هل من حق الأم هي وبناتها تسافر مع ولدهاولأ لازم تحشر الزوجة نفسها وتروح>تحول عن مساره

كلمة تحشر مالها دعي والله ياختي لوصفيت القلوب كان سافرت الزوجه مع اهله وهم سافرو معها وانبسطوا مع بعض بس في هدا الزمن تغيرت النفوس وصارو اهل الزوج اعداء والزوجه عدوه وغريبه انتم خطبتم بنت الناس ورقصتو يوم الفرح وتراحيب وقت زيرتها وهي عروس والزوجه كدالك يعني مافي اي مشاكل وفجاءة تتغير الامور وكل يحط عيب في الثاني لو كانت القلوب صافيه ماجات كلمة تحشر وبعض اخوات الزوج تجيك تلقي لك محاضره عن احترام اهل زوجها وخواته ولا تزوجت اختلف الوضع كدلك الزوجه دام القلوب ماهي صافيه يضل الحرب قائم بين اهل الزوج وزوجته ما اعمم بعض الناس والله يصفي قلوبكم على زوجته اخوك ويصفي قلبها عليكم

البنت المتزوجه تسافر مع زوجها،اخوها مو ملزوم فيها،واذا مو متزوجه تسافر مع ابوها او اخوها العزوبي،يعني ضاقت يسافروا مع المتزوج؟! مسألة غيرة لااقل ولا اكثر،يعني شوفي يازوجة اخونا ترى بنسافر مع زوجك وانتي لا
ولو فرضنا بيسفرهم وش فيها اذا راحت زوجته معهم؟ بعبع؟
مافي مجال للمقارنه ابدا،حتى الولد بيفضل يسافر مع زوجته لوحدهم ،مو العائلة الكريمه ،لو امه لوحدها ارحم
هو يحتاج زوجته اكثر من أهله ،وبصراحة السفر مو ضرورة ،لو مشوار اوكي ،لكن ترفيه معروف للمتزوجات غالبا هذا العرف
العجوز خذت حقها بايام شبابها،والبنات لاحقات مع ازواج المستقبل
الواحد مايثقل على ولده بعد الزواج زادت مسؤلياته وواجباته ،،،،،
والله قبل زواجي ماسفرت ابد ،ولاافكر اطلب من اخوي المتزوج،كفايه عليه عياله،كثر الله خيره يوديني لمشوار ضروري

اولا كلمه تحشر نفسها ابدا مو مكانها بالموضوع لانها زوجته مافيه شي بين الرجال ومرته اسمه تحشر هذا زوجها مافيها شي لو سافرت امه واخواته معها هي كمان هذا في حاله ماعندهم غير هالولد يسفرهم اما لو فيه غير اما الاب او اخ ثاني مو متزوج مالهم حق يسوون مشاكل مالها داعي بسبب سفره الحياه فيها امور كثيره اهم من انو نوقف عالمواضيع هذي ياليت الناس تشيل الاحكام المسبقه عن علاقه الزوجه باهل زوجها والعكس بسبب انو دايم نسمع مشاكل من هالنوع تتزوج الوحده وحاطه ببالها انو اهل زوجها اعداء وهم يحطونها انها اخذت ولدهم منهم وتبدا المشاكل عموما اللي ابي اقوله ان امه لها حق عليه بدون ماتتعدى على حقوق زوجته والزوجه لها حقوق بدون ماتتعدى على امه والواحد يصفي نيته لان وعلى نياتكم ترزقون

كيف تحشر نفسها وهي زوجته !!! بصراحه مع التقدير للام والاخت بس المفترض الزوج والزوجه يسافرون ب خصوصيه بدونهم