متزوجة جديدة وعجزت أتأقلم ..

عادي ياقلبي انتي قوليله اذا بتعزم احد يعلمك قبلها بايام .. وفرزني وسوي الشوربه و الحلا من الليل وبكذا مايكون عليك الاالقلي والقهوة وتجهيزات الصحون .. وترى العزيمة برمضان يوم واحد مو كل رمضان عزايم هونيها وتهوون وترى كل العرايس مثلك ..
وحتى صديقاتي المتزوجات من سنين يستصعبونها لاتشيلين هم :)

لاتشيلي هم ....ترا الطبخ بسيط ودامك تضبطين الاصناف ...فخلاص ماحولك خلاف
واشتري لك كتاب طبخ يكون شرحة بسيط وسلس
وترا شهر رمضان في الصيف والنهاااار طوووووويل
يمديك تنامي وتشبعي نوم وتصلي وتدخلي المطبخ ماقرب المغرب
وبالتوفيق في حياتك الزوجيه والعلميه والعمليه

خليكي ذكيه
ولاتطبخي كثير مره باليوم تكفي انتي طالبه
واذا عزم خلي الطبق الرئيسئ من المطعم والباقي انتي سويه
خليكي دلوعه مو مكروفه
ترى مايبين بعيونهم شي

هونيها وتهون

انا بتكلم لك عن كثير من قرايبي نفسك وخاصة اختي اول ماتزوجت ذبحها زوجها بالطلبات واصناف الاكل وبعد زواجها بشهرين دخل رمضان وهاتك ياعزايم لصدقاه واهله وجيرانه ذبحها ذبح بس اختي الله يهاديها ماتخلي لنفسها راحة يعني بذلت كل مجهودها بالطبخ وتحضير السفره يعني لو انا بمكان اختي اول شي اطبخ اصناف محدوده لان اعتبره اسراف  المهم اللي حبيت اقوله لك ان زوج اختي من بعد رمضان صار مايعزم ليييش؟؟
لان بعض الرجال يسويها كاختبار لزوجته ويتباهى فيها قدام الناس لذلك هي على شخصية الزوج(. ماعليش طولت بس دخلت جو بالشرح هههه)

الله يوفقك يابنتي

امممم مدري شقول لك ؟؟

لكن نصيحة ضبطي وضعك مع زوجك قولي الحياة مو طبخ وبس !!

والحمد لله مدام نفسك في الطبخ حلو لا تخافي

والحمدلله الأجهزة الحين أختصرت شي كثييير من التعب ،،

وفكرة التفريز طيبة بالذات قبل العزيمة تساعدك

وكمان النهار طويل برمضان ف يمديك تجهزي الشي الكثير

الله يوفقك ويسهل أمورك

ع فكرة لك وللجميع ( الضيف بركة ) بدخلته يتبارك البيت والأكل وإذا أحتسبتي الأجر ع الله ماراح تندمي بإذن الله ،،

وفي فكرة حلوة تساعدك لو ما تحبي تطبخي قدامه جيبي الصواني حقت البوفية بس المقاس الصغير وجهزي طبختك وولعي تحتها شمعة تطبخ براحتها قبل الوجبة بوقت كافي ،،

<< معليش مررة طولت