خالتي مشكلتها انها خجوله كثير وتزوجت وسافرت لبلد زوجها وبعد فتره من الزواج صارت تحس بقل الثقه بالنفس قدام زوجها واهله ولا تعرف تتكلم معمهم او اي شي وزوجها يتضايق كثير منها وهذا الشي اثر كثير على نفسيتها صارت تكره نفسها لدرجه انها تتمنى الموت ودايما هي تحاول انها تختلط معهم بس ما تقدر لانها تحس انها ضعيفه شخصيه وثقتها بنفسها ضعيفه
واتمنى انكم تساعدونها والي عندها تجربه خلتها تثق بنفسها اكثر ممكن تقولها عشان تفيد خالتي وتفيد ناس كثيرين
الله يجزاها خير ويفرج كربها الي ترد
شاركي في النقاش
سجلي الدخول لإضافة تعليق.
التعليقات
10- طيب ليش هيا تحس بقلة الثقه هذي ؟ عشان نقدر نفيدها...
- مثل سؤال اللي فوقي :
وش سبب عدم ثقتها ؟ عشان نعطيها الحل الصحيح
هل هو بسبب الخوف من الحديث للناس ؟
او عدم لباقتها بالحديث او تخاف تتكلم وتصير كلمتها عاديه و مو مسموعه ,,
ترا هالشيء مو زين ابدا
خليها تحط في بالها
* إلى متى و انا كذا على هالحال ؟
زوجي مللته مني و ما راح يقول ياحليلها تستحي
بيقول نفسيه ماتبي تتكلم مع احد ,
اهله اللي يفرحون بمرت ولدهم و يبونها سنعه وتدخل معهم
بيشوفونها كذا ما راح يقولون تستحي وماعندها ثقه
بيقولون ما تبي الناس .
* وتخرب سمعتها وسمعة اهلها وخواتها انهم اكيد مثل بنتهم هذي مايبون احد *
صح والا لا ؟
كلامي الى هنا صح .
خليها تفكر بينها وبين نفسها مره ثانيه
الى متى وانا كذا ؟
زوجي تحمل سنه وسنتين وخمس
ما راح يتحمل هالوضع 10 سنين
يمكن ينفصل عنها بسبة هالشيء او يمكن ما عاد يهتم لها مثل اول بسبب طريقتها هذي و اسلوبها .
اهل زوجي بيقولون عني ما تبينا .
الناس اللي عند اهل زوجي خالاتهم وعماتهم
بيقولون ماتبي احد ولا تحب الناس شايفه نفسها ,
* تفكر و تقول هذول وش احسن مني فيه .؟
اجسام ؟ وعندي جسم
وجه ولسان ؟ عندي وجه ولسان
بنات مثلهم مثلي وحالهم من حالي
واللي اصغر مني وش احسن مني فيه ؟
اذا تكلمو بمجلس وكلمتهم مسموعه
وانا الكبيره المتزوجه لا . بس ساكته و اطالع فيهم
تبدا تحط هالاشياء في بالها
و راح يصيرون في عقلها الباطن تلقائياً .
تبدا هالشيء في زوجها وتطبق عليه
و بعدين بأهل زوجها
تخلق لها اي موضوع للنقاش فيه
شوي شوي وراح تتعود
شلونكم شخباركم ؟ ومن هالسوالف
تجيب سيرة رمضان واستعداداته
و اذا قالو بدري و زي كذا تقول عشان التفريز وهالسوالف
وتلقائيا تلاقي روحها بدت تسولف وتاخذ وتعي معاهم
و راح يحبون جلستهها وما يملون منها
عكس اذا كانت كله ساكته بيقولون بس جالسه تطالع
كنها بومه ويمكن تنقل كلامنا عند غيرنا ..
صح .؟
و خليها تقرا عن تعزيز الثقه بالنفس بالنت
و عن العقل الباطن والثقه و و
وبتسفتيد كثير من هالشيء
الله يوفقها ويسعدها - ليش اتحس بعدم الثقة بالنفس:D
- الله يجزاكم خير
- وسبب عدم ثقتها انها تخاف من انها تغلط وهي تتكلم او ما يفهمون عليها ويقعدون يعلقون ع كلامها
مواضيع مشابهة
تابعي تجارب أخرى من هذا القسم.