الاعياد هلت والافراح زانت ❤ تباشيــ 2 ــر مواليد مايو.. & يونيو.. (2014) المحطـ 17ـة

متابعة النقاش، صفحة 355

شاركي في النقاش

سجلي الدخول لإضافة تعليق.

التعليقات

2,038
  1. @shmoaa_tbky

    كروشه
    ياعمري عليك حاسه فيك وخاصه اني مجربه
    ماعليك اذا تحسن ولدك بيطلع خليه بالمستشفى افضل له واستودعيه الله
    ودايما ادعي له

    لولي
    ليه تستعملين ملح ماينصحون بأستعماله اول الايام يشد الجرح ومايخليه يلتئم
    امشي على اللي يعطونك المستشفى وماعليك من هالخرابيط

    فتاة الخرج
    حماتي بالتاسع تاكل اناناس يوميا وجاء وقت ولادتها ولا ولدت
    التساهيل من الله والولاده اذا جات بتجي بوقتها مهما سويتي

    نهى
    ياعمرررري عليك
    يارب يقلب جنينك وتولدين طبيعي وتفرحين يااااررررب
    عليك بالدعاء والرجاء والله عند حسن ظن العبد اذا دعاه

    سلامات
    الله يعينك ونووم العافيه ياعسل

    Loooooly
    هذي بداية طلق الله يسهل عليك ولادتك وييسرها

    ابله هانم
    انا سويت ثيمات للمويه وللكيك وعملت ميني لوشن وبوصي على صينية شوكولاته
    وعملت فساتين بالفلوس
    وبجيب معجنات وبقلاوه ومكسرات يابانيه ومخلوطه وورق عنب وعصاير
    وانتي اعملي اللي يجي على ميزانيتك ومثل اهلك
  2. شموع تبكي
    مكرر
    الله ييسرها ياااااارب
    ي ليت يكون طلق وأولد وارتاح تعبت وبنفس الوقت بدا الخوف للان ما نمت

    بس زعلانه لآني بجلس في بيتي

    ودي أكون عند أمي..

    الحمدلله ع كل حال
  3. @kl_alghla_ana

    هلا بنات كيفكم؟

    اسمحولي مشغولة هذي الفترة مع البنوتة والزوار غير اني وحدي ببيت وبغربة ملفي احد يساعدني غير زوجي

    المهم جيتكم ب اكشن الولادة.....اقول ولااااا لااااااا


    اوك بقولكم هههه

    سلمكم الله ذكرت انا من قبل انه كنت اخذ حبوب الاسبرين عشان حملي السابق توفى الجنين في الشهر الثامن. المهم الدكتور قرر على طلق صناعي اذا وصلت الاسبوع ٣٨ ولا ولدت وكان عندي موعد يوم الاثنين عشان نحدد يوم التنويم والطلق وكنت افكر ومتخوفة كثير لاني جريت الطلق الصناعي من قبل

    المهم انا كان عندي طلق خفيف صارله ايام ويوم الجمعة صرت احس بالام مثل الم الدورة ومتركز الالم في الظهر من تحت. نومت البنات ورحت خذيت شور ماي حااااار ونمت لكن ايش انام...كل شوي اقوم على مغص واروح الحمام مافي شي وارجع انام شوي وهكذا لغاية الساعة ٤ الفجر قمت خذيت دوش ثاني ولما جى وقت الصلاة قومت زوجي للصلاة وقلتله يالله نصلي و ع المستشفى

    خذينا البنات ورحنا المستشفى طلع الرحم فاتح ٤ سم. زوجي راح وصل البنات عند عيلة من معارفنا ورجع معي المستشفى. قلتلهم اريد امشي والمشكلة ان راس البيبي كان شوي مرتفع بالرغم من الرحم مفتوح والطلق بدا ينتظم
    الساعة ١١ االدكتورة فتحت ماي الجنين وبدا الطلق يشتد وطلبت الاكسوجين.
    عاد زوجي اول مرة يحضر معي ولادة وكنت خايفة عليه ما يتحمل ههههههه خبرته ياخذ كرسي يجلس عند راسي بس يدعيلي ويمسك لي جهاز التنفس

    والحمدلله الساعة ١ الظهر ولدت وجبت احلى عروسة...ماتصدقو كيف فرحت فيها لما عطوني اياها وشكرت ربي انها وصلت بصحة وسلامة

    الحمدلله ما احتجت خياطة بس خلوني ارتاح قرب الساعة بعدها خذيت شاور وطلعوني على القسم فوق. ولاني كنت تعباااانه رحت في نومه عميقة هههه

    نصيحة بنات...الحركة ثم الحركة. انا من الشهر الثامن امشي يوم بعد يوم مسافة بسيطة تقريبا نص ساعة و لما دخلت التاسع صرت امشي يوميا نصف ساعة بدون م اجهد نفسي. والصباح ع الريق اكل ٧ حبات تمر

    نسيت اقول انا ورايحة المستشفى للولادة خذيت معي حليب ساخن مع زعفران لاني شفت مفعولة في ولادتي الاولى...ولله الحمد ربي سهل الولادة صحيح الم وتعب بس ارحم من ولادتي الماضية

    دعواتكم لي و ل بناتي وزوجي و عقبال ربي يسهل على بقية الحوامل

تابعي تجارب أخرى من هذا القسم.