السلام عليكم
انا قلت بستغل وقتي واستفيد منه واستفيد ماديا بدأت مشروعي بمشاركه مع زوجه اخوي هم عليهم المؤؤنه وعلي الطبخ وعملت بوفيه 3او4امتار مومتأكده لأن انا طبخت وعملت سخانات كبيرة كان اتفاقنا انو ع كل صينيه مبلغ معين بس لما جاتهم الفلوس سحبو علي ...جا بعد بيومين قال كم تبغي قلت انت وش شايف صراحه استحيت لأن اتفقنا يومها ان ع كل سخان كذا كيف يجي يسأل يعني مابيعطي قلت له مابغى قال خلاص لازم هديه واعطاني هديه رمزيه جدا والله موقد تعبي حتى ماحاول انه يتفاوض ع مبلغ ماصدق قلت مابغى واروح ارتب معاها الطاولات وكله وذا كله وزوجي مو راضي
قلت خلاص انا بشتغل ةحدي وتجيني طلبات بس مايعرفو مين انا ولابغى حد يعرف عليهم يطلبو واوصله مع سواق ب10 بس ذبحوني الحلى تشيز كيك 30حبه كوب ب100يقولو غالي والله مكلف الحلى مره ..طيب محشي قدر ب50غالي ...كشري قدر كبير ب50غالي تعبت ارد واتفق وكل شي بالأخر يسحبو او المبلغ يصير قضيه
الحاصل ان وحده كلمتني اعمل بوفيه ب7000 طوله15متر كمان يقولو غالي طيب بحط 10سخانات حجم كبير ومن غير المقبلات والحلى والكيك والمشروبات والله حسبتها طلع مايخارجني
الزبده ان زوجي هالفكرة مادخلت راسه نهائي وانا اعتذرت من الكل وحاسه غلطت الشغله عاجبتني وفيها دخل حلو بس الناس ماترحم ولاتخلي حد بحالها وهذا وهم موعارفين مين انا لو عرفو اكيد مكابره واحراجات وانا مو ناقصه
هل قراري صحيح بتركها ولا استمر علما اني مو محتاجه ماديا الحمدلله مستورة بس استفيد ويكون لي دخل خاص والله الكل مدح بالبوفيه وهم مايعرفو مين سواه اعطيناهم لقب بعيد وتجي طلبات بس الشغله متعبه ويبي لها طوووول بال بأشغل وتنتظري اللدخل
معليش كلامي ملخبط بس والله من.كثر ماكلمت زباين.وبالأخر تكنسلوو كلهم
الموضوع مغلق