هل من حق الأم هي وبناتها تسافر مع ولدهاولأ لازم تحشر الزوجة نفسها وتروح>تحول عن مساره

انا عن نفسي لو اعرف ان طلعيتي معهم حتجيب لي الغم و الحساسيات والله لدعي لهم بالسلامة واجلس بي بيتي احسن لي, بس انا أعرف في زوجات في زوجات ما حتي لو ما سوت مشكلة بتقعد تتنكد عارفين ليش؟ راح تقعد تحسب على الفلوس اللي راح يخسرها عليهم خصوصا لو تعرف زوجها كريم و اكابر وتقول هذا رزقا ورزق عيالها بيروح على اهل زوجها,اما انا اعرف ام زوجي ارملة وبناتها كبار وليس ما تتزوجوا وزوجي يحب امه كثيرفما فيها شي لو يوديهم يفرحوا شوي بدوني الله يسعدهم .

انا اشوف ان الولد لا تزوج المفروض امه و اخواته ما يطلبون منه مشاوير و سفرات لان صار رب عائلة و له مسؤوليات و التزامات
يعني انا اتكلم عن نفسي و عن أمي، امي مجرد ان حد من اخواني يتزوج تغسل ايدها منه و ماتطلب منه مشاوير تقول لانه متزوج وله مسؤوليات ما بروح اشغله يمكن زوجته محتاجته
ونفس الشيء انا اخواني المتزوجين ابد ما اطلب منهم مشاوير ابد ابدا الا لو هم بنفسهم شافوني محتاجة و عرضوا علي توصيله أو مشوار

بس
لو الولد لو هو بنفسه عزمهم على سفره هاذيك الساعة كلام ثاني من حقهم يلبون العزومة و يروحون معه لان هو بنفسه اقترح هالشي من نفسه
بالنسبة للزوجه بهالحالة، يعتمد على عدة شروط :
اول شيء يعتمد على زوجها لو هو ايضا عزم زوجته تروح معاهم هاذيك الساعة ام و أخت الولد مو من حقهم يرفضون لان هاي زوجته و من حقه انه ياخذها معه
ثاني شيء لو هي أبدت رغبتها بالسفر و زوجها ما عنده مانع فليش اهل الزوج يعترضون ؟ مالهم حق، خل الام و الاخت تحط نفسها مكان الزوجة وبتفهم
ثالث شيء لو زوجة الابن و زوجها يبون يسافرون لكن ام و اخت الابن مايبونها ، يفضل ان الزوجة حفظا لكرامتها تتجنب السفر معاهم مع أنه من حقها انها تروح، ولو راحت وهم ما يبون ، معليش لا تنكدون حالكم كل واحد ينبسط و ينسى ان الطرف الثاني موجود
بس لو الزوج ما يبي زوجته تسافر معاهم هاذيك الساعة مو من حقها تغصب الزوج انها ترووح معاهم

وعيشوا حياتكم بعفوية و بدون حساسية

شوفي انا تدرين ليش انقهرت

مو سالفة خوات زوج وكذا بالعكس الوحدة اللي ماتقدر اهل زوجه مي مقدرة زوجه وعياله
انا اللي قهرن ان صاحبة الموضوع تقول عن زوجة اخوه انه حاشرة نفسه
واحتمال تسعين بالميه اخوه يبي زوجته تجي معهم
هاذا اللي فقع مرارتي

الولَد عليه يبرّ بأمه بس والزوجه تعينه على هالشيء مهمآ جاها منها وإن كانت امه طيبه فهذا نعمَه وتستآهل

تمشيَه وعشاء إن كان مافيه ولد عازب عندهم أو ابوهم كبير فالسّن فهو يسوي خير هو وزوجته ويطلعونهُم يشمّون هوى ، بالمقآبل خوآته يحمدون ربهم على زوجة أخوهم اذا مامنّت عليهم أو ذلتهم بهالشيّ ومايقولون ايه هذي طيّبه ويسوون فيها الهوآيل عشان ماتوريهم وجه ثاني يليق بأفعالهم معها

والسّفر مااظنه بيجي كل يوم عشآن الضعيفه تفوّت الفرصه وتخليهم يروحون لحالهم ، إلا في حالة هي ماترغب بالسفر معهم ويكون بيسفرها لحالها بعدهم ، هذا شي تتفق عليه هي ويآه وانتم مالكم دخل فييه نهائي

بس ياخوفي تخليكم تروحون وتنبسطون واذا جاء وقت يسفرها تقولون ايه ماراحت معنا وتبغى لحالها ام الخصوصيه <~ فيه ناس كذآ ماينسلم منهم

وآخر شي ترى البيوت أسرار ماتدرون عنهآ ولا عن اخوكم غالباً اللي طيب مع أهله يتوقعونه طيّب مع زوجته ويقعدون لهآ بالمرصاد مع آن يمكن قوة شخصيته تكون عندهآ بس

وآخر شي الاخت وزوجة آخوها كلن يصفّي قلبه والأحسن يكون فيه مسافه بينهم بدون ميآنه قويه عشآن يبقى الإحترام بينهم .

(سبحان الله وبحمده سبحان الله العظيم)

وش نوع السفر زياره صلة رحم..اوتاديه واجب مثل عزا او مناسبه عاادي تصير كثير لكن سفر تمشيه ..ماعمري سمعت رجال سافر مع امه وخواته وترك زوجته !!