لكن ترى الاحمر طالع والكوشه الحمرة مع الاضاءه روعه بالنسبه لل…
    شكرا يا قلبي والله طمنتيني للاحمر بفكر فيه لاني انا مو سمره مره يعني بين و بين البعض يقولي بيضه و البعض يقولي حنطيه
    بس ايش كان لون الروج و المناكير واي دراجات الاحمر؟؟
    :)
  4. كله كان احمر طبعا العين داخل فيها الاسود لكن كانت درجه الاحمر الغامق مو الي على اورنج لا الي كانه عمودي لكن موعودي يعني اغمق درجات الاحمر انصحك اعملي بروفه على اللون
  5. @it_girl_1

    صاحبة الموضوع
    مشكوره موون اكيد بسوي بروفه

    يابنات أخض عليكم والله دايما لما أحط موضوع مالاقي أقبال أو مافي وحدة ترد عليه:(

    مع أني والله أحااول قدر المستطاع اني أجاوب على اساله البنات في المنتدى:)

تابعي تجارب أخرى من هذا القسم.