ماهي مسألة انانية
ولا مسألة انتهت صلاحية الأم
المسألة كلها من اولها لأخرها
انها زوجته
شريكته
نصه التاني
هي اهله كما ذكر في السنة الزوجة هي الأهل
ادا سافر تسافر معاه
ان جلس تجلس معاه
لأنه ماينام بشكل يومي الا في حضنها
دامهم يشتركو ببيت واحد وغرفة نوم وحدة
فما بالك سفر
ماتعتبر حاشرة نفسها
لأنها خلاص صارت مسؤولة منه
هي مش وحدة من الشارع علشان تقولي حاشرة نفسها
دي زوجته محشورة غصب عن امه اللي خلفته وربته
ماتقدر تعترض دام بين ولدها وزوجته عقد مصدق في المحكمة
وعليه توقيعه وتوقيع زوجته
ماناقص الا يطلقها وتخرج من تحت طاعته علشان يسفر امه والا أخته !!!!!!!!
و الخلوة بين الزوجين
مش بين الزوج واهله
الخلوة خاصة بأمور حميمية وغيرها
مش خاصة بأهله
والخصوصية اكتر بين الزوجين
فطبيعي تسافر وحدها بدون اهله
لأنه هو كمان له خصوصية مع زوجته < ليش ماجا على بالك هو يبغى يحشرها معاه وعلى قلبه زي العسل؟
والملكية بينهم هي تملك قلبه وهو يملك قلبها
فين مو من حقهم يملكو بعض؟
والا ناسيين انه ملكها بورق رسمي؟
مو من حق امه ولا اخته ولا أبوه يعترض شراكته بزوجته < ( كان مازوجوه ادا مايبغوها تشاركه اموره الخاصة كان خلوه عندهم مزهرية )
مو من حق اي كان يستغرب ليش هو ماخدها معاه في طلعة وحدها
وياخدها مع اهله
لأنه هو ولي أمرها هو اللي يبغاها معاه مايقدر يبعد عنها
فيعتبر سفرها معاه هو واهله حق من حقوقها ومن حقوقه هو
وادا زعلت انه يسافر وحده معاهم برضو معاها حق
لأن الزوج مايرضى زوجته تطلع برا البلد مع ابوها واخوها وامها واخواتها
صح والا لأ؟
لأنه يعتبر انه مسؤول عنها
فهو بالتالي مايخرج برا الا هي معاه
وهدا انصاف لها وليس ظلم لأهله
هدا تصرف مايمس اهله بسوء
ليش تعتقدي ان الزوج ادا اكرم زوجته والا هي اكرمته
انها اساءة لأهله؟
هو مجرد سفر واتشاركو فيه زوجين
فليش كل ماكان بين الزوجين خير وعشرة بالمعروف يزعلو أهل الزوج؟
ويعتبروه اساءة لهم؟
معقول لهالدرجة اهل الزوج مايتمنو الخير لزوجة اخوهم حبيبهم؟
ليش ماقلتي ياخدوها معاهم كونها زوجة اخوهم وصارت منهم وفيهم ؟
اخواته عمات اولادها بينهم صلة رحم
والا الأم أو الأخت لازم لها يوم تنام في حضن ولدهم؟؟؟؟
زي زوجته؟
عجييييييب امر بعضكم !
الأم عاشت ايام شبابها مع زوجها لين شبعت
والأخوات لهم يوم لما يتزوجو
ايش الفجعة دي عالرجال
حتى الأخ مفجوعين عليه
علشان هو رجل
قرفتونا
ايش اللي لها يوم زوجته ولنا يوم ليش ضراير؟
والله بديت اشك ان بعض الأخوات تشتهي اخوها
لأن بالها طول الوقت مع زوجته كأنها ضرتها
شي مقزز !!
هل من حق الأم هي وبناتها تسافر مع ولدهاولأ لازم تحشر الزوجة نفسها وتروح>تحول عن مساره
متابعة النقاش، صفحة 33